بل گیٹس اپنے بچوں کیلئے کتنی دولت چھوڑ کر جائیں گے؟
اشاعت کی تاریخ: 3rd, February 2025 GMT
بل گیٹس اپنے بچوں کیلئے کتنی دولت چھوڑ کر جائیں گے؟ WhatsAppFacebookTwitter 0 3 February, 2025 سب نیوز
مائیکرو سافٹ کے شریک بانی بل گیٹس عرصے سے فلاحی کاموں کے لیے اپنی دولت عطیہ کر رہے ہیں، مگر وہ اب تک کتنے ارب ڈالرز عطیہ کرچکے ہیں؟
اس سوال کا جواب انہوں نے ایک انٹرویو کے دوران دیا۔
برطانوی میڈیا کو دیے گئے انٹرویو میں بل گیٹس نے بتایا کہ وہ اپنے فلاحی ادارے سمیت دیگر منصوبوں پر اب تک کتنی رقم عطیہ کرچکے ہیں تاکہ امراض کی روک تھام اور غربت کی شرح کو یقینی بنایا جاسکے۔
انہوں نے بتایا کہ میں اب تک 100 ارب ڈالرز سے زائد رقم اس مقصد کے لیے خرچ کرچکا ہوں مگر میں اپنی مزید دولت فلاحی کاموں پرخرچ کرنا چاہتا ہوں۔
یعنی بل گیٹس اب تک بیلجیئم کی معیشت جتنی رقم فلاحی کاموں پر خرچ کرچکے ہیں۔
برطانوی میڈیا کو دیے گئے انٹرویو میں انہوں نے بتایا کہ 60 ارب ڈالرز انہوں نے اب تک اپنے ادارے کو دیے جبکہ باقی رقم دیگر منصوبوں پر خرچ کی۔
بل گیٹس نے بتایا کہ 100 ارب ڈالرز سے زائد رقم فلاحی کاموں پر خرچ کرنے کے باوجود ان کے روزمرہ کے طرز زندگی میں کوئی تبدیلی نہیں آٗئی۔
ان کا کہنا تھا کہ میں نے کوئی ذاتی قربانی نہیں دی، میں نے کسی قسم کی کمی محسوس نہیں کی، اب بھی میں نجی طیارے اور دیگر آسائشات سے لطف اندوز ہو رہا ہوں۔
مائیکرو سافٹ کے شریک بانی اپنی دولت کا زیادہ تر حصہ عطیہ کرنے کی منصوبہ بندی کرچکے ہیں مگر ان کے تینوں بچوں کے حصے میں کیا آئے گا؟
انٹرویو میں جب پوچھا گیا کہ جب وہ دنیا سے چلے جائیں گے تو کیا ان کے بچے غریب ہو جائیں گے؟ تو بل گیٹس نے جواب دیا کہ وہ تینوں کے لیے مناسب رقم چھوڑ کر جائیں گے۔
ان کا کہنا تھا کہ ایسا نہیں ہوگا، میں ان کے نام بہت زیادہ رقم تو نہیں کروں گا مگر انہیں کوئی کمی محسوس نہیں ہوگی۔
بلومبرگ بلین ائیر انڈیکس کے مطابق بل گیٹس 160 ارب ڈالرز سے زیادہ کے مالک ہیں تو بچوں کے لیے اس میں سے کچھ فیصد دولت بھی کافی زیادہ ہوگی۔
انٹرویو میں انہوں نے کہا کہ ان کے خیال میں بچوں کو سوشل میڈیا سے تحفظ فراہم کیا جانا چاہیے اور آسٹریلیا کی جانب سے 16 سال سے کم عمر بچوں کے لیے سوشل میڈیا کے استعمال پر پابندی عائد کرنے کا فیصلہ عقلمندانہ ہے۔
ان کا کہنا تھا کہ سوشل میڈیا نیٹ ورکس پر آپ کا بہت زیادہ وقت ضائع ہوتا ہے جبکہ آپ فکرمند رہتے ہیں کہ دیگر آپ کی شخصیت کے بارے میں کیا سوچتے ہیں۔
ذریعہ: Daily Sub News
کلیدی لفظ: انٹرویو میں فلاحی کاموں نے بتایا کہ کرچکے ہیں ارب ڈالرز جائیں گے انہوں نے عطیہ کر بل گیٹس کے لیے
پڑھیں:
فیروز خان کے عالمی منصوبوں سے متعلق بیان پر سوشل میڈیا صارفین کی تنقید
فیروز خان کے بین الاقوامی منصوبوں سے متعلق بیان پر سوشل میڈیا صارفین کا شدید ردعمل سامنے آگیا۔
پاکستان کے معروف اداکار فیروز خان ایک بار پھر خبروں کی زینت بن گئے ہیں، اپنے متنازع بیانات اور منفرد انداز کے باعث وہ اکثر و بیشتر میڈیا اور سوشل میڈیا پر چھائے رہتے ہیں، اس بار ان کی خبروں میں آنے کی وجہ ایک بین الاقوامی انٹرویو ہے، جس میں انہوں نے اپنے عالمی سطح پر ملنے والے منصوبوں پر بات کی۔
اداکار نے دعویٰ کیا کہ انہیں متعدد بین الاقوامی فلموں اور منصوبوں کی آفرز موصول ہو رہی ہیں۔
انٹرویو میں اداکار کے اندازِ گفتگو، لہجے اور دعوؤں نے سوشل میڈیا صارفین کو بھڑکا دیا، ان کے انگریزی لہجے کو جعلی اور اندازِ گفتگو کو خود پسندانہ قرار دیا جا رہا ہے، کئی صارفین نے سخت الفاظ میں ان پر تنقید کی۔
ایک صارف نے کہا خدارا، کوئی ان کی مدد کرے، یہ شخص شدید نارسیسسٹک (خود پسندی) کا شکار ہے، ایک اور نے کہا کہ اس کی تھراپی کا خرچ میں دے دیتا ہوں، بس کسی ماہرِ نفسیات کے پاس لے جائیں۔
ایک اور صارف نے لکھا کہ جب بھی پاکستانی فنکاروں کو مقامی سطح پر کام نہیں ملتا، وہ بھارت یا کسی بین الاقوامی ملک کی طرف رخ کر لیتے ہیں اور جھوٹے دعوے کرنے لگتے ہیں۔
بعض کا کہنا ہے کہ کیا یہ صرف مجھے لگتا ہے یا واقعی ہر کوئی ایک سطحی، بناوٹی اور خود پر فخر کرنے والا شخص دیکھ رہا ہے؟
یہ پہلا موقع نہیں کہ فیروز خان کو عوامی تنقید کا سامنا کرنا پڑا ہو، اس سے قبل بھی وہ کئی بار اپنے بیانات، ازدواجی زندگی کے تنازعات اور دیگر حرکات کی وجہ سے میڈیا کی توجہ کا مرکز بن چکے ہیں۔
Post Views: 1
شمالی وزیرستان میں تیل و گیس کا نیا ذخیرہ دریافت