آئی سی سی چیمپیئنز ٹرافی: پاک بھارت کے میچ کی تمام ٹکٹیں گھنٹے سے بھی کم وقت میں فروخت
اشاعت کی تاریخ: 3rd, February 2025 GMT
متحدہ عرب امارات میں آئی سی سی چیمپیئنز ٹرافی 2025 کے بھارت کے میچوں کے ٹکٹوں کی فروخت شام 4 بجے شروع ہوئی جس کی تمام ٹکٹیں ایک گھنٹے سے بھی کم وقت میں فروخت ہو گئیں، ادھر دبئی کے لیے پروازوں اور ہوٹلوں میں رہائش کے کرایوں میں بھی اضافے کا امکان ظاہر کیا گیا ہے۔
میڈیا رپورٹس کےمطابق دبئی میں جیسے ہی گھڑی پر 4 بجے پرجوش شائقین کرکٹ ٹکٹ خریدنے کے لیے پہلے سے ہی تیار بیٹھے تھے۔
ایک مداح کا کہنا تھا کہ صرف 2 منٹ کے اندر ہی اس نے خود کو قطار میں 111،000 سے زیادہ ٹکٹ خریدنے والے شائقین کے پیچھے پایا۔
تقریباً ایک گھنٹے تک قطار میں کھڑے رہنے کے بعد پاکستان اور بھارت کے درمیان ہونے والے میچ کی ٹکٹیں بک کرانے کے خواہشمند شائقینِ کرکٹ کو کسی بھی کیٹیگری میں ٹکٹ کے حصول سے محروم ہونا پڑا ۔
شام 4 بج کر 56 منٹ تک دونوں حریف ٹیموں کے درمیان کھیلے جانے والے میچ کی تمام کیٹیگریز کی ٹکٹیں فروخت ہو چکی تھیں۔ ان میں پلاٹینم کیٹیگری بھی شامل ہے جس کی قیمت 2000 درہم اور گرینڈ لاؤنج کیٹیگری کی قیمت 5000 درہم ہے۔
شارجہ سے تعلق رکھنے والی پاکستانی نژاد شہری زرلیش کامل کا کہنا ہے کہ وہ بچپن سے پاکستان اور بھارت کے درمیان میدان میں ایک بھی میچ نہیں دیکھ پائی ہیں۔
انہوں نے کہا کہ کرکٹ کے جنون کی وجہ سے مجھے لمبی قطار میں کھڑا ہونا پڑا لیکن میں ٹکٹ ملنے کے لیے پرجوش تھی، گراؤنڈ کے اندر میچ دیکھنے کا اپنا ہی مزہ ہے۔ زرلیش کا کہنا ہے کہ وہ بھارت اور پاکستان دونوں کے میچ سے لطف اندوز ہونے کی منتظر ہیں۔
ٹکٹ بہت مہنگے تھے پھر بھی خریدنا چاہتی تھیشارجہ سے تعلق رکھنے والی ایک بھارتی خاتون نمیتا انیش نے کہا کہ ٹکٹ بہت مہنگے تھے‘ کیونکہ قطار میں ان کی باری آنے پر کم قیمت والی کیٹیگری کی تمام ٹکٹیں فروخت ہو چکی تھیں۔
انہوں نے کہا کہ وہ صرف بھارت اور نیوزی لینڈ کے درمیان میچ کی ٹکٹ حاصل کرنے میں کامیاب ہوئی ہیں، نیوزی لینڈ بھارت کے بعد میری دوسری پسندیدہ ٹیم ہے۔ اگرچہ میں بھارت اور پاکستان کے درمیان میچ نہ دیکھ پانے پر مایوس ہوں ، لیکن میں واقعی خوش ہوں کہ مجھے نیوزی لینڈ اور بھارت کو ایکشن میں دیکھنے کا موقع ملے گا۔
اگرچہ پاکستان ٹورنامنٹ کا باضابطہ میزبان ہے، لیکن بھارتی کرکٹ بورڈ (بی سی سی آئی) نے حکومت کے مشورے کا حوالہ دیتے ہوئے اپنی ٹیم پاکستان نہ بھیجنے کا فیصلہ کیا تھا۔
دسمبر 2024 میں انٹرنیشنل کرکٹ کونسل (آئی سی سی) نے بھارت کے میچوں کی میزبانی کے لیے دبئی کو نیوٹرل مقام قرار دیا تھا۔
دبئی انٹرنیشنل اسٹیڈیم میں 20 فروری کو بھارت بمقابلہ بنگلہ دیش، 23 فروری کو بھارت بمقابلہ پاکستان اور 2 مارچ کو بھارت اور نیوزی لینڈ کے درمیان 3 کھیلے جائیں گے۔
دبئی 4 مارچ کو پہلے سیمی فائنل کی میزبانی کرے گا اور اگر بھارت فائنل میچ کے لیے کوالیفائی کرتا ہے تو فائنل 9 مارچ کو ہوگا۔
اگر بھارت ٹائٹل کے فیصلہ کن میچ کے لیے کوالیفائی نہیں کرتا تو لاہور میں پاکستان دوسرے سیمی فائنل اور فائنل کی میزبانی کرے گا۔
واضح رہے کہ پاکستان میں ہونے والے میچز کے لیے ٹکٹس کی فروخت کا سلسلہ بھی شروع ہو چکا ہے، جن میں جنرل اسٹینڈ کی قیمت 1000 پاکستانی روپے (13 درہم) اور پریمیم نشستیں 1500 پاکستانی روپے میں دستیاب تھیں۔
فضائی اور ہوٹل کرایوں میں اضافے کا امکاندبئی میں چیمپئنز ٹرافی صرف شائقین کے لیے ایک ایونٹ نہیں ہے، اس کا اثر دیگر صنعتوں پر بھی پڑتا ہے، خلیج ٹائمز کی ایک رپورٹ کے مطابق بھارت، پاکستان اور کرکٹ سے محبت کرنے والے دیگر ممالک کے شائقین کی جانب سے دبئی کے لیے سفر کو حتمی شکل دیے جانے کے بعد فضائی کرایوں میں 50 فیصد تک اضافے کا بھی امکان ہے۔ فضائی کرایوں میں اضافے کے علاوہ ہوٹل بھی تیزی سے بھر رہے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بھارتی کرکٹ بورڈ پاک بھارت ٹکٹس ٹکٹیں چیمپیئز ٹرافی دبئی فروخت گھنٹہ میچ.ذریعہ: WE News
کلیدی لفظ: بھارتی کرکٹ بورڈ پاک بھارت ٹکٹس ٹکٹیں چیمپیئز ٹرافی گھنٹہ میچ
پڑھیں:
پاکستان کی چیمپئینز ٹرافی کٹ کی نقاب کشائی کب ہوگی؟
پاکستان کرکٹ شائقین کا انتظار تقریباً ختم ہو گیا کیونکہ آئی سی سی چیمپئینز ٹرافی 2025 کے لیے ہوم سائیڈ کی آفیشل ٹیم کی جرسی منگل کو سامنے آ جائے گی۔ کٹ اسی دن پری آرڈر کے لیے بھی دستیاب ہوگی۔
یہ بھی پڑھیں: چیمپیئنز ٹرافی میں اہم ترین پاک-بھارت مقابلے کے ٹکٹ کتنے کے اور کہاں سے لیے جاسکتے ہیں؟
پاکستان کرکٹ بورڈ (پی سی بی) نے کٹ کے حوالے سے اعلان کرتے ہوئے شائقین پر زور دیا ہے کہ وہ اپنی آفیشل کٹس جلد سے جلد حاصل کرکے میگا ایونٹ کے لیے تیار ہوجائیں۔
پاکستان میں ہونے والے ٹورنامنٹ کے ساتھ، توقع ہے کہ قومی ٹیم کی جرسی ملک بھر اور اس سے باہر کے کرکٹ شائقین کے لیے فخر اور جذبے کی علامت ہوگی۔
مزید پڑھیے: ’اتنے نالائق سلیکٹرز نہیں دیکھے‘، چیمپیئنز ٹرافی کے لیے ٹیم سلیکشن پر سابق کھلاڑیوں کی تنقید
مہم #WearYourPassion کے ہیش ٹیگ کے تحت چل رہی ہے جو شائقین کو ایکشن میں شامل ہونے اور قومی ٹیم کے پیچھے کھڑے ہونے کی ترغیب دیتی ہے جو ہوم گراؤنڈ پر پر عظیم الشان مقابلے کے کی تیاری کر رہے ہیں۔
پری آرڈر شروع ہونے میں صرف 24 گھنٹے باقی ہیں۔ْ توقعات بہت زیادہ ہیں کہ جرسی کی بڑے پیمانے پر مانگ دیکھنے کو ملے گی کیونکہ پاکستان حالیہ تاریخ میں کرکٹ کے اپنے اہم ترین ایونٹس میں سے ایک کے لیے تیار ہے۔
ٹورنامنٹ کا آغاز 19 فروری سے ہوگا اور پاکستان اپنا پہلا میچ نیوزی لینڈ کے خلاف کھیلے گا۔
مزید پڑھیں: شائقین کرکٹ چیمپیئنز ٹرافی کے ٹکٹس کہاں کہاں سے حاصل کرسکتے ہیں؟
چیمپیئنز ٹرافی کے لیے جوش و خروش بڑھ رہا ہے اور شائقین کے پاس اب پاکستان کی آفیشل جرسی پہن کر اپنی حمایت کا اظہار کرنے کا موقع بھی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آئی سی سی چیمپیئنز ٹرافی 2025 آئی سی سی چیمپیئنز ٹرافی کٹ قومی ٹیم کی آفیشل کٹ
ترقی کے لیے نئے کے بجائے موجودہ خصوصی اقتصادی زونز کو فعال کرنے پر توجہ دینے کی ضرورت ہے. ویلتھ پاک