ملک بھر میں چینی کی قیمتوں میں ہوشربا اضافہ، عوام پریشان
اشاعت کی تاریخ: 3rd, February 2025 GMT
ملتان: ملک بھر میں چینی کی قیمتوں میں ایک بار پھر بڑا اضافہ دیکھنے میں آیا ہے، جس کے باعث عوام شدید پریشانی کا شکار ہیں، مختلف شہروں میں چینی کے نرخ میں فی کلو 15 سے 20 روپے تک اضافہ کر دیا گیا ہے، اور قیمتیں مسلسل بڑھ رہی ہیں۔
میڈیا رپورٹس کے مطابق مختلف شہروں میں چینی حکومت کے مقرر کردہ قیمتوں سے زیادہ میں فروخت ہورہی ہے، ملتان میں دو ہفتے قبل 135 روپے فی کلو فروخت ہونے والی چینی اب 150 سے 160 روپے میں دستیاب ہے جبکہ 50 کلو کا تھیلا 7,200 روپے میں فروخت ہو رہا ہے، اسی طرح فیصل آباد میں چینی کا ایکس مل ریٹ 146 روپے فی کلو ہے، لیکن مارکیٹ میں یہ 160 روپے فی کلو تک جا پہنچی ہے۔
حیدرآباد اور ڈیرہ اسماعیل خان: ان شہروں میں چینی کی قیمت میں 20 روپے فی کلو اضافہ ہوا ہے اور اب یہ 150 روپے فی کلو فروخت ہو رہی ہے۔
چینی کی قیمتوں میں اضافے کی وجوہات
چینی کی قیمتوں میں اچانک اضافے کی کئی وجوہات سامنے آ رہی ہیں، جن میں ذخیرہ اندوزی، قلت اور حکومتی سطح پر قیمتوں پر کنٹرول نہ ہونا شامل ہیں، چینی مافیا کی جانب سے مصنوعی قلت پیدا کرنے کے الزامات بھی لگائے جا رہے ہیں، جس کے باعث عوام مہنگی چینی خریدنے پر مجبور ہیں۔
ایسے میں عوام نے حکومت سے اشیا خردنوش کی قیمتوں پر نوٹس لینے کا مطالبہ کرتے ہوئے کہا ہے کہ چینی کی بڑھتی قیمتوں نے عام آدمی کی مشکلات میں اضافہ کر دیا ہے، اور حکومت کو فوری طور پر اس مسئلے کا نوٹس لینا چاہیے۔ عوام نے مطالبہ کیا ہے کہ حکومت چینی کی قیمتوں کو مستحکم رکھنے کے لیے ہنگامی اقدامات کرے اور ذخیرہ اندوزوں کے خلاف سخت کارروائی عمل میں لائی جائے۔
کیا حکومت اس مسئلے کا کوئی حل نکالے گی؟
یہ دیکھنا باقی ہے کہ حکومت چینی کی قیمتوں کو کنٹرول کرنے کے لیے کیا حکمت عملی اپناتی ہے یا عوام کو مزید مہنگائی کا سامنا کرنا پڑے گا؟
.ذریعہ: Jasarat News
کلیدی لفظ: چینی کی قیمتوں میں روپے فی کلو میں چینی
پڑھیں:
عوام کیلئے بڑی خوشخبری! پیٹرول اور ڈیزل کی قیمتوں میں تاریخی کمی متوقع
عوام کیلئے بڑی خوشخبری! پیٹرول اور ڈیزل کی قیمتوں میں تاریخی کمی متوقع WhatsAppFacebookTwitter 0 13 April, 2025 سب نیوز
اسلام آباد: عالمی منڈی میں خام تیل کی قیمت میں مسلسل کمی کے بعد پاکستان میں پیٹرولیم مصنوعات کی قیمتوں میں فی لیٹر بڑی کمی کا امکان ظاہر کیا جارہا ہے۔
حکومت عوام کو ریلیف فراہم کرنے پر غور کر رہی ہے تاہم قیمتوں میں کمی کے صحیح اعداد و شمار کو ابھی تک حتمی شکل نہیں دی گئی ہے۔
ذرائع نے کہا ہے کہ 16اپریل 2025سے پیٹرول اور ڈیزل کی قیمتوں میں 12روپے فی لیٹر کی کمی متوقع ہے۔
پیٹرول کی قیمت فی لیٹر 254.63روپے سے کم ہو کر 242روپے فی لیٹر ہونے کی توقع ہے۔
اس کے علاوہ ذرائع کا کہنا ہے کہ عالمی سطح پر گراوٹ کے بعد ڈیزل کی قیمت میں بھی کمی دیکھنے کو ملے گی، جس کی قیمت 258.64روپے فی لیٹر سے کم ہو کر 250روپے فی لیٹر ہونے کی امید ہے۔
کراچی میں ٹارگٹڈ آپریشن کے دوران تحریک طالبان پاکستان کا دہشتگرد گرفتار