’جھوٹے یوٹیوبرز پر لعنت‘، بشریٰ انصاری خود سے متعلق غلط خبریں دینے والوں پر برس پڑیں
اشاعت کی تاریخ: 3rd, February 2025 GMT
سینیئر اداکارہ بشریٰ انصاری نے جھوٹی خبریں پھیلانے والے یو ٹیوبرز کو آڑے ہاتھوں لیتے ہوئے کہا کہ ان تمام لوگوں پر اللہ کی لعنت ہو جو میرے خلاف جعلی خبریں پھیلا رہے ہیں۔
بشریٰ انصاری نے کہا کہ ’کچھ لوگ کہہ رہے تھے کہ میری بیٹی نے مجھے گھر سے نکال دیا ہے لیکن میری بیٹی تو خود میرے ہی گھر میں رہتی ہے وہ مجھے کیسے نکال سکتی ہے وہ ہم دونوں کا مشترکہ گھر ہے‘۔
انہوں نے کہا کہ یو ٹیوبرز کبھی میری طلاق کروا دیتے ہیں اور کبھی کہتے ہیں بیٹی نے گھر سے نکال دیا، انہوں نے بتایا کہ انڈیا سے میری دوست کا فون آیا کہ آپ کی بیٹی آپ کو گھر سے کیسے نکال سکتی ہے۔
سینیئر اداکارہ کا کہنا تھا کہ ان یوٹیوبرز کا کام صرف اور صرف اداکاروں کی موت اور طلاقوں سے متعلق افواہیں پھیلانا ہے۔ اس لیے جو لوگ پڑھے لکھے ہیں، شعور رکھتے ہیں ایسے لوگوں کی باتوں پر یقین نہ کریں، اور ایسے لوگوں کو ویوز نہ دیں، ان کے چینلز کو مت کھولیں۔
واضح رہے کہ بشریٰ انصاری ایک لیجنڈ پاکستانی اداکارہ ہیں جو میڈیا انڈسٹری سے ایک طویل عرصے سے وابستہ ہیں۔ انہیں بیک وقت گلوکاری، تحریر اور میزبانی جیسی متعدد صلاحیتوں کے لیے بھی سراہا جاتا ہے۔ حال ہی میں کامیاب ہٹ ڈرامہ سیریل ’کبھی میں کبھی تم‘ میں ان کی نیچرل اداکاری کو بے حد پسند کیا گیا۔
یہ بھی پڑھیں: اسلام آباد بشریٰ انصاری کو اداس کیوں کر دیتا ہے؟
پاکستان کی اداکارہ بشریٰ انصاری بے پناہ ٹیلنٹ کی مظہر ہیں۔ وہ گانا، اداکاری اور لائیو پرفارم کر سکتی ہیں۔ ہر عمر کے لوگ ان سے محبت کرتے ہیں کیونکہ انہوں نے اپنی لازوال اداکاری کے ذریعے مداحوں کو گزشتہ کئی دہائیوں سے اپنے سحر میں جکڑا ہوا ہے۔
بشریٰ انصاری کے نام ان گنت ہٹ پروجیکٹس ہیں اور ان کے مداح ہمیشہ اس بات کے منتظر رہتے ہیں کہ وہ آگے کیا سائن کریں گی اور کس قسم کا کردار نبھائیں گی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بشریٰ انصاری پاکستانی ڈرامہ جھوٹے یوٹیوبرز ڈرامہ انڈسٹری فیک نیوز.ذریعہ: WE News
کلیدی لفظ: پاکستانی ڈرامہ فیک نیوز سے نکال
پڑھیں:
عاصم اظہر کا میرب علی اور علی سفینہ کی وائرل ویڈیو پر دلچسپ ردعمل
عاصم اظہر اور ہانیہ عامر کے ماضی کے تعلقات سوشل میڈیا پر اکثر موضوع بحث بنتے ہیں، حالانکہ دونوں نے اپنی زندگی میں آگے بڑھتے ہوئے عاصم نے میرب علی سے منگنی کر لی ہے۔ پھر بھی، ان کے ماضی کے بارے میں باتیں ختم نہیں ہوتیں۔ہانیہ اور میرب علی کی پرانی دوستی بھی انٹرنیٹ پر بے شمار ٹرولنگ کا سبب بنتی ہے، جو کبھی کبھار اس نوجوان جوڑے کو پریشانی کا سامنا کراتی ہے۔
حال ہی میں، علی سفینہ نے میرب علی کے سامنے ہانیہ اور عاصم کے ماضی پر مذاق کیا، جب انہوں نے سوال کیا کہ کیا عاصم کبھی میرب کے لیے ”ہانیا او دلجانیا“ گاتے ہیں؟ میرب نے بڑی شائستگی سے صورتحال کو سنبھالا، لیکن یہ لمحہ تھوڑا سا غیر آرام دہ ہوگیا اور سوشل میڈیا پر وائرل ہوگیا۔اس صورتحال پر عاصم اظہر نے حال ہی میں ایک انٹرویو میں گفتگو کی۔ جب ان سے پوچھا گیا کہ وہ کیسے اس وقت کا سامنا کرتے ہیں جب لوگ کبھی کبھار آپ کی ذاتی زندگی کی حدود پار کر جاتے ہیں، تو عاصم نے بڑی حکمت سے جواب دیا۔
انہوں نے کہا، ”ہر کسی کو اپنی پرائیویسی کا حق ہے، لیکن ایک بات کو تسلیم کرنا ضروری ہے۔ آج کے دور میں، اگر آپ اپنی زندگی سوشل میڈیا پر رکھتے ہیں تو آپ تنقید کے لیے کھلے ہوتے ہیں۔ اگر آپ اس صورتحال کا سامنا کرنے کے لیے ذہنی طور پر تیار نہیں ہیں تو پھر آپ نے اپنے آپ کو اس میں کیوں ڈالا؟“عاصم نے یہ بھی کہا کہ وہ جانتے ہیں کہ ایسا ہوتا ہے اور کبھی کبھار لائنز پار ہو جاتی ہیں، جو کہ ایک بری مثال قائم کرتی ہے۔
عاصم اظہر نے مزید کہا کہ وہ اہل بیت کے پیروکار ہیں اور ان کے رویے پر ایمان رکھتے ہیں۔ وہ سمجھتے ہیں کہ زیادہ نہ بولنا انسان کو بہت ساری برائیوں سے بچاتا ہے۔ وہ اپنے سننے کی صلاحیتوں کو بہتر بنانے کے خواہش مند ہیں، لیکن اس ایک تعلیم کو انہوں نے اپنی زندگی میں اپنایا ہے، جس کا مثبت اثر ان کی زندگی پر پڑا ہے۔عاصم کا کہنا ہے کہ وہ صرف ان لوگوں سے کھلتے ہیں جن سے انہیں محبت ہے، ورنہ وہ دور ہی رہتے ہیں۔
ٹرمپ کے دوسرے دورِ صدارت کے ہل چل سے بھرپور پہلے 100 دن