کوہلی کے پاس سچن کا 19 سال پُرانا ریکارڈ توڑنے کا موقع
اشاعت کی تاریخ: 4th, February 2025 GMT
بھارت اسٹار کرکٹر ویرات کوہلی کے پاس اپنے ہم وطن اور لیجنڈری کرکٹر سچن ٹنڈولکر کا 19 سال پرانا ریکارڈ توڑنے کا تاریخی موقع آگیا۔
انگلینڈ کے خلاف 3 میچز کی ون ڈے سیریز میں ویرات کوہلی بھارت میں بھگوان کا درجہ رکھنے والے سچن ٹنڈولکر کا 14 ہزار رنز کے ریکارڈ توڑنے کے قریب ہیں، جو انہوں نے 19 سال قبل بنایا تھا۔
فروری 2006 میں، لیجنڈری سچن ٹنڈولکر نے پشاور میں پاکستان کے خلاف میچ کے دوران اپنی 350 ویں ون ڈے اننگز میں 14 ہزار رنز کا سنگ میل عبور کیا تھا تاہم اس میچ میں بھارت کو شکست کا منہ دیکھنا پڑا تھا۔
مزید پڑھیں: چیمپئینز ٹرافی؛ بابراعظم کو سچن ٹنڈولکر بننے کا موقع مل گیا، مگر کیسے؟
کوہلی، فی الحال، 50 سنچریوں اور 72 نصف سنچریوں کے ساتھ 283 ون ڈے اننگز میں 58.
ون ڈے میں تیز ترین 14000 رنز
سچن ٹنڈولکر - 350 اننگز (پاکستان کے خلاف پشاور، فروری 2006)
کمار سنگاکارا - 378 اننگز (سڈنی میں آسٹریلیا کے خلاف مارچ 2015)
دوسری جانب بھارت کے اسٹار بیٹر ویرات کوہلی ناقص فارم کا شکار ہیں، وہ سری لنکا اور دورہ آسٹریلیا میں بری طرح ناکام ہوئے بعدازاں ڈومیسٹک میں واپسی بھی ڈراؤنا خواب ثابت ہوئی۔
مزید پڑھیں: کوہلی کو آؤٹ کرنا جرم بن گیا، نوجوان کرکٹر کو گالیاں دی جانے لگیں
بھارت اور انگلینڈ کے درمیان ون ڈے سیریز کا آغاز 6 فروری کو ناگپور میں ہوگا جبکہ اگلے دو میچز 9 اور 12 فروری شیڈول ہیں، جس کے بعد دونوں ٹیمیں چیمپئینز ٹرافی میں شرکت کیلئے دبئی اور پاکستان کا رخ کریں گی۔
ذریعہ: Express News
کلیدی لفظ: کے خلاف
پڑھیں:
وارنر کی جاندار اننگز نے دبئی کیپیٹلز کو آئی ایل ٹی کے پلے آف میں پہنچا دیا
وارنر کی جاندار اننگز نے دبئی کیپیٹلز کو آئی ایل ٹی کے پلے آف میں پہنچا دیا WhatsAppFacebookTwitter 0 3 February, 2025 سب نیوز
دبئی : ڈیوڈ وارنر کی شاندار بیٹنگ کی بدولت دبئی کیپٹلز نے ابوظبی نائٹ رائیڈرز کو 26 رنز سے شکست دیکر آئی ایل ٹی 20 سیزن 3 کے پلے آف میں جگہ بنالی۔ اس فتح کے ساتھ ہی دبئی کیپٹلز پلے آف میں جگہ بنانے والی چوتھی اور آخری ٹیم بن گئی ہے۔سیزن کا پہلا میچ کھیلنے والے وارنر نے شاندار ناقابل شکست 93 رنز کی شاندار اننگز کھیل کر دبئی کیپیٹلز کو ابوظبی نائٹ رائیڈرز کے خلاف 7 میچز میں چھٹی فتح دلائی۔نائٹ رائیڈز کو 218 رنز کے ہدف کا تعاقب کرتے ہوئے مقابلے میں رہنے کے لئے ایک بھرپور فتح درکار تھی ۔
اینڈریز گوس نے 11 گیندوں میں 6چوکے لگا کر اپنی ٹیم کو پاور پلے کے اختتام پر بغیر کسی نقصان 50 رنز پر پہنچایا ۔ ہدف کا تعاقب میں کائل میئرز نے بھی کچھ اچھے شاٹ کھیلے۔ گوس اور میئرز نے نائٹ رائیڈرز کے لئے ہدف کا تعاقب کرنے کی بنیاد رکھی کیونکہ وہ بغیر کسی نقصان 89 رنز بناچکے تھے تاہم باؤلنگ میں متاثر کن تبدیلی نے کیپیٹلز کو مقابلے میں واپسی کا موقع دیا ۔ جس کی وجہ سے میئرز 29 گیندوں پر 42 رنز بنا کر آؤٹ ہوئے اور نصف سینچری بنانے سے رہ گئے۔ جو کلارک نے گوس کا ساتھ دیا وہ 55 رنز بنا کر آؤٹ ہوئے۔
انہوں نے احمد کی گیند پر لگاتار چھکے لگائے جس کی بدولت نائٹ رائیڈرز نے 13 اوورز میں ایک وکٹ کے نقصان پر 122 رنز بنائے اور اسے آخری 42 گیندوں پر 96 رنز درکار تھے۔ڈیوڈ ولی صرف ایک رن بنانے کے بعد آؤٹ ہوگئے اور نائٹ رائیڈرز 18 گیندوں پر 65 رنز کی ضرورت تھی اور اس کے 5 وکٹیں باقی تھی تاہم ہدف کا تعاقب مشکل رہا اور دبئی کیپیٹلز نے 26 رنز سے فتح حاصل کرلی۔ اس سے قبل دبئی کیپیٹلز نے پہلے کھیلتے ہوئے مضبوط آغاز کیا اور اس کے دونوں اوپنرز شائی ہوپ اور وارنر اچھی کارکردگی کا مظاہرہ کرتے نظر آئے۔
ان دونوں کھلاڑیوں نے باری باری چوکے لگائے اور کیپٹلز نے پاور پلے کے اختتام پر بغیر کسی نقصان 43 رنز بنائے۔ ہوپ نے اس کے بعد 2 چھکے لگائے جس کے بعد روسٹن چیس نے انہیں آؤٹ کرکے 82 رنز کی شراکت داری کا خاتمہ کردیا۔ وارنر نے 33 گیندوں پر اپنی نصف سنچری مکمل کی یہ ان کی ٹی 20 میں 116 ویں نصف سینچری تھی۔ اس کے بعد افغان اسٹار نے جیسن ہولڈر کی گیند پر 2 بڑے چھکے لگا کر اپنی ٹیم کو بڑے اسکور کے قریب پہنچا دیا۔نائب 25 گیندوں پر 47 رنز بنا کر آؤٹ ہو گئے۔ روومین پاول صرف 2 گیندوں ہی کھیل سکے سے بچ سکے ۔ داسن شناکا نے کیپیٹلز کے اسکور کو مزید تیز کیا۔ سری لنکن بلے باز نے شاندار کارکردگی کا مظاہرہ کرتے ہوئے صرف 7 گیندوں پر 17 رنز بنائے جبکہ وارنر 93 رنز بناکر ناٹ آؤٹ رہے جس کی بدولت کیپیٹلز نے ٹورنامنٹ کی تاریخ میں دبئی میں سب سے بڑا اسکور 217 رنز بنایا۔ ڈیوڈ وارنر میچ کے بہترین کھلاڑی قرار پائے۔
ڈیل کی امید ختم ہونے پر قیدی نے مذاکرات ختم کردیے، عظمیٰ بخاری