بھارت: آدھی شادی ہال میں، آدھی پولیس اسٹیشن میں
اشاعت کی تاریخ: 4th, February 2025 GMT
بھارت کے شہر سورت میں ایک جوڑے کی شادی کا آغاز تو ہال میں ہوا تاہم اس کا اختتام تھانے میں ہوا۔
بھارتی میڈیا کے مطابق سورت شہر میں جوڑے کی شادی کی تمام رسومات مکمل ہو گئی تھیں صرف گلے میں ہار ڈالنے باقی تھے کہ شادی کو اچانک روک دیا گیا۔
میڈیا رپورٹس کے مطابق اتوار کو شادی کو دولہا کے گھر والوں نے مبینہ طور پر تقریب میں کھانا ختم ہونے کی وجہ سے روکا۔
ڈپٹی کمشنر پولیس الوک کمار کے مطابق دونوں خاندانوں میں کھانے کی مبینہ کمی پر جھگڑا ہوا جس کے بعد دولہا کے خاندان نے شادی کی باقی رسم کرنے سے انکار کر دیا۔
ڈی سی پی کے مطابق نے دلہن دولہا کے خاندان کے رویے سے پریشان ہوئی جس کے بعد اس نے پولیس سے رابطہ کیا اور کہا کہ لڑکا شادی کے لیے تیار ہے لیکن اس کے گھر والے راضی نہیں ہیں۔
پولیس کے مطابق اس سارے معاملے کے بعد اس کے حل کے لیے دولہا اور دلہن سمیت ان کے گھر والوں کو بھی پولیس اسٹیشن بلایا گیا۔
پولیس کی مداخلت اور مدد کے بعد دولہا کے خاندان نے شادی کو مکمل کرنے پر رضامندی ظاہر کی تاہم یہاں بھی یہ کیس مکمل طور پر حل نہیں ہوا کیونکہ دلہن نے شادی ہال میں واپس آنے کی صورت میں دوبارہ لڑائی کا امکان ظاہر کیا۔
بھارتی میڈیا کے مطابق لڑکی کے خدشے کے پیشِ نظر پولیس نے جوڑے کو شادی کی بقیہ رسمیں تھانے ہی میں مکمل کرنے کی اجازت دی۔
.ذریعہ: Daily Mumtaz
پڑھیں:
انوشے اشرف کی شادی کی تقریبات کا ترکیہ میں آغاز، تصاویر اور ویڈیوز وائرل
پاکستان کی معروف وی جے اور میزبان انوشے اشرف کی شادی کی تقریبات کا ترکیہ میں آغاز ہو گیا، مہندی کی دلکش جھلکیاں سوشل میڈیا پر وائرل ہو گئیں۔
انوشے اشرف کا شمار پاکستان کی ابتدائی وی جیز میں ہوتا ہے، جنہوں نے اپنی دلکش شخصیت، خوبصورت اندازِ گفتگو اور شاندار میزبانی کی وجہ سے ہمیشہ مداحوں کے دل جیتے ہیں، وہ نجی ٹی وی کے مشہور مارننگ شو کی میزبان بھی رہ چکی ہیں۔
گزشتہ سال 30 جون کو انوشے اشرف نے اپنے قریبی دوست شہاب کے ساتھ ایک نجی تقریب میں نکاح کیا تھا۔
View this post on InstagramA post shared by Galaxy Lollywood (@galaxylollywood)
نکاح کی تقریب سادگی سے ہوئی تھی جس میں قریبی عزیز و اقارب اور قریبی دوستوں نے شرکت کی تھی۔
انوشے اشرف نے ترکیہ میں ایک شاندار ڈیسٹینیشن ویڈنگ کے ذریعے باقاعدہ مہندی کی تقریب منعقد کی۔
ترکی میں ہونے والی اس تقریب میں ان کے قریبی دوستوں اور خاندان کے افراد نے شرکت کی۔
View this post on InstagramA post shared by Frieha Altaf (@friehaaltaf)
میڈیا سے تعلق رکھنے والی معروف شخصیات نے تقریب کی خوبصورت تصاویر اور ویڈیوز سوشل میڈیا پر شیئر کیں، جو مداحوں میں بے حد مقبول ہو رہی ہیں۔
انوشے اشرف نے اپنی مہندی کے دن نومی انصاری کا ڈیزائن کردہ ایک خوبصورت منٹ گرین اور ملٹی کلر فلورل لہنگا زیب تن کیا، جس پر نفیس سنہری کڑھائی اور دیدہ زیب کام کیا گیا تھا۔
ان کا لباس روایتی اور جدید طرز کا حسین امتزاج تھا، جس نے ان کی خوبصورتی کو مزید نکھار دیا۔
انوشے اشرف کی سوشل میڈیا پر وائرل مہندی کی تصاویر اور ویڈیوز پر ان کے مداح ان کے لیے نیک تمناؤں کا اظہار کر رہے ہیں۔
انوشے اشرف اور شہاب کو نئی زندگی کی شروعات پر بے شمار مبارک بادیں دی جا رہی ہیں۔
Post Views: 4
وزیراعظم شہباز شریف کا بیلا روس کے ایوان آزادی آمد پرشاندار خیر مقدم