پڈعیدن،نواحی علاقوں میں پولیس کاکریک ڈائون،14 ملزمان گرفتار
اشاعت کی تاریخ: 4th, February 2025 GMT
پڈعیدن(نمائندہ جسارت) نواحی علاقوں میں پولیس کا کریک ڈاؤن 14 ملزمان گرفتار،05 عدد پستول، 1 رپیٹر, 16 رائونڈ، 1120 گرام چرس, 5 بوتلیں وسکی شراب اور 1980 مضر صحت گٹکا برآمد، مقدمات درج۔ سدوجہ، نیوجتوئی، پھل، پڈعیدن اور خانواہن تھانوں کی پولیس نے الگ الگ کارروائیوں میں سنگین نوعیت میں مطلوب 6 ملزمان کو غیرقانونی اسلحہ سمیت گرفتار کرلیا،راشد کھوسو سے پستول 4 رائونڈ،محمد خان سے پستول 3 رائونڈ،رفیق ڈہر سے پستول 3 رائونڈ،شمن بگٹی سے پستول 3 رائونڈ،محمد خان مری سے پستول 3 رائونڈ ،شعیب تنیو سے 01 رپیٹر برآمد کرکے مقدمات درج کرلیے گئے۔خانواہن تھانہ کی پولیس نے کارروائی کرکے2مطلوب ملزمان کو گرفتار کرلیا ، گرفتار ملزمان آزاد اور صداقت سیال ڈکیتی کے ایک مقدمہ میں مطلوب تھے۔بھریا سٹی پولیس نے کارروائی کرکے جرائم پیشہ افراد کو پناہ دینے والے ملزم/پتھاریدار کو گرفتار کرلیا،گرفتار ملزم علی گوہر رند کیخلاف سرکار کی مدعیت میں مقدمہ درج کرلیا گیا۔ محرابپور، خانواہن، بھریاسٹی اور دریاہ خان مری تھانوں کی پولیس نے الگ الگ کارروائیوں میں 5 منشیات فروشان کو گرفتار کرلیا،محمد علی مگنھار سے 600 گرام چرس،اسرار شاہ سے 520 گرام چرس ،فیاض سولنگی سے 5 بوتلیں شراب،اسد ملک سے 1320 گرام گٹکا،قیہر خاصخیلی سے 660 گرام گٹکابرآمد کرکے مقدمات درج کرلیے گئے۔
.ذریعہ: Jasarat News
کلیدی لفظ: سے پستول 3 رائونڈ گرفتار کرلیا پولیس نے
پڑھیں:
پیکا ایکٹ کے تحت کارروائیاں جاری، ایک اور صحافی کو گرفتار کرلیا گیا
کراچی ( اُردو پوائنٹ اخبارتازہ ترین۔ 12 اپریل 2025ء ) ملک بھر میں پیکا ایکٹ کے تحت کارروائیاں جاری ہیں اسی دوران ایک اور صحافی کو گرفتار کرلیا گیا۔ تفصیلات کے مطابق کراچی پولیس نے سوشل میڈیا پر اشتعال انگیزی اور جھوٹی خبریں پھیلانے کے الزام میں ایک اور صحافی کو گرفتار کیا ہے، اجمیر نگری تھانے کی حدود میں کارروائی کرتے ہوئے شیخ جنید ساگر قریشی کو گرفتار کیا گیا، جو سوشل میڈیا اور ایک اخبار سے منسلک ہیں۔ پولیس حکام نے بتایا کہ یہ کارروائی پیکا ایکٹ کے تحت کی گئی اور مقدمہ اے ایس آئی طارق ممتاز کی مدعیت میں درج کیا گیا، جس میں مدعی نے بیان کیا کہ واٹس ایپ پر مختلف لوگوں کے میسجز دیکھتے ہوئے ایک ویڈیو نظر سے گزری، جس میں کے ایف سی ریسٹورینٹ کے واقعے کا ذکر کیا گیا، ویڈیو میں جنید ساگر نے دعویٰ کیا کہ عوام نے مشتعل ہو کر پولیس پر حملہ اور پتھراؤ بھی کیا، جس کے نتیجے میں ایس ایچ او سمیت دو اہلکار زخمی ہوئے۔(جاری ہے)
مدعی کا کہنا ہے کہ ’مذکورہ ویڈیو میں یہ بھی کہا گیا کہ سرسید تھانے کی حدود میں ایک ڈمپر نے خاتون کو کچل دیا، ان ویڈیوز اور بیانات کے ذریعے عوام میں اشتعال پیدا کرنے کی کوشش کی گئی، جو قانون کی خلاف ورزی ہے‘، اس مقدمے کے نتیجے میں پولیس کی جانب سے کارروائی کی گئی اور شیخ جنید ساگر قریشی کو گرفتار کرلیا گیا، واقعے کی مزید تفتیش جاری ہے، جنید ساگر کو عدالت میں پیش کیا جائے گا۔ بتایا جارہا ہے کہ فیڈرل انوسٹیگیشن ایجنسی (ایف آئی اے) نے پیکا ایکٹ 2025ء کے تحت سوشل میڈیا پروٹیکشن اتھارٹی قائم کردی، ذرائع کا کہنا ہے کہ اس حوالے سے محکمہ داخلہ میں سیل قائم کیا گیا ہے جو سوشل میڈیا پر غیر قانونی اور جھوٹے مواد پھیلانے والوں کے خلاف کارروائی کرے گا، جس کے ذریعے سوشل میڈیا پر غلط معلومات پھیلانے اور جھوٹا پروپیگنڈہ کرنے والوں کے خلاف ایکشن ہو سکے گا، اس کے علاوہ ایف آئی اے سائبر ونگ اور پی ٹی اے کی محکمہ داخلہ کے ساتھ رابطہ کاری بڑھائی جائے گی، سوشل میڈیا کے غلط استعمال کے خلاف محکمہ داخلہ سندھ وفاقی اداروں کے ساتھ مل کر کارروائی کرے گا۔
گھر سے بے دخل خاتون ٹک ٹاکر نے نہر میں چھلانگ لگا دی