اسلام آباد ہائیکورٹ میں 3 نئے ججز کی آمد کے بعد بڑی انتظامی تبدیلیاں
اشاعت کی تاریخ: 4th, February 2025 GMT
اسلام آباد ہائیکورٹ میں 3 نئے ججز کے تبادلے کے بعد بڑی انتظامی تبدیلیاں کردی گئیں۔
اسلام آباد ہائیکورٹ کے چیف جسٹس عامر فاروق نے آفس آرڈر جاری کیا ہے جس میں انتظامی ججز کی تعیناتیوں میں اہم تبدیلیاں کی گئی ہیں۔
آفس آرڈر کے مطابق جسٹس محسن اختر کیانی کو ان کے عہدے سے ہٹا کر جسٹس سرفراز ڈوگر کو انسداد دہشت گردی اور احتساب عدالتوں کا انتظامی جج مقرر کر دیا گیا ہے، اس سے قبل جسٹس محسن اختر کیانی یہ ذمے داری نبھا رہے تھے۔
آفس آرڈر میں بتایا گیا کہ جسٹس میاں گل حسن اورنگزیب کی جگہ جسٹس اعظم خان کو ڈسٹرکٹ کورٹس ویسٹ کے انتظامی جج کے طور پر تعینات کیا گیا ہے۔
اس کے علاوہ جسٹس ارباب محمد طاہر کو ایف آئی اے عدالتوں کا انتظامی جج مقرر کیا گیا ہے۔
جسٹس ثمن رفعت امتیاز کو بینکنگ عدالتوں کا انتظامی جج تعینات کیا گیا ہے، جبکہ جسٹس راجہ انعام امین منہاس کو سیشن کورٹس ایسٹ کے انتظامی جج کے طور پر ذمہ داریاں سونپی گئی ہیں۔
یاد رہے کہ کو صدرمملکت نے یکم فروری کو لاہور، سندھ اور بلوچستان ہائی کورٹ سے ایک، ایک جج کو اسلام آباد ہائی کورٹ تبادلے کی منظوری دی تھی۔
.ذریعہ: Jasarat News
کلیدی لفظ: اسلام آباد گیا ہے
پڑھیں:
اسلام آباد ہائیکورٹ: ڈیپارٹمنٹل پروموشن اور انتظامی کمیٹی تبدیل، ججز سینیارٹی لسٹ بھی جاری
اسلام آباد ہائیکورٹ میں دوسرے صوبوں سے 3 ججز کے مزید آنے کے بعد اہم تبدیلیاں کردی گئیں، اسلام آباد ہائیکورٹ کی ڈیپارٹمنٹل پروموشن کمیٹی اور انتظامی کمیٹی تبدیل کردی گئی جبکہ اسلام آباد ہائیکورٹ میں نئی سینیارٹی لسٹ جاری کردی گئی۔
اسلام آباد ہائیکورٹ میں دوسرے صوبوں سے 3 ججز کے آنے کے بعد مزید تبدیلیاں بھی کی گئی ہیں جس کے مطابق اسلام آباد ہائیکورٹ کی انتظامی کمیٹی تبدیل کردی گئی۔
چیف جسٹس عامر فاروق اسلام آباد ہائیکورٹ کی انتظامی کمیٹی کے چیئرمین مقرر کردیے گئے جبکہ سینئر جج جسٹس سرفراز ڈوگر اور جسٹس خادم حسین سومرو انتظامی کمیٹی کے ممبران مقرر کردیے گئے۔ نوٹیفکیشن جاری کردیا۔
دوسری جانب چیف جسٹس عامر فاروق نے اسلام آباد ہائیکورٹ کی ڈیپارٹمنٹل پروموشن کمیٹی بھی تبدیل کردی جبکہ نئی ڈیپارٹمنٹل پروموشن کمیٹی سینئر پیونی جج جسٹس سرفراز ڈوگر اورجسٹس اعظم خان پر مشتمل ہوگی۔ ایڈیشنل رجسٹرار اعجاز احمد نے نوٹیفکیشن جاری کر دیا۔
اس کے علاوہ اسلام آباد ہائیکورٹ میں نئی سینیارٹی لسٹ جاری کردی گئی جس کے مطابق سینیارٹی لسٹ میں جسٹس سرفراز ڈوگر سینیئر پیونی جج ہوں گے، جسٹس محسن اختر کیانی سینیارٹی لسٹ پر دوسرے نمبر پر چلے گئے۔جسٹس میاں گل حسن اورنگزیب تیسرے، جسٹس طارق محمود جہانگیری چوتھے نمبر، جسٹس بابر ستار پانچویں اور جسٹس سردار اسحاق خان کا سینیارٹی لسٹ میں چھٹا نمبر ہے۔
جسٹس ارباب محمد طاہر ساتویں، جسٹس ثمن رفعت امتیاز آٹھویں نمبر پر ہیں جبکہ جسٹس خادم حسین نویں اور جسٹس اعظم خان دسویں نمبر پر ہوں گے، جسٹس آصف 11 ویں اور جسٹس انعام امین منہاس بارہویں نمبر پر ہیں۔
مغربی کنارے میں صیہونی فورسز کا حملہ، 10 فلسطینی شہید، متعدد زخمی