پاکستان ریلویز نے ایک بار پھر مسافر ٹرینوں کے کرایوں میں اضافہ کر دیا
اشاعت کی تاریخ: 4th, February 2025 GMT
لاہور:
پیٹرولیم مصنوعات کی قیمتوں میں اضافے کو وجہ قرار دیتے ہوئے پاکستان ریلویز نے ایک بار پھر مسافر ٹرینوں کے کرایوں میں اضافہ کر دیا۔
محکمہ ریلویز نے اس حوالے سے نوٹیفکیشن بھی جاری کر دیا جس کے مطابق ٹرین کی تمام کلاسز کے ٹکٹ میں 5 فیصد اضافہ ہوگا۔
نوٹیفیکیشن کے مطابق کرایوں میں اضافے کا اطلاق 5 فروری سے ہوگا۔
محکمہ ریلویز کے نوٹیفکیشن کے مطابق کرایوں میں اضافے کا اطلاق سلون سروس اور تمام آؤٹ سورس ٹرینوں پر بھی ہوگا۔
مزید پڑھیں؛ حکومت نے عوام پر ایک مرتبہ پھر پیٹرول بم گرادیا
واضح رہے کہ 31 جنوری کو وفاقی حکومت نے مسلسل تیسری مرتبہ عوام کے لیے پیٹرولیم مصنوعات کی قیمت میں اضافہ کیا تھا۔ پیٹرولیم مصنوعات کی قیمت میں مجموعی طور پر سات روپے فی لیٹر تک اضافہ کیا گیا۔
نوٹیفکیشن کے مطابق پیٹرول کی فی لیٹر قیمت میں ایک روپے اضافہ کیا گیا جس کے بعد فی لیٹر نئی قیمت بڑھ کر 257 روپے 13 پیسے ہوگئی۔
حکومت نے ہائی اسپیڈ ڈیزل کی فی لیٹر قیمت میں 7 روپے اضافہ کیا جس کے بعد ہائی اسپیڈ ڈیزل مہنگا ہو کر فی لیٹر 267 روپے 95 ہوگیا۔
.ذریعہ: Express News
کلیدی لفظ: کرایوں میں اضافہ کیا کے مطابق فی لیٹر
پڑھیں:
عالمی اور مقامی مارکیٹوں میں سونے کی قیمتوں میں آج مزید اضافہ
ملک بھر میں سونے کی قیمتوں میں اضافے کا سلسلہ آج بھی جاری رہا اور فی تولہ قیمت 400 روپے اضافے سے 2 لاکھ 92 ہزار 200 روپے کی نئی بُلند ترین سطح پر پہنچ گئیں۔
رپورٹ کے مطابق بین الاقوامی بلین مارکیٹ میں فی اونس سونے کی قیمت مزید 5ڈالر کے اضافے سے 2797ڈالر کی بلند سطح پر آگئی
24 قیراط کے حامل خالص سونے کی فی تولہ قیمت 400 روپے بڑھ کر 2 لاکھ 92 ہزار 200 روپے ہو گئی، اسی طرح 10 گرام سونا 343 روپے اضافے سے 2 لاکھ 50 ہزار 514 روپے کا ہوگیا۔
دوسری جانب بین الاقوامی سطح پر سونے کے بڑھتے ہوئے خریداری معاہدوں کے نتیجے میں سونے کی عالمی قیمت تاریخ کی بلند ترین سطح پر پہنچنے کے اثرات مقامی صرافہ مارکیٹوں پر بھی مرتب ہورہے ہیں۔
رپورٹ کے مطابق بلین مارکیٹ کے نمائندوں کا کہنا ہے کہ نومنتخب امریکی صدر کے اقتدار سنبھالتے ہی چین یورپین یونین اور میکسیکو کی مصنوعات پر درآمدی ڈیوٹی بڑھانے کے اقدامات سے عالمی سطح پر تجارتی جنگ کا آغاز ہوگیا ہے۔
اس صورتحال میں عالمی سطح پر افراط زر کی شرح میں اضافے کے خدشات پیدا ہوگئے ہیں اور انہی خدشات کے پیش نظر گلوبل انویسٹرز اپنے سرمائے کو محفوظ بنانے کی غرض سے سونے میں وسیع پیمانے پر سرمایہ کاری کررہے ہیں کیونکہ وہ سمجھتے ہیں کہ ممکنہ ڈی ویلیوایشن اور مہنگائی میں اضافے کے ماحول میں سونا ہی وہ واحد ذریعہ ہے جو انکے سرمائے کو نقصان سے محفوظ بناسکتا ہے۔
رپورٹ کے مطابق عالمی اور مقامی سطح پر شرح سود میں تسلسل سے کمی بھی سونے میں سرمایہ کاری رحجان بڑھا رہی ہے جس کے نتیجے میں سونے کی قیمت تاریخ ساز بلندیوں کی جانب گامزن ہے۔
مارکیٹ میں یہ پیشگوئیاں بھی زیر گردش ہیں کہ سال 2025 میں بین الاقوامی سطح پر فی اونس سونے کی قیمت 3000ڈالر سے بھی تجاوز کرجائے گی۔
یہی وجہ ہے خالص سونے کی خریداری معاہدے بڑھنے سے سونے کی عالمی ومقامی قیمتیں تاریخ کی بلند ترین سطح پر پہنچ گئی ہیں۔
طارق فضل چوہدری کا پی ٹی آئی پر ملک دشمنوں سے مدد لینے کا الزام