اسلام آباد: ڈاکوؤں نے 20 لاکھ کیش چھین لیا، پنڈی سے 60 تولہ سونا چوری
اشاعت کی تاریخ: 3rd, February 2025 GMT
اسلام آباد:
جڑواں شہروں میں جرائم کی 2 بڑی وارداتیں ہوئیں، جن میں 20 لاکھ نقد چھین لیے گئے اور 60 تولہ سونا چوری کرلیا گیا۔
پولیس کے مطابق وفاقی دارالحکومت اسلام آباد کے علاقے آئی ایٹ مرکز میں دن دیہاڑے 20 لاکھ روپے لوٹ لیے گئے۔ موٹرسائیکل پر پیٹرول پمپ کے 2 ملازمین کیش لے کر بینک میں جمع کروانے جارہے تھے کہ پیچھے سے موٹرسائیکل پر سوار 2 مسلح ملزمان نے ٹکر ماری ۔
ڈاکوؤں کی ٹکر سے پیٹرول پمپ ملازمین سے کیش والا بیگ گرگیا ۔ 20 لاکھ روپے سے بھرا بیگ مسلح ملزمان لے کر فرار ہو گئے۔ پولیس نے واقعی کی تحقیقات شروع کردی ہے۔
دوسری جانب راولپنڈی میں تھانہ وارث خان کے علاقے مکھا سنگھ اسٹیٹ کے قریب گھر میں چوری کی واردات ہوئی، جس میں چورگھر سے 60 تولہ زیورات لے اڑے۔
پولیس کے مطابق چوری کیے گئے زیورات میں 3 چھوٹے سیٹ،ایک بڑا سیٹ اور 2 کڑے شامل ہیں۔ اس کے علاوہ 13انگوٹھیاں،9چین،3لاکٹ،گولڈ بسکٹ بھی چوری کرلیے گئے۔
مدعی مقدمہ کے مطابق زیورات میری والدہ کے ذاتی اور بہن کے جہیز کا سونا تھا۔
پولیس کا ہنا ہے کہ متاثرہ خاتون کے بیٹے حسن اظہر کی مدعیت میں مقدمہ درج کرکے تفتیش شروع کردی ہے۔
.ذریعہ: Express News
پڑھیں:
اسلام آباد، منشیات فروشوں سے رابطوں پر سابق ایس ایچ او سمیت 15پولیس اہلکار ملازمتوں سے برطرف
اسلام آباد، منشیات فروشوں سے رابطوں پر سابق ایس ایچ او سمیت 15پولیس اہلکار ملازمتوں سے برطرف WhatsAppFacebookTwitter 0 14 April, 2025 سب نیوز
اسلام آباد(سب نیوز)آئی جی اسلام آباد پولیس علی ناصر رضوی نے سابق ایس ایچ او تھانہ کھنہ سمیت 15 پولیس اہل کاروں کو ملازمتوں سے برطرف کردیا۔
تفصیلات کے مطابق برطرف ہوئے پولیس والوں میں سابق ایس ایچ او تھانہ کھنہ قاسم ضیا سب انسپکٹر طلعت شامل ہیں، دیگر برطرف پولیس اہل کاروں میں کانسٹیبلز اور ہیڈ کانسٹیبلز شامل ہیں۔پولیس ذرائع کے مطابق 15 پولیس اہل کاروں کو منشیات فروشوں سے روابط کی وجہ سے برطرف کیا گیا۔
منرلز انویسٹمنٹ فورم 2025: معدنی وسائل میں سرمایہ کاری کے لیے پاکستان نیا تجارتی و معاشی مرکز قرار