شہرقائد میں نامعلوم سمت سے چلنے والی گولیاں لگنے سے 3 افراد زخمی
اشاعت کی تاریخ: 3rd, February 2025 GMT
کراچی:
شہر قائد کے مختلف علاقوں میں نامعلوم سمت سے آنے والی گولیاں لگنے سے 3 افراد زخمی ہوگئے، جنہیں مختلف اسپتالوں میں طبی امداد دی گئی۔
ایس ایچ او ملیر سٹی انسپکٹر اخلاق نے بتایا کہ ملیر سٹی میں امام بارگاہ کے قریب کھوکھراپار میں نامعلوم سمت سے گولی لگنے سے ایک شخص زخمی ہوگیا، جسے طبی امداد کے لیے اسپتال منتقل کیا گیا۔زخمی کی شناخت 25 سالہ طالب حیدر کے نام سے ہوئی۔
ایس ایچ او لانڈھی نے بتایا کہ لانڈھی نمبر ایک جوبلی اسنیک کے قریب نامعلوم سمت سے گولی لگنے سے ایک شخص ہوگیا۔زخمی کو طبی امداد کے لیے اسپتال منتقل کیا گیا۔زخمی کی شناخت 25 سالہ شیراز سے ہوئی۔
ایس ایچ او سچل نے بتایا کہ عباس ٹاؤن امام بارگاہ کے قریب نامعلوم سمت سے گولی لگنے سے ایک شخص زخمی ہوگیا۔زخمی کو طبی امداد کے لیے اسپتال منتقل کیا گیا۔زخمی کی شناخت 65 سالہ محمد حسن سے ہوئی۔
پولیس نے تمام واقعات کی تفتیش شروع کردی ہے۔
.ذریعہ: Express News
کلیدی لفظ: نامعلوم سمت سے لگنے سے
پڑھیں:
پشاور میں فائرنگ سے زخمی ہونے والی مذہبی شخصیت دوران علاج جاں بحق
پشاور کے علاقے پشتخرہ اچینی میں نامعلوم افراد کی فائرنگ سے زخمی ہونے والے قاری شاہد بھی جاں بحق ہوگئے۔
ایکسپریس نیوز کے مطابق گزشتہ ہفتے پشتخرہ اچینی میں مولانا اعجاز عابد کو ساتھی سمیت دو ملزمان نے فائرنگ کا نشانہ بنایا تھا جس کے نتیجے میں اعجاز عابد جاں بحق اور قاری شاہد شدید زخمی ہوئے تھے۔
قاری شاہد کو شدید زخمی حالت میں اسپتال منتقل کیا گیا جہاں وہ زیر علاج رہے اور دوران علاج چل بسے۔
قاری شاہد کی نماز جنازہ سفید ڈھیری جنازہ گاہ نوی کلی میں ادا کی گئی جس میں پشاور بھر سے اہل سنت والجماعت انٹرنیشنل ختم نبوت اور جے یو ائی کے کارکنوں مدارس کے طلبا سمیت شہریوں کی بڑی تعداد نے شرکت کی۔
اس موقع پر اہل سنت والجماعت کے رہنماؤں سمیت دیگر مذہبی شخصیات نے خطاب کرتے ہوئے کہا کہ ہم پر امن لوگ ہیں علماء کے پے درپے جنازے کب تک اٹھاتے رہیں گے، ہم کسی صورت علماء کے خون کو رائیگاں جانے نہیں دیں گے۔
انہوں نے کہا کہ سیکیورٹی ادارے علماء کے قاتلوں کو گرفتار کریں اور فوری طور پر ان کو کیفر کردار تک پہنچا کر سزائیں دیں تاکہ علماء کہ حلقوں میں پیدا ہونے والی تشویش کی لہر ختم ہو سکے۔
سینیٹر تاج حیدر کون تھے؟