پاکستان نے مقامی سطح پر وینٹی لیٹر تیار کر لیا
اشاعت کی تاریخ: 4th, February 2025 GMT
لاہور(ڈیلی پاکستان آن لائن)پاکستان نے صحت کے شعبے میں اہم کامیابی حاصل کرتے ہوئے مقامی سطح پر وینٹی لیٹر تیار کر لیا ہے۔
تقریب سے خطاب کرتے ہوئے وفاقی وزیررانا تنویر حسین کا کہنا تھا کہ پاکستان طبی ٹیکنالوجی کے میدان میں اہم کردارادا کر رہا ہے،منصوبہ معاشی استحکام اور روزگار کے مواقع پیدا کرےگا۔
منصوبہ پاکستان کو طبی آلات کا مرکز بنانے کی جانب اہم قدم ہے،آئی سی یو وینٹی لیٹر نظام صحت کی استعداد میں اضافہ کرے گا،ٹیکنالوجی ہنگامی صورتحال سے نمٹنے اور جان بچانے میں معاون ہو گی۔
خاتون نے گنگا رام ہسپتال کی چھت سے چھلانگ لگا کر خودکشی کر لی
انہوں نے مزید کہا کہ ہر سال تقریباً 2 ارب ڈالر کے طبی آلات درآمد کیے جاتے ہیں اور وباء کے دوران ان کی قلت نے مقامی سطح پر اس صنعت کو فروغ دینے کی ضرورت کو مزید اجاگر کیا۔
رانا تنویر کا کہنا تھا کہ تحقیق، ترقی اور جدید طبی انفراسٹرکچر میں مسلسل سرمایہ کاری کے ذریعے پاکستان عالمی طبی ٹیکنالوجی کی قیادت کے لیے تیار ہو رہا ہے اور اس طرح کے منصوبے اس سفر میں سنگ میل ثابت ہوں گے۔
مزید :.ذریعہ: Daily Pakistan
پڑھیں:
ٹام اینڈ جیری کا اے آئی ورژن: اس نئی ٹیکنالوجی سے آپ بھی چند منٹوں میں کارٹون بناسکتے ہیں
حال ہی میں ٹام اینڈ جیری کا مصنوعی ذہانت (اے آئی) کے ذریعے بنایا گیا نیا ورژن سامنے آیا ہے جو دیکھنے والوں کو حیرت میں ڈال رہا ہے۔
اسٹین فورڈ اور NVIDIA کے مشترکہ پروجیکٹ TTT-MLP نے صرف ٹیکسٹ پرامپٹ کی بنیاد پر بنائی گئی اس مختصر ویڈیو میں کارٹون کی اصل روح کو زندہ کرنے کی کامیاب کوشش کی ہے۔
ویڈیو میں ٹام کو نیویارک کے ایک دفتر میں جیری کے ساتھ اسی پرانی چھیڑ چھاڑ کرتے دکھایا گیا ہے۔ اگرچہ کچھ مناظر بے ربط ضرور ہیں، لیکن اینی میشن کا معیار اور بیک گراؤنڈ میوزک اتنا شاندار ہے کہ یہ اصل سیریز کا ہی حصہ محسوس ہوتا ہے۔
سوال یہ پیدا ہوتا ہے کہ کیا واقعی مصنوعی ذہانت روایتی اینی میشن کی جگہ لے سکتی ہے؟
سوشل میڈیا پر اس ویڈیو کو لے کر کئی دلچسپ تبصرے سامنے آئے ہیں۔ کچھ صارفین نے اے آئی کی اس کامیابی کو سراہا ہے، جبکہ بہت سے لوگ اب بھی اصل کارٹون بنانے والوں کی محنت کو فوقیت دے رہے ہیں۔ ایک صارف نے لکھا ’’اصل ورژن کی بات ہی کچھ اور تھی، اس میں وہ جادو تھا جو اے آئی نہیں لا سکتی۔‘‘
یہ ترقی اینی میٹرز اور فنکاروں کے لیے بھی تشویش کا باعث بنی ہوئی ہے۔ کیا آنے والے وقت میں اے آئی روایتی اینی میشن فنکاروں کی جگہ لے لے گی؟ یا پھر یہ محض ایک نیا ٹول ثابت ہوگی جو فنکاروں کے لیے کام کو آسان بنائے گی؟ فی الحال تو یہ بحث جاری ہے، لیکن ایک بات واضح ہے کہ ٹیکنالوجی کی یہ دوڑ ابھی جاری رہے گی۔
اب دیکھنا یہ ہے کہ کیا ہم جلد ہی ٹام اینڈ جیری کی مکمل سیزن اے آئی کے ذریعے بنے ہوئے دیکھ پائیں گے؟ یا پھر شائقین اصل فنکاروں کی محنت کو ہی ترجیح دیں گے؟ وقت ہی بتائے گا کہ یہ نئی ٹیکنالوجی اینی میشن کی دنیا میں کس طرح کے انقلاب لے کر آئے گی۔
اوورسیز پاکستانیوں نے ڈالرز بھیج کر ملک کو دیوالیہ نہیں ہونے دیا، احسن اقبال