شہری کو یرغمال بنا کر تشدد کرنے والے 6 ملزمان گرفتار
اشاعت کی تاریخ: 3rd, February 2025 GMT
لاہور میں پولیس نے انٹیلیجنس بیسڈ کارروائی کرتے ہوئے شہری کو یرغمال بنا کر تشدد کرنے والے 6 ملزمان کو گرفتار کرلیا۔
لاہور میں چونگ پولیس نے 6 ملزمان کو اتحاد ٹاؤن سے گرفتار کیا۔ شہری ایمیگریشن وکیل کے طور پر کام کرتا ہے۔ ملزمان نے شہری کو پراپرٹی آفس میں یرغمال بنایا۔ تشدد کرتے رہے اور جان سے مارنے کی دھمکیاں دیتے رہے۔ ملزمان نے شہری کے والد کو کال کرکے دھمکایا اور اس سے کام چھوڑنے کا مطالبہ کرتے رہے۔
ملزمان میں محسن علی،ارسلان ، محمد وارث، عثمان، شاہد امین اور محمد عمران شامل ہیں۔ پولیس نے ملزمان سے ناجائز اسلحہ اور گولیاں برآمد کرکے مقدمہ درج کرلیا۔ ایس پی صدر ڈاکٹر غیور احمد خان کا کہنا ہے کہ قانون کو ہاتھ میں لینے والے کسی رعایت کے مستحق نہیں۔
.ذریعہ: Express News
پڑھیں:
کراچی: عزیز بھٹی پولیس کا طالب علم پر تشدد، رقم چھین لی، ڈکیت ظاہر کرنے کی دھمکی
کراچی:عزیز بھٹی پولیس نے طالب علم کو چیکنگ کے بہانے روک کر ڈکیت ظاہر کرنے کی کوشش کی، پانچ ہزار روپے اور قومی شناختی کارڈ بھی چھین لیا، ایس پی گلشن اقبال نے واقعے کی تحقیقات کا حکم دے دیا۔
ایکسپریس نیوز کے مطابق قانون کے رکھوالے ہی قانون کی دھجیاں اڑانے لگے، عزیز بھٹی تھانے کی حدود میں تعینات شاہین فورس کے اہل کاروں نے موٹر سائیکل سوار طالب علم کو چیکنگ کے بہانے روک کر نہ صرف تشدد کا نشانہ بنایا بلکہ طالب علم کو ڈکیت ظاہرکرنے کے بعد ہاتھ میں اسلحہ تھما کر اس کا موبائل فون سے جھوٹا بیان بھی ریکارڈ کرلیا۔
شاہین فورس کے اہل کار طالب علم پر گھناؤنے الزام بھی عائد کرتے ہوئے پولیس مقابلے میں جان سے مارنے کی دھمکیاں دیتے رہے۔ شاہین فورس کے اہلکاروں نے طالب علم کے پاس موجود پانچ ہزار روپے اور قومی شناختی کارڈ بھی چھین لیا، طالب علم سے دو لاکھ روپے بھی منگوائے اور رقم نہ دینے کی صورت میں جان سے مارنے کی دھمکیاں بھی دیں۔
موبائل فون پر طالب علم کے والد سے بات کرنے کے بعد طالب علم کو جانے کی اجازت دیتے ہوئے کہا کہ اگر کسی کو کچھ بتایا تو تمہیں چھوڑیں گے نہیں۔
قائم مقام ایس پی گلشن اقبال نے شکایت موصول ہونے پر شاہین فورس کے دونوں اہل کاروں کو معطل کرکے ان کے خلاف انکوائری کا حکم دے دیا۔
مقبوضہ کشمیر: نامعلوم افراد کی سیاحتی مقام پر فائرنگ سے متعدد افراد زخمی، ہلاکتوں کا خدشہ