شوہر کو گُردہ بیچنے پر مجبور کرنے والی بیوی رقم لے کر عاشق کے ساتھ فرار
اشاعت کی تاریخ: 4th, February 2025 GMT
ایک بھارتی خاتون پر الزام ہے کہ انہوں نے اپنے شوہر کو بیٹی کی تعلیم کے لیے بلیک مارکیٹ میں اپنا گردہ بیچنے پر اُکسایا اور پھر رقم چوری کر کے اپنے عاشق کے ساتھ بھاگ نکلی۔
مغربی بنگال سے تعلق رکھنے والی ایک خاتون نے مبینہ طور پر اپنی بیٹی کی اعلیٰ تعلیم اور مستقبل میں اس کی شادی کا بندوبست کرنے کے لیے اپنے شوہر کو اپنا گردہ بیچنے پر راضی کرنے کی کوشش میں کئی ماہ گزارے۔
اگرچہ شوہر شروع میں ہچکچاہٹ کا شکار تھا لیکن آخرکار اسے یقین ہو گیا کہ اس ’قربانی‘ سے اسکے خاندان کی مالی حالت بہتر ہو جائے گی اور اس کی بچی کا مستقبل محفوظ ہوجائے گا۔
شوہر نے ایک سال بلیک مارکیٹ میں خریدار کی تلاش میں گزارے جبکہ بھارت میں انسانی اعضاء کی فروخت تین دہائیوں سے غیر قانونی ہے۔ شوہر کو آخرکار ایک خریدار مل گیا۔
تکلیف دہ آپریشن سے گزرنے کے بعد شوہر نے اپنے گردے بیچے اور 10 لاکھ بھارتی روپے کی رقم حاصل کی جو اس نے اپنی بیوی کو سونپ دی۔
لیکن بیوی وہ رقم چوری کر کے اپنے عاشق کے ساتھ بھاگ نکلی۔
ذریعہ: Express News
کلیدی لفظ: شوہر کو
پڑھیں:
بچے نے مانگی بریانی، حکومت مینو تبدیل کرنے پر مجبور
بھارت کی ریاست کیرالا کی حکومت ایک بچے کی فرمائش کی روشی میں اسکولوں میں کھانے پینے کی اشیا کے مینو پر نظرِثانی پر مجبور ہوگئی ہے۔ بچے نے کہا تھا کہ اسکولوں میں جو کھانا فراہم کیا جاتا ہے اُس میں بریانی بھی ہونی چاہیے۔
کیرالا کی وزیرِصحت مسز وینا نے کہا ہے کہ بچے کی معصوم فرمائش نے حکومت کو متوجہ کیا ہے۔ ہمیں بچوں کی پسند و ناپسند کا بھی خیال رکھنا ہے۔ بچے جو کچھ بھی کھانا چاہیں گے وہ انہیں فراہم کیا جائے گا۔
کیرالا کے جن اسکولوں میں بچوں کو کھانا فراہم کیا جاتا ہے اُنہیں آنگن واڈی کہا جاتا ہے۔ کیرالا کی وزیرِصحت وینا جارج کا کہنا ہے کہ اسکولوں میں فراہم کیا جانے والا کھانا اب بچوں کی پسند کی روشنی میں فراہم کیا جائے گا۔ بریانی کی فرمائش کرنے والے بچے کا نام رِجل ایس سندر عرف شنکو ہے۔ اُس نے بہت معصومیت سے سوال کیا تھا کیا ہمیں بریانی نہیں دی جاسکتی کیونکہ ہم ایک جیسا کھانا کھاتے کھاتے تنگ آچکے ہیں۔
شنکو کی ماں نے ایک وڈیو شیئر کی ہے جس میں شنکو کو بریانی کی فرمائش کرتے اور پھر ماں کی طرف سے دی جانے والی بریانی کھاتے ہوئے دیکھا جاسکتا ہے۔ کیرالا کی وزیرِصحت نے یہ پورا معاملہ فیس بک پر اپنے پیج پر شیئر کیا ہے۔
غزہ کی تعمیر نو