دودھ کی قیمت میں حیران کن طور پر کمی ، 200 روپے سے 120 پر آگئی
اشاعت کی تاریخ: 3rd, February 2025 GMT
سکھر(نیوز ڈیسک)دودھ فروشوں نے دودھ کی قیمت میں حیران کن طور پر کمی کرتے ہوئے قیمت 100 سے 120 روپے کلو کردی۔
تفصیلات کے مطابق سکھر کے مختلف علاقوں شالیمار ، پرانہ سکھر اور تانگہ اسٹینڈ سمیت متعدد جگہوں پر دودھ فروشوں نے دودھ کی قیمت میں حیران کن طور پر کمی کردی ہے۔
جس کی وجہ سے مہنگائی کے مارے عوام کے چہرے خوشی سے کھل اٹھے ہیںْ۔
شہر کے مختلف علاقوں میں 200 سے 240 روپے فی کلو فروخت ہونے والا دودھ اب 100 سے 120 روپے کلو فروخت ہو رہا ہے۔
یاد رہے چند روز سندھ ہائی کورٹ نے دودھ کی قیمتوں سے متعلق درخواست پر کمشنر کراچی سے جواب طلب کیا تھا۔
درخواستگزار کے وکیل نے مؤقف دیا تھا کہ بغیر اسٹیک ہولڈرز کو سن کر کمشنر کے پاس کوئی اختیار نہیں ہے کہ قیمتیں نہ بڑھائے، 20 روپے بڑھا کر 220 روپے کلو کر دیا گیا ہے۔
اس سے قبل شہر قائد میں ڈیری فامرز ایسوسی ایشنز سے متعلق انکشاف ہوا تھا کہ وہ ملی بھگت سے دودھ کی قیمتوں میں اضافہ کر رہی ہیں، جس کے بعد سی سی پی نے جرم ثابت ہونے پر ان پر سزا کے طور پر جرمانہ عائد کیا تھا۔
مزیدپڑھیں:پی آئی اے کی نجکاری کا عمل دوبارہ شروع کرنے کا فیصلہ
ذریعہ: Daily Ausaf
کلیدی لفظ: دودھ کی قیمت
پڑھیں:
ملک کے مختلف شہروں میں چینی کی قیمتوں میں اضافہ
ملک کے مختلف شہروں میں چینی کی قیمتوں میں اضافہ دیکھنے کو مل رہا ہے۔
ادارہ شماریات کے مطابق مختلف شہروں میں چینی کی فی کلو اوسط قیمت میں 10 روپے کا اضافہ ہوا ہے۔
جاری کردہ اعدادوشمار کے مطابق پشاور، کراچی، اسلام آباد اور راولپنڈی میں چینی فی کلو 160 روپے کی قیمت پر فروخت ہو رہی ہے۔
لاہور، گوجرانوالہ، سیالکوٹ اور خضدار میں چینی کی قیمت 155 روپے فی کلو تک پہنچ گئی ہے جبکہ فیصل آباد، ملتان، لاڑکانہ، بنوں اور کوئٹہ میں چینی 150 روپے فی کلو بیچی جا رہی ہے۔
حیدرآباد میں چینی کی قیمت 148 روپے فی کلو ہے، جبکہ بہاولپور اور سکھر میں یہ 145 روپے فی کلو فروخت ہو رہی ہے۔
ملک بھر میں چینی کے اوسط نرخ 150 روپے 43 پیسے فی کلو تک پہنچ چکے ہیں۔
آئی جی خیبر پختونخوا پولیس کو عہدے سے ہٹادیا گیا