رمضان شوگر ملز ریفرنس: شہباز شریف، حمزہ کی بریت کی درخواست پر فیصلہ محفوظ
اشاعت کی تاریخ: 3rd, February 2025 GMT
لاہور (نیوز ڈیسک) لاہور کی اینٹی کرپشن عدالت نے رمضان شوگر ملز کرپشن کیس میں وزیراعظم شہباز شریف اور حمزہ شہباز کی بریت کی درخواست پر فیصلہ محفوظ کر لیا۔
اینٹی کرپشن عدالت کے جج سردار محمد اقبال ڈوگر نے وزیراعظم شہباز شریف اور حمزہ شہباز کے خلاف رمضان شوگر ملز ریفرنس پر سماعت کی، عدالت نے شہباز شریف اور حمزہ شہباز کی بریت کی درخواست پر فیصلہ محفوظ کر لیا، فیصلہ 6 فروری کو سنایا جائے گا۔
شہباز شریف اور حمزہ شہباز کے وکیل امجد پرویز نے موقف اختیار کیا کہ رکن پنجاب اسمبلی مولانا رحمت اللہ کی درخواست پر گندے نالے کے لیے ڈائریکیٹو جاری کیا گیا، اس پراجیکٹ کو پنجاب اسمبلی نے منظور کیا، ڈائریکٹو کے اجراء میں حمزہ شہباز کا کوئی کردار نہیں مفروضوں پر بات نہیں ہو سکتی، انجنئیر نے یہ نتیجہ نکالا تھا کہ گندہ نالہ رمضان شوگر ملز کو فائدہ دینے کے لیے بنایا گیا ہے، یہ کیس سیاسی بنیادوں پر بنایا گیا ہے اس میں گواہوں کو طلب کرنے کی ضرورت نہیں۔
پراسیکیوشن کے وکیل محمد وسیم نے دلائل میں کہا کہ ہمارے پاس کوئی ایسا گواہ نہیں ہے جسے پیش کرنا ہے، تمام گواہان کے بیانات ریکارڈ ہو چکے ہیں، تمام شواہد فائل کے ساتھ لگائے ہوئے ہیں، اس کیس میں سات گواہان کے بیانات ریکارڈ کیے گئے ہیں، مدعی ذوالفقار علی نے بیان ریکارڈ کروایا ہے کہ اس نے کوئی درخواست نہیں دی، مدعی نے بیان دیا کہ 1991 میں گندہ نالہ اپنے خرچ پر بنانے کا حلف نامہ سے متعلق کوئی علم نہیں ہے۔
عدالت نے سرکاری وکیل سے مکالمے میں کہا ہے کہ آپ کیا کہتے ہیں کہ کیا دوسرے گواہوں کے بیانات ہونے چاہئیں یا نہیں؟ سرکاری وکیل نے کہا کہ اس میں جو متعلقہ ایم پی اے تھے وہ فوت ہو گئے ہیں، اس میں تمام گواہ سرکاری ہیں، اس کیس میں بہت سے گواہ غیر متعلقہ ہیں، میرے حساب سے تو نالے کا روٹ تو صحیح بنا ہوا ہے۔
بعدازاں عدالت میں سرکاری وکیل کی جانب سے دلائل مکمل کر لیے گئے اور عدالت نے کیس کی سماعت 6 فروری تک ملتوی کردی، عدالت نے شہباز شریف اور حمزہ شہباز کی بریت کی درخواست پر فیصلہ محفوظ کر لیا، فیصلہ 6 فروری کو سنایا جائے گا۔
.ذریعہ: Daily Mumtaz
کلیدی لفظ: شہباز شریف اور حمزہ شہباز رمضان شوگر ملز عدالت نے
پڑھیں:
سیکٹر ای 11 میں زمین کی مبینہ خردبرد، غیر قانونی الاٹمنٹ؛ 9ملزمان کیخلاف نیب ریفرنس دائر
اسلام آباد:وفاقی دارالحکومت کے سیکٹر ای 11 میں زمین کی مبینہ خردبرد اور غیر قانونی الاٹمنٹ کے کیس میں نیب نے 9 ملزمان کے خلاف ریفرنس دائر کر دیا۔
ملزمان کی فہرست میں متعلقہ پٹواری، سی ڈی اے کے متعلقہ سابق افسران و دیگر اہم ملزمان شامل ہیں۔
سابق ڈائریکٹر لینڈ سی ڈی اے خالد محمود، شائستہ سہیل، راجہ زاہد حسین، سید غلام حسام الدین، سید غلام نجم الدین گیلانی، سید غلام شمس الدین گیلانی، سید غلام نظام الدین گیلانی اور سید غلام محی الدین گیلانی ملزمان میں شامل ہیں۔
رجسٹرار آفس نے غیر قانونی زمین الاٹمنٹ ریفرنس کی اسکروٹنی شروع کر دی جس کے بعد ریفرنس کو سماعت کے لیے عدالت میں بھیجا جائے گا۔
نیب کی جانب سے دائر کیا گیا ریفرنس 8 صفحات پر مشتمل ہے۔
دائر ریفرنس کے مطابق اتھارٹی نے ایک سورس رپورٹ کی بنیاد پر غیر قانونی الاٹمنٹ کا نوٹس لیا، جس میں سید غلام حسن الدین اور دیگر افراد کو سیکٹر ای الیون میں سرکاری زمین کی غیر قانونی الاٹمنٹ کا مرتکب قرار دیا گیا۔
انکوائری 20 اپریل 2016 کو منظور کی گئی جسے 8 جون 2018 کو باقاعدہ تفتیش میں تبدیل کر دیا گیا۔
سی ڈی اے کے سابق افسران نے غیرقانونی طور پر ملزمان کو سرکاری زمین الاٹ کی اور اس کے بدلے فوائد حاصل کیے۔
دوران تفتیش 21 فروری 2024 کو غلام حسام الدین اور دیگر تین پرائیویٹ خواتین نے پلی بار گین کے لیے درخواست دی، جس سے ملزمان کا قصور ثابت ہوتا ہے۔ ریکارڈ کے مطابق یہ کرپشن اور کرپٹ پریکٹس کا کیس بنتا ہے۔
ریفرنس میں استدعا کی گئی ہے کہ ملزمان کا ٹرائل کرکے سزا دی جائے۔
نام ای سی سی ایل میں ڈالنے کا حکم معطل
اسلام آباد ہائی کورٹ نے گولڑہ شریف دربار کے تین فیملی ممبران کے نام ای سی سی ایل میں ڈالنے کا حکم معطل کر دیا۔
گولڑہ شریف دربار کے فیملی ممبران کے نام ای سی ایل سے نکالنے اور نیب تحقیقات کے خلاف کیس کی سماعت ہوئی۔
جسٹس محسن اختر کیانی نے حکم دیا کہ ان کو اکتوبر کی تاریخ دے دیں تب تک نام ای سی ایل میں شامل کرنے کا حکم معطل رہے گا۔
نیب پراسیکیوٹر نے ای الیون زمین خرد برد کیس سے متعلق پیش رفت سے عدالت کو آگاہ کرتے ہوئے کہا کہ تحقیقات کے بعد نیب نے ملزمان کے خلاف ریفرنس احتساب عدالت میں دائر کر دیا ہے۔
گولڑہ شریف و دیگر کی نیب تحقیقات کے خلاف مرکزی کیس 28 اپریل کو سماعت کے لیے مقرر کر دیا گیا۔ جسٹس محسن اختر کیانی نے ریمارکس دیے کہ آئندہ سماعت پر حتمی دلائل دیں، 28 اپریل تک پیش رفت رپورٹ سے آگاہ کریں۔
ای سی ایل میں نام شامل کرنے کے خلاف کیس ڈویژن بینچ میں مقرر ہونے پر عدالت نے حیرت کا اظہار بھی کیا۔
جسٹس محسن اختر کیانی نے ریمارکس دیے کہ یہ ای سی ایل کا کیس ڈویژن بینچ میں کیسے آگیا ہے، اب روز ایسے ہوتا ہے کیس سنگل بینچ کا ہوتا ہے لگ کہیں اور جاتا ہے، ہم پھر انتظامی سائیڈ پر لکھتے ہیں، پہلے چھ صفحات لکھے اور پھر 11 لکھے ہیں۔
زمین خرد برد پر نیب تحقیقات اور کارروائی سے متعلق ڈویژن بینچ نے اہم ریمارکس بھی دیے۔
جسٹس محسن اختر کیانی نے ریمارکس دیے کہ آپ لوگوں کو شوق ہے کہ ایسی کارروائی کی جائے تاکہ لوگ عدالتوں میں آئیں، نیب اسی طرح لوگوں کے ساتھ ظلم کرتا رہا ہے، پھر دو ترامیم آگئیں اور نیب کا اختیار ہی سارا ختم ہوگیا۔
جسٹس محسن اختر کیانی نے استفسار کیا کہ کیا اس ریفرنس سے پہلے سی ڈی اے والے گرفتار کیے ہیں؟ نیب پراسیکیوٹر نے بتایا کہ نہیں ہم نے سی ڈی اے سے کسی کو گرفتار نہیں کیا۔ جسٹس محسن اختر کیانی نے ریمارکس دیے کہ پھر کیسے چیزیں پوری کی ہیں اور ثبوت کہاں سے آئے۔
جسٹس سردرا اعجاز اسحاق نے ریمارکس دیے کہ ہر سول چیز کو آپ نے اٹھا کے کریمنل میں ڈال دیا ہے، جو سول کیس ہوتا ہے نیب اسے کریمنل کیس بنا دیتا ہے۔ جسٹس محسن اختر کیانی نے ریمارکس میں کہا کہ لوگوں سے زمینیں لے کر متبادل زمینیں دینے کے بجائے ان کے خلاف کارروائی شروع ہوگئی۔
عدالت نے استفسار کیا کہ اگر عدالت یہ کہہ دے کہ سی ڈی اے نے غلط کیا ہے تو کیا ہوگا۔
ہائیکورٹ نے نیب تحقیقات کے خلاف مرکزی کیس پر آئندہ سماعت کے لیے دلائل طلب کر لیے۔ جسٹس محسن اختر کیانی اور جسٹس سردار اعجاز اسحاق خان نے احکامات جاری کیے۔
گولڑہ شریف فیملی، متاثرین کی جانب سے وکیل علی بخاری، قیصر امام و دیگر عدالت میں پیش ہوئے جبکہ سی ڈی اے حکام اور نیب حکام بھی عدالت میں پیش ہوئے۔
عدالت نے نیب تحقیقات کے خلاف مرکزی کیس کی سماعت 28 اپریل تک ملتوی کر دی۔
ویزوں کے مسائل حل، یو اے ای جانے کے خواہشمند افراد کیلئے بڑی خوشخبری