صنعت و تجارت کو فروغ دے کر درآمدات میں کمی کی جائے
اشاعت کی تاریخ: 4th, February 2025 GMT
فیصل آباد (کامرس ڈیسک ) صنعت و تجارت کو فروغ دیکر درآمدات میں کمی اور برآمدات میں اضافہ ممکن بنایا جا سکتاہے تاہم گروتھ ریٹ بڑھانے اور معاشی ترقی کی اعلیٰ شرح حاصل کرنے کیلئے نجی شعبے کا استحکام، کاروباری ماحول کی بہتری، عالمی برادری کے ساتھ بہتر تجارتی روابط کافروغ انتہائی ضروری ہے لہٰذااس سلسلہ میں تمام سٹیک ہولڈرز کی مشاورت سے متعلقہ اداروں کو بلا تاخیر اقدامات اٹھانے ہوں گے تاکہ صنعتی و تجارتی سرگرمیوں کو عروج حاصل ہوسکے۔ پاکستان ٹیکسٹائل ایکسپورٹرزایسوسی ایشن کے ترجمان نے کہا کہ ملک میں پائیدار اقتصادی ترقی کا سفر شروع کرنے کیلئے قلیل المدت اور طویل المدت پلان وضع کرنااور صنعتی، کاروباری، تجارتی ومعاشی استحکام کیلئے سٹیک ہولڈرز کی مشاورت کے عمل کے ساتھ ساتھ بجلی و گیس کے نرخوں میں بھی کمی کیلئے اقدامات کرنا ہوں گے۔انہوں نے کہاکہ اقتصادی زوال اور معاشی انحطاط کی بڑی وجہ کاروباری شعبے کو فروغ نہ دینا ہے حالانکہ متعلقہ اداروں کی اس جانب توجہ اور دیگرسیکٹرز کی مطابقت سے اقدامات ملکی معیشت کے فروغ میں نمایاں کردار اداکر سکتے ہیں۔انہوں نے کہاکہ اگر متعلقہ ادارے اپنے فرائض منصبی لگن و محنت اور فرض شناسی سے سر انجام دیں تو صنعت، تجارت اور کاروباری سیکٹر پر پڑنے والے منفی اثرات کو کم سے کم کیا جا سکتا ہے۔
.ذریعہ: Jasarat News
پڑھیں:
امریکاکے ٹیرف پر ردعمل نہیں، بات چیت کریں گے: ہارون اختر
کراچی:وزیر اعظم کے معاون خصوصی ہارون اختر کا کہنا ہےکہ امریکاکے ٹیرف پر ردعمل نہیں، بات چیت کریں گے۔
کراچی چیمبر آف کامرس کے دورے کے بعد گفتگو کرتے ہوئے وزیراعظم شہباز شریف کے معاون خصوصی برائے صنعت و پیداوار ہارون اختر کا کہنا تھا کہ توانائی نرخ، مارک اپ ریٹ اور کارپوریٹ ٹیکس ریٹ کم کرنے پر توجہ ہے، امریکی ٹیرف کا جواب ٹیرف بڑھا کر نہیں مذاکرات کے ذریعے حل کریں گے۔
ہارون اختر کا کہنا تھا کہ وہ صدر ٹرمپ کے کام کرنے کا اندازجانتے ہیں، وہ مذکرات کی میز پر مضبوط ہو کر جانا چاہتے ہیں، ہمیں اپنے صنعت کاروں اور تاجروں کو وہ ماحول دینا ہے جو وہ چاہتے ہیں، میں صنعتی پالیسی دوں گا، منسٹری آف انڈسٹری کو منسٹری فار انڈسٹری بناؤں گا۔
ان کا کہنا تھا کہ ماضی کی غلط پالیسیوں کی وجہ سے مسائل ہیں لیکن صنعت کار فیکٹریاں بند نہ کریں، مہنگائی کم ہوئی ہے، بجلی کی قیمتیں کم کی ہیں۔
Post Views: 1
شمالی وزیرستان میں تیل و گیس کا نیا ذخیرہ دریافت