میرواہ گورچانی میں بجلی چوروں ونادہندگان کیخلاف آپریشن
اشاعت کی تاریخ: 4th, February 2025 GMT
میرپورخاص (نمائندہ جسارت)وزیراعظم پاکستان ،وفاقی وزیر اور سیکرٹری پانی و بجلی کی ہدایت پر وزارت توانائی کی جانب سے حیسکو سب ڈویژن میرواہ گورچانی ڈی ایس یو یونٹ کی ٹیموں نے رینجرز اور پولیس کی مدد سے میرواہ گورچانی میں بجلی چوروں اور نادہندگان کے خلاف بھرپور آپریشن کیا ایس ڈی او حیسکو سب ڈویژن میرواہ گورچانی نے اپنی ٹیم کے ساتھ رینجرز اور پولیس کی مدد سے شہر کے مختلف علاقوں میں بھرپور کارروائی کرتے ہوئے درجنوں کنکشن منقطع کر دیے اور لاکھوں روپے کی ریکوری کی۔ایس ڈی او نعیم الدین کا کہنا تھا کہ بجلی چوروں اور نادہندگان کے خلاف بلا تفریق کے آپریشن جاری ہے۔ انہوں نے کہا کہ جن صارفین کے بلوں میں ناجائز ڈیڈکشن لگے ہوئے ہیں یا دیگر مسائل ہیں وہ دفتر میں رابطہ کریں ان کے جائز مسائل فوری طور پر حل کئے جائیں گے مگر بجلی چوروں اور نادہندگان کو کسی صورت معاف نہیں کیا جائے گا یہاں یہ امر بھی قابل ذکر ہیں کہ پاک رینجرز کا صارفین کے ساتھ رویہ نہایت مثبت تھا جس پر شہریوں نے مسرت کا اظہار کیا ادھر کچھ شہریوں کا یہ بھی کہنا تھا کہ حیسکو کا یہ ٹارگیٹڈ آپریشن ہے بڑے بجلی چوروں کو چھوڑ کر غریب لوگوں کو ہراساں کیا جا رہا ہے۔ شہریوں کا مزید کہنا تھا کہ بجلی چوری میں ملوث حیسکو اہکاروں کے خلاف بھی بھرپور کاروائی ہونی چاہیے ۔
.ذریعہ: Jasarat News
کلیدی لفظ: بجلی چوروں
پڑھیں:
سعودی عرب کی نئی ایئرلائن کا پاکستان کے لیے فلائٹ آپریشن شروع
کراچی(نیوز ڈیسک)سعودی عرب کی نئی ایئرلائن فلائی ادیل نے پاکستان کے لیے فلائٹ آپریشن کا آغاز کردیا ہے۔
نجی ٹی وی کے مطابق ترجمان پی اے اے کا کہنا ہے کہ فلائی ادیل کی پہلی پرواز سعودی عرب سے کراچی پہنچ گئی، فلائی ادیل ایف 3166 صبح 8 بجکر چار منٹ پر جناح انٹرنیشنل ایئرپورٹ پہنچی ہے۔
ترجمان سی اے اے کا کہنا ہے کہ فلائی ادیل کے طیارے کو کراچی ایئرپورٹ پر واٹر سلوٹ دیا گیا۔
واضح رہے کہ گزشتہ سال نومبر میں سول ایوی ایشن اتھارٹی ( سی اے اے ) نے سعودی عرب کی ایک اور ائیرلائن کو پاکستان کے لیے فضائی آپریشن کی اجازت دی تھی۔
سی اے اے نے ’’ فلائی ادیل ‘‘ کو پاکستان کے لئے فضائی آپریشن کی درخواست پر اجازت دے دی ہے۔
فلائی ادیل کو پاکستان کے لئے ہفتہ وار 11 فلائٹس کا سلاٹ سول ایوی ایشن نے منظور کیا ہے اور ائیرلائن جلد پاکستان کے لیے فضائی آپریشن شروع کر دے گی۔
ذرائع نے مزید بتایا تھا کہ ڈی جی سی اے اے نے فلائی ادیل کو پاکستان کے لیےفضائی آپریشن کی اجازت دی۔
مزیدپڑھیں:گھر خریدنے کے خواہشمند افراد کے لیے بڑی خوشخبری آگئی
سندھ اور پنجاب میں موٹروے تنازع شدت اختیار کرگیا