پولیس کے چھاپے ،34 بھکاریوں سمیت60 ملزمان گرفتار
اشاعت کی تاریخ: 4th, February 2025 GMT
کراچی (اسٹاف رپورٹر ) شہر کے مختلف علاقوں میں پولیس چھاپوں کے دوران 34 پیشہ ور بھکاریوں سمیت 60 ملزمان کو گرفتار کرلیا گیا، ملزمان کے قبضے سے اسلحہ، منشیات، نقد رقم، موبائل فون، موٹر سائیکلیں اور دیگر مسروقہ سامان برآمد ہوا، پیشہ ور بھکاریوں کیخلاف متعلقہ تھانہ جات میں مقدمات درج کرلیے گئے، گرفتار بھکاریوں کا سابقہ کریمنل ریکارڈ معلوم کیا جا رہا ہے۔ تفصیلات کے مطابق سعیدآباد سیکٹر 17B میں منگنی کی تقریب کے دوران ہوائی فائرنگ کے دوران پولیس اہلکاروں پر فائرنگ اور دست گریبان ہونے والے 2 ملزمان ظہیر اور سعید کو گرفتار کرلیا گیا جبکہ 5 ملزمان فرار ہونے میں کامیاب ہوگئے۔ ملزمان کے خلاف مقدمہ درج ہے۔ تھانہ سائٹ سپر ہائی وے پولیس نے پولیس مقابلے کے دوران فرار ہونے والے ملزم ساحل حبیب ولد نیاز احمد کو گرفتار کرلیا اور قبضے سے ایک پستول، گولیاں، چوری کی موٹرسائیکل اور نقد رقم برآمد کرلی۔ شرافی گوٹھ پولیس نے کورنگی سنگر چورنگی کے قریب سے 2 ملزمان ساحل اور سجاد کو گرفتار کرکے 2 پستول، گولیاں اور چھینی گئی موٹرسائیکل برآمد کرلی۔ تھانہ پاکستان بازار پولیس نے جوا سٹہ آپریٹ کرنے والے ملزم فخرالدین عرف گڈو ولد شمس الدین کو گرفتار کرکے مقدمہ درج کرلیا۔ تھانہ محمود آباد پولیس نے کارروائی کرکے موٹر سائیکل لفٹنگ میں ملوث 5 ملزمان کو گرفتار کرلیا اور ایک پستول بمعہ گولیاں اور 4 عدد چوری شدہ موٹرسائیکلیں برآمد ہوئیں۔ تھانہ سائٹ سپر ہائی وے پولیس نے ملزمان محمد عمر اور فیروز خانکو گرفتار کرکے 2 عدد پستول، گولیاں، موٹر سائیکل اور نقدی رقم برآمد کرلی۔ بغدادی پولیس نے اسٹریٹ کرائمز کی مختلف وارداتوں میں ملوث پیشہ ور 3 رکنی گروہ کو پکڑ کر ملزمان سے 3 پستول بمعہ گولیاں برآمد کرلیں۔
.ذریعہ: Jasarat News
کلیدی لفظ: کو گرفتار کرلیا پولیس نے کے دوران
پڑھیں:
پولیس مقابلوں اور چھاپوں کے دوران 16 ملزمان گرفتار
کراچی ( اسٹاف رپورٹر ) شہر کے مختلف علاقوں میں پولیس نے مقابلوں اور چھاپوں کے دوران 4 زخمیوں سمیت 16 ملزمان کو گرفتار کر لیا، ملزمان کے قبضے سے اسلحہ ،موبائل فون، نقدی، موٹر سائیکل ، موٹر سائیکل کے پارٹس، منشیات اور مسروقہ سامان برآمدہو ا۔ تفصیلات کے مطابق گلبرگ تھانے کی حدو د ایف بی ایریا بلاک 10عائشہ منزل فلائی اوور کے قریب پولیس اور ڈاکوؤں کے درمیان مقابلے میں 2 ڈاکو فیہم ولد افضل اور امیر محمد ولد خان محمد زخمی حالت میں گرفتار کرلیے گئے، جن سے 2 نائن ایم ایم پستول بمعہ گولیاں، موبائل فونز اور125 موٹر سائیکل برآمد کر لی۔ ملزمان اس سے قبل بھی گرفتار ہوچکے ہیں، گلزار ہجری سیکٹر 12 ڈی لیاری ندی کے قریب پولیس مقابلہ کے بعد ایک ڈاکو زخمی حالت میں گرفتار ہوگیا۔
وفاق کا آئی جی پنجاب ڈاکٹرعثمان کی خدمات لینے کیلئے رابطہ ، صوبائی حکومت کا انکار،