چیمپئنز ٹرافی کے ٹکٹوں کی خریداری کیلئے شائقین پُرجوش
اشاعت کی تاریخ: 3rd, February 2025 GMT
لاہور: آئی سی سی چیمپئنز ٹرافی 2025 کے ٹکٹوں کی فروخت کا عمل ملک بھر میں شروع ہو چکا ہے، جس کے باعث کراچی، لاہور، راولپنڈی اور اسلام آباد میں شائقین کی لمبی قطاریں دیکھنے میں آ رہی ہیں۔
میڈیا رپورٹس کے مطابق لاہور میں نجی کوریئر کمپنی کے دفاتر پر خاصا رش ہے، جہاں شائقین آسٹریلیا، انگلینڈ اور پاکستان کے میچز کے ٹکٹ خریدنے میں دلچسپی ظاہر کر رہے ہیں، راولپنڈی اور اسلام آباد میں بھی شائقین اپنی پسند کے میچز کے ٹکٹ حاصل کرنے پر خوش ہیں، تاہم کچھ افراد مایوس بھی لوٹے ہیں۔
ایک قومی شناختی کارڈ پر زیادہ سے زیادہ چار ٹکٹ خریدے جا سکتے ہیں، آن لائن ٹکٹ بُک کرنے والے افراد کو 6 فروری کو ٹکٹیں ملیں گی جبکہ ہوم ڈیلیوری 8 فروری کو کی جائے گی، تمام سینٹرز پر ٹکٹوں کی فروخت شام 6 بجے تک جاری رہے گی۔
پاکستان اور نیوزی لینڈ کے درمیان میچ 19 فروری کو نیشنل اسٹیڈیم کراچی میں کھیلا جائے گا، اس میچ کے لیے جنرل اسٹینڈ کا ٹکٹ 2,000 روپے، فرسٹ کلاس کا 4,000 روپے، پریمیم اسٹینڈ کا 7,000 روپے، اور وی آئی پی کا 12,000 روپے مقرر کیا گیا ہے۔
اس کے علاوہ سہ ملکی ون ڈے سیریز کے ٹکٹوں کی فروخت منگل 4 فروری سے شروع ہوگی، شائقین کی سہولت کے لیے ٹکٹ 350 روپے کی کم از کم قیمت پر دستیاب ہوں گے۔
ایک قومی شناختی کارڈ پر سہ فریقی سیریز کے لیے دس ٹکٹ خریدے جا سکتے ہیں، یہ سیریز 8 سے 14 فروری تک لاہور اور کراچی میں کھیلی جائے گی۔
آئی سی سی چیمپئنز ٹرافی 2025 کے لیے ٹکٹوں کی قیمتیں 1,000 روپے سے 25,000 روپے تک مقرر کی گئی ہیں۔ ٹکٹ کی کیٹیگریز میں جنرل انکلوژر، فرسٹ کلاس، پریمیم، وی آئی پی، اور وی وی آئی پی شامل ہیں۔ سیمی فائنل میچز کی ٹکٹ کی قیمتیں زیادہ ہوں گی، جو 25,000 روپے سے شروع ہوں گی۔
خیال رہےکہ ایونٹ کا آغاز 19 فروری سے پاکستان اور نیوزی لینڈ کے درمیان میچ سے ہوگا جبکہ فائنل 9 مارچ کو کھیلا جائے گا، اگر بھارت ٹورنامنٹ کے فائنل میں پہنچتا ہے تو فائنل دبئی میں کھیلا جائے گا، بھارت کے فائنل میں نہ پہنچنے کی صورت میں فائنل پاکستان میں منعقد ہوگا۔
شائقین کرکٹ آئی سی سی کی ویب سائٹ پر خود کو رجسٹر کروا سکتے ہیں، پہلے رجسٹرڈ کروانے والے شائقین کو ٹکٹ خریدنے میں ترجیح دی جائے گی، مزید معلومات اور ٹکٹوں کی خریداری کے لیے آئی سی سی کی آفیشل ویب سائٹ ملاحظہ کریں۔
.ذریعہ: Jasarat News
کلیدی لفظ: ٹکٹوں کی 000 روپے کے ٹکٹ کے لیے
پڑھیں:
چیمپئنز ٹرافی2025 کیلئے 15 رکنی قومی ٹیم کا اعلان کردیاگیا
لاہور(نیوز ڈیسک ) آئی سی سی چیمپینز ٹرافی 2025 کیلئے 15 رکنی پاکستان اسکواڈ کا اعلان کردیا گیا۔تفصیلات کے مطابق محمد رضوان پاکستان ٹیم کی قیادت کریں گے۔ اسکواڈ میں بابر اعظم، فخر زمان، شاہین آفریدی، نسیم شاہ ، حارث رؤف شامل ہیں۔کامران غلام، سعود شکیل، طیب طاہر، فہیم اشرف، خوشدل، شاہ، سلمان علی آغا بھی ٹیم میں شامل ہیں ۔
اس کے علاوہ عثمان خان، ابرار احمد، محمد حسنین بھی اسکواڈ کا حصہ ہیں ۔پی سی بی کے مطابق یہی ٹیم نیوزی لینڈ اور جنوبی افریقہ کے خلاف سہ فریقی ون ڈے سیریز میں بھی حصہ لے گی۔سلیکٹر اسد شفیق کا کہنا ہے کہ ٹیم میں فخرزمان ،خوشدل شاہ ،سعود شکیل اور فہیم اشرف کی واپسی ہوئی ہے۔فخرزمان کے اوپننگ پارٹنر بابراعظم یا سعود شکیل ہوسکتے ہیں۔ہوم کنڈیشنز میں عمدہ کارکردگی کے حامل کرکٹرز کا سلیکشن کیا گیا ہے۔
انہوں نے کہا کہ ہمیں اندازہ ہے کہ صائم ایوب کے لیے چیمپئنز ٹرافی نہ کھیلنا کتنا تکلیف دہ ہے، لیکن ہم جلد بازی میں کوئی بھی فیصلہ نہیں کرنا چاہتے۔ خیال رہے کہ پاکستان چیمپئنز ٹرافی میں اپنا پہلا میچ19 فروری کو نیوزی لینڈ کے خلاف کراچی میں کھیلے گا۔
ترقی کے لیے نئے کے بجائے موجودہ خصوصی اقتصادی زونز کو فعال کرنے پر توجہ دینے کی ضرورت ہے. ویلتھ پاک