کوئٹہ سمیت بلوچستان بھر میں انسداد پولیو مہم شروع
اشاعت کی تاریخ: 4th, February 2025 GMT
کوئٹہ(نمائندہ جسارت)کوئٹہ سمیت بلوچستان بھر میںمیں انسداد پولیو مہم شروع ہو گئی ۔ گزشتہ کوئٹہ سمیت صوبے کے کے 36 اضلاع میں انسدادپولیو مہم شروع ہو گئی ہے۔مہم کے دوران26 لاکھ 60 ہزار بچوں کو پولیو سے بچائو اور وٹامن اے کے قطرے پلائے جائیں گے۔بلوچستان بھر میں سال 2025 کی پہلی انسداد پولیو مہم شروع۔ پولیو ایمرجنسی سینٹر کے مطابق،مہم 7 روزہ تک جاری رہے گی۔ جس میں 26لاکھ 60 ہزار بچوں کو پولیو سے بچائو کی ویکسین اور وٹامن اے کے قطرے پلائے جائیں گے۔ انسداد پولیومہم میں 11 ہزار 653 میڈیکل ٹیمیں حصہ لے رہی ہیں،جنکی سیکورٹی کیلیے فول پروف انتظامات کیے گئے ہیں۔پولیو ایمرجنسی سینٹر کے مطابق سال 2024ء کے دوران بلوچستان میں پولیو کے سب سے زیادہ 27 کیس رپورٹ ہوئے ۔
.ذریعہ: Jasarat News
کلیدی لفظ: پولیو مہم شروع انسداد پولیو
پڑھیں:
سانگھڑ‘ سیلاب متاثرین نے بچوں کو پولیو قطرے پلانے سے انکار کردیا
حیدرآباد ،لیڈی ہیلتھ ورکرز لطیف آباد کے علاقے میں پولیو ویکسین پلانے کے لیے جارہی ہیںکراچی:(ویب ڈیسک) سندھ کے علاقے سانگھڑ سے موصول ہونے والی اطلاع کے مطابق مقامی لوگوں نے اپنے بچوں کو انسداد پولیو کے سلسلے میں پولیو قطرے پلانے سے انکار کردیا۔
میڈیا کی رپورٹ کے مطابق سانگھڑ کے علاقے چوٹیاریوں ڈیم کے سیلاب متاثرین نے اپنے بچوں کو پولیو ویکسین پلانے سے انکار کر دیا۔
ویب ڈیسک کے مطابق مقامی مکینوں نے اپنا احتجاج ریکارڈ کراتے ہوئے کہا کہ یہاں کی زرعی زمینیں عرصے سے سیلاب زدہ پانی کا شکار ہے، اس پر ہماری کوئی بات سننے کو تیار نہیں ہے۔ اس سلسلے میں مقامی لوگوں کا کہنا تھا کہ2011ءسے یونین کونسل شاہ سکندرآباد کے بیشتر علاقے میں سیلاب کا پانی کثرت سے موجود ہے۔ ہمیشہ وعدے کر کے چلے جاتے ہیں مگر عملاً کوئی کام نہیں کیا جاتا، لہٰذا ہم نے یہاں طے کرلیا ہے کہ مطالبات کی منظوری تک پولیو مہم کا بائیکاٹ بطور احتجاج جاری رکھیں گے ۔
یہاں یہ بات بھی علم میں رہے کہ ملک بھر میں ایک بار پھر انسدادِ پولیو مہم کا سلسلہ جاری کردیا گیا ہے جبکہ سندھ میں بھی امسال کی پہلی انسدادِ پولیو مہم کا آغاز آج سے ہوچکا ہے۔
ترجمان ایمرجنسی آپریشن سینٹر (ای او سی) کے مطابق مہم میں صوبے سندھ کے 1 کروڑ 6 لاکھ سے زائد بچوں کو پولیو سے بچاو¿ کے ویکسین کا ہدف مقرر کردیا گیا ہے۔
میڈیا کی رپورٹ کے مطابق7 روزہ انسدادِ پولیو مہم 9 فروری بروزہفتہ تک جاری رہے گی، جوکہ یہ مہم سندھ کے تمام 30 اضلاع میں جاری و ساری ہے، جس میں81 ہزار سے زائد رضاکار حصہ لے رہے ہیں۔
سندھ اور پنجاب میں موٹروے تنازع شدت اختیار کرگیا