بھارت کے نوجوان بلے باز نے تیز ترین سنچری بنا کر یہ نشان کیوں بنایا؟
اشاعت کی تاریخ: 3rd, February 2025 GMT
ٹی 20 میں تیز ترین سنچری بنانے والی پہلے بھارتی کھلاڑی ابھیشیک شرما نے فتح کے جشن میں اپنے ہاتھ سے انگریزی کا لفظ L بنانے کی وجہ بتادی۔
ابھیشیک نے گزشتہ روز انگلینڈ کے خلاف ہوم گراؤنڈ پر کھیلے گئے میچ میں شانداری کارکردگی کا مظاہرہ کیا اور 37 گیندوں پر سنچری اسکور کر کے وہ بھارت کے ٹی 20 میں پہلے تیز ترین 100 رن کرنے والے بلے باز بن گئے۔
ابھیشیک شرما نے اس میچ میں سب سے زیادہ 13 چھکے لگا کر روہت شرما کا ریکارڈ توڑا، اس کے علاوہ 135 رنز کی اننگز کھیل کر بھارت کی جانب سے سب سے زیادہ اسکور کرنے والے کھلاڑی کا اعزاز بھی اپنے نام کر لیا۔
ابھیشیک نے 37 گیندوں پر تیز ترین سنچری اسکور کر کے خوشی مناتے وقت اپنا ایک ہاتھ ہوا میں بلند کر کے تماشائیوں کی طرف کیا اور ایک انگلی، انگوٹھے کی مدد سے L بنایا۔
مزید پڑھیں: ابھیشیک شرما نے ٹی20 میں کئی اہم ریکارڈ اپنے نام کر لیے
میچ کے بعد پریس کانفرنس کرتے ہوئے انہوں نے نصف سنچری اور 100 رنز مکمل ہونے پر ہاتھ سے ایل بنانے کی وجہ بتائی اور کہا کہ اس کا اس کا مطلب Love (محبت) ہے۔
انہوں نے اپنی کامیابی پر گوتم گھمبیر اور سوریا کمار یادوو کا شکریہ ادا کیا اس کے علاوہ ابھیشیک نے کامیابی کا سہرا بھارتی بلے باز یوراج سنگھ کو دیتے ہوئے کہا کہ انہوں نے ہمیشہ میری حمایت کی۔
انہوں نے کہا کہ یوی پاجی (یوراج سنگھ) نے تین سال پہلے میرے دماغ میں بیٹھا دیا تھا کہ اپنے اوپر بھروسہ رکھنا ہے تب ہی کامیابی ملے گی اور پھر میں اُسی پر عمل پیرا رہا جس کی وجہ سے اپنا بہترین دینے کی کوشش کی۔
.ذریعہ: Express News
کلیدی لفظ: انہوں نے
پڑھیں:
بھارت نے انڈر 19 ویمن ٹی 20 ورلڈکپ کا ٹائٹل جیت لیا
بھارت نے کوالالمپور میں کھیلے گئے فائنل میں جنوبی افریقا کو 9 وکٹوں سے شکست دے کر انڈر 19 ویمن ٹی 20 ورلڈکپ اپنے نام کر لیا۔ جنوبی افریقا کی بیٹنگ مکمل طور پر ناکام رہی اور پوری ٹیم صرف 82 رنز پر ڈھیر ہو گئی۔
بھارتی ٹیم نے شاندار کارکردگی کا مظاہرہ کرتے ہوئے مطلوبہ ہدف 12ویں اوور میں حاصل کر لیا اور بڑی کامیابی کے ساتھ ٹائٹل اپنے نام کر لیا۔
پاکستانی وفد 4 روزہ دورے پر یورپی یونین کی دعوت پر چیئرمین سینیٹ کی سربراہی میں ویانا پہنچ گیا