کیا رنگ گورا کرنے والے انجیکشن کینسر کا باعث بن سکتا ہے؟
اشاعت کی تاریخ: 4th, February 2025 GMT
گلوٹاتھائیون کا استعمال گورے پن کے حصول کے لیے بہت زیادہ بڑھ چکا ہے لیکن خواہ اس کو ٹیبلٹ کی شکل میں لیا جائے یا پھر ڈرپس اور انجیکشن کی صورت میں یہ تینوں طرح سے ہی غیر محفوظ ہے۔
وائٹننگ ٹریٹمنٹس کے حوالے سے بات کرتے ہوئے جمالیاتی معالج ڈاکٹر ندا حسن کا کہنا تھا کہ یہ بیحد نقصان دہ ہے کیوں کہ اس کا طویل عرصے تک استعمال جگر، گردوں اور دیگر اعضا کو نقصان پہنچا سکتا ہے حتیٰ کہ کینسر کا باعث بھی بن سکتا ہے۔
یہ بھی پڑھیں: رنگ گورا کرنے والے انجیکشنز کے مضر اثرات، کیا ان پر پابندی عائد کی جا رہی ہے؟
ڈاکٹر ندا حسن نے کہا کہ اس عمل کے منفی اثرات ہیں مگر اس کے حوالے سے ریسرچ اب بھی جاری ہے اس لیے فی الحال کوئی حتمی بات کہنا قبل از وقت ہوگا۔
مزید پڑھیے: ’جیل میں رہیں یا گھر پر، بننا سنورنا نہیں چھوڑیں گی‘ خواتین جیل کے بیوٹی پارلر میں قیدی رباب کی سالگرہ کی تیاری
ان کا کہنا تھا کہ وہ خود بھی اس کا استعمال تجویز نہیں کرتیں اور اگر پھر بھی کوئی چاہتا ہے تو یہ 8 سے 10 انجیکشنز کا کورس ہوتا ہے، ہفتے میں ایک انجیکشن لگتا ہے جس کے بعد اس کے رزلٹس کو برقرار رکھنے کے لیے مہینے میں ایک انجیکشن لگوانا پڑتا ہے اور اگر اسے 6 مہینے برقرار نہیں رکھا گیا تو اس کا اثر کچھ ہی ماہ میں ختم ہونے لگتا ہے اور انجیکشن لگوانے والا بالکل پہلے جیسے ہو جاتا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
رنگ گورا کرنے کے انجیکشن گلوٹا تھائیون وائٹننگ انجیکشن وائٹننگ انجیکشن کے نقصانات.ذریعہ: WE News
کلیدی لفظ: رنگ گورا کرنے کے انجیکشن وائٹننگ انجیکشن وائٹننگ انجیکشن کے نقصانات
پڑھیں:
عمران خان کو سیاست میں عوام کے سوا کوئی مائنس نہیں کر سکتا، علی محمد خان
پاکستان تحریک انصاف (پی ٹی آئی ) کے سینیئررہنما علی محمد خان نے کہا ہے کہ عوام کسی کو کارکردگی کی بنیاد پر مائنس کرنا چاہیں تو کر سکتے ہیں، عمران خان کو سیاست میں کوئی بھی مائنس نہیں کر سکتا۔
ایک ٹی وی انٹرویو میں علی محمد خان نے کہا کہ بانی پی ٹی آئی عمران خان اپنا بیانیہ سیٹ کرتے ہیں اور پھر یو ٹیوبر سے بات کرتے ہیں، عمران خان کو سیاست میں کوئی مائنس نہیں کرسکتا، سیاست میں مائنس کرنے کا اختیار عوام کے پاس ہوتا ہے۔
انہوں نے کہا کہ ضیا الحق کا 11 سالہ دور اقتدار پاکستان پیپلز پارٹی کی سیاست کا خاتمہ نہ کر سکا، اب بھی کسی کی سیاست کا خاتمہ نہیں ہوگا۔
علی محمد خان نے یو ٹیوبر کے حوالے سے پوچھے گئے ایک سوال کے جواب میں کہا کہ جو لوگ ہمارے خلاف بات کرتے ہیں لوگ انہیں کم دیکھتے ہیں، ہم قانون پرعمل درآمد کرتے ہیں۔
8 فروری کے احتجاج سے متعلق سوال پر انہوں نے کہا کہ ابھی تو صوابی میں جلسہ طے ہے، باقی احتجاج سے متعلق ابھی کوئی فیصلہ نہیں کیا، روڈ بلاک کرنے کی جانب پی ٹی آئی نے جانا ہے یا نہیں اس بات کا فیصلہ بھی ابھی تک نہیں کیا گیا۔
انہوں نے کہا کہ حیرت کی بات ہے کہ پی ٹی آئی کے احتجاج سے پنجاب حکومت کی جان کیوں جا رہی ہے سمجھ نہیں آتی ایسا کیوں ہے، یہ تو ایک عجیب سی بات ہے۔
ایک سوال کے جواب میں علی محمد خان نے کہا کہ نواز شریف نے ووٹ کو عزت دو کا نعرہ لگایا تو ہم نے ان کے خلاف کوئی فسطائیت نہیں کی، وہ جلسے جلوس کرتےرہے، جب ان لوگوں نے جعلی ووٹ پر حکومت بنا لی تو پھر ان کا بیانیہ کہاں گیا؟ نواز شریف نے بیان کی نفی کر کے خود کو مائنس کیا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بیانیہ پاکستان تحریک انصاف پی ٹی آئی جلسہ عام حکومت سیاست شہباز شریف صوابی عمران خان فسطائیت مائنس نواز شریف ووٹ کو عزت دو
سندھ اور پنجاب میں موٹروے تنازع شدت اختیار کرگیا