امریکی وزیر خارجہ یو ایس اے آئی ڈی کے عبوری ایڈمنسٹریٹر مقرر
اشاعت کی تاریخ: 4th, February 2025 GMT
امریکا کے صدر ڈونلڈ ٹرمپ نے وزیر خارجہ مارکو روبیو کو امدادی ادارے یو ایس اے آئی ڈی کا عبوری ایڈمنسٹریٹر مقرر کردیا ہے جنہوں نے ادارے کی ممکنہ تنظیم نو پر کام شروع کردیا ہے۔
محکمہ خارجہ کے ترجمان کی جانب سے جاری بیان کے مطابق امریکی ایجنسی برائے عالمی ترقی طویل عرصے سے اپنے ہدف سے بھٹکی ہوئی تھی، یہ ہدف ذمہ داری کے ساتھ امریکی مفادات کو دیگر ملکوں میں بڑھانا ہے۔
ترجمان کے مطابق اب یہ واضح ہوگیا ہے کہ یو ایس اے آئی ڈی کا قابل ذکر حصہ امریکا کے قومی مفادات سے ہم آہنگ نہیں ہے۔
ترجمان کے مطابق فنڈنگ پر کنٹرول حاصل کرنے اور ایجنسی کی سرگرمیوں کو بہتر انداز سے سمجھنے کے لیے صدر ٹرمپ نے وزیر خارجہ مارکو روبیو کو عبوری ایڈمنسٹریٹر مقرر کیا ہے۔
وزیر خارجہ مارکو روبیو نے کانگریس کو بھی آگاہ کردیا ہے کہ یو ایس اے آئی ڈی کی جانب سے غیرملکی معاونت سے متعلق سرگرمیوں کا جائزہ لیا جارہا ہے اور نظر اس بات پر ہے کہ ادارے کو ممکنہ طور پر ازسرنو ترتیب دیا جائے۔
ترجمان کے مطابق یو ایس اے آئی ڈی کو جانچنے اور اسے سب سے پہلے امریکی پالیسی اور محکمہ خارجہ کی کوششوں سے ہم آہنگ کرنے کے دوران امریکی عوام کے مفادات کا تحفظ جاری رکھا جائے گا اور یقینی بنایا جائے گا کہ عوام کے ٹیکسوں کی رقم ضائع نہ ہو۔
.ذریعہ: Daily Mumtaz
کلیدی لفظ: کے مطابق
پڑھیں:
چینی تاجر برادری کی امریکی محصولات میں اضافے کی سخت مخالفت
چینی تاجر برادری کی امریکی محصولات میں اضافے کی سخت مخالفت china trade WhatsAppFacebookTwitter 0 3 February, 2025 سب نیوز
بیجنگ(شِنہوا)بین الاقوامی تجارت کے فروغ کے لئے چینی کونسل(سی سی پی آئی ٹی) کے ترجمان نے کہا ہے کہ چین کی کاروباری برادری چین سے درآمد کی جانے والی اشیا پر 10 فیصد اضافی محصولات عائد کرنے کے امریکی فیصلے پر شدید افسوس اور سختی سے مخالفت کرتی ہے۔
سی سی پی آئی ٹی کے ترجمان نے ایک بیان میں کہا کہ امریکہ کی جانب سے یکطرفہ طور پر اضافی محصولات کا نفاذ عالمی تجارتی تنظیم (ڈبلیو ٹی او) کے قوانین کی سنگین خلاف ورزی ہے اور بہت سے امریکی کاروباری اداروں اور صارفین کو اس کے اثرات برداشت کرنا ہوں گے۔
ترجمان نے مزید کہا کہ اس اقدام سے چین اور امریکہ کے درمیان معمول کے اقتصادی اور تجارتی تعاون میں خلل پڑے گا اور عالمی صنعتی اور سپلائی چین کے استحکام کو خطرہ لاحق ہوگا۔
ترجمان نے زور دے کر کہا کہ تجارت اور محصولات کی جنگوں میں کوئی فاتح نہیں ہے، امریکہ کے غلط اقدامات سے اندرون ملک امریکی مسائل حل نہیں ہوں گے۔ اس کے بجائے اس سے چین اور امریکہ کے تعلقات کو نقصان ہوگا اور عالمی اقتصادی ترقی پر منفی اثر پڑےگا۔
ترجمان نے کہا کہ چین کی کاروباری برادری نے امریکہ پر زور دیا ہے کہ وہ فوری طور پر اپنے غلط کاموں کو درست کرے، چین کے ساتھ مل کر کام کرے اور دوسرے ممالک کے ساتھ تعاون کو مضبوط بنائے تاکہ دونوں ممالک اور دنیا کی کاروباری برادریوں کے لئے باہمی مفید نتائج کے لئے سازگار بین الاقوامی ماحول کو فروغ دیا جاسکے اور عالمی معیشت میں مزید استحکام اور مثبت رجحان لایا جاسکے۔
بھارت سے آنے والے نایاب ہرن کو آزاد کردیا گیا