مادھوری سلمان خان کی بھابھی بنتے بنتے کیوں رہ گئیں؟
اشاعت کی تاریخ: 3rd, February 2025 GMT
سورج برجاتیا کی 1999 میں ریلیز ہونے والی فلم ”ہم ساتھ ساتھ ہیں“ آج بھی ناظرین کے درمیان اپنی مقبولیت برقرار رکھے ہوئے ہے۔ یہ فلم سلمان خان اور سونالی باندرے کی مرکزی جوڑی کے ساتھ سیف علی خان، کرشمہ کپور، مونیش بہل اور تبو جیسے مشہور اداکاروں کی شاندار کاسٹ پر مشتمل ہے۔
فلم کا فیملی ڈرامہ اور گانوں کے ذریعے ناظرین پر گہرا اثر رہا ہے، اور آج بھی یہ ٹی وی اور او ٹی ٹی پلیٹ فارمز پر دیکھی جاتی ہے۔
حالیہ دنوں میں سورج برجاتیا نے ایک انٹرویو میں بتایا کہ مادھوری ڈکشٹ نے اس فلم میں کام کرنے کی خواہش ظاہر کی تھی اور سلمان خان کی ’بھابھی‘ کا کردار ادا کرنے کے لیے تیار تھیں۔
تاہم، سورج برجاتیا اس پر ہچکچاہٹ کا شکار تھے کیونکہ وہ سمجھتے تھے کہ مادھوری اور سلمان خان کی جوڑی ”ہم آپ کے ہیں کون“ میں بہت مشہور ہو چکی تھی اور ناظرین کے لیے انہیں دیوراور بھابھی کے طور پر قبول کرنا مشکل ہو سکتا تھا۔
سورج برجاتیا نے مزید کہا کہ انہوں نے مادھوری سے کہا کہ اگر وہ سلمان کے مقابل آئیں گی تو ان کا کردار مختصر ہو گا اور اگر وہ مونیش بہل کے ساتھ کام کریں گی تو انہیں سلمان کی بھابھی بننا پڑے گا۔
مادھوری نے خوش دلی سے کہا کہ انہیں اس سے کوئی فرق نہیں پڑتا اور وہ کام کے مزے کو اہمیت دیتی ہیں۔ مگر سورج برجاتیا نے آخرکار تبو کو یہ کردار دے دیا کیونکہ ان کا سلمان خان کے ساتھ کوئی رومانوی ماضی نہیں تھا۔
سورج برجاتیا نے اپنی کئی مشہور فلموں میں سلمان خان کے ساتھ کام کیا، جیسے کہ ”ہم آپ کے ہیں کون“ اور ”ہم ساتھ ساتھ ہیں“، لیکن جب ”ویواہ“ کی باری آئی تو انہوں نے سلمان کے بجائے شاہد کپور کو منتخب کیا۔
اس کا سبب یہ تھا کہ سورج چاہتے تھے کہ فلم میں معصومیت اور کم عمری کا تاثر دیا جائے، اور اس لیے شاہد کپور اور امرتا راؤ کی جوڑی کو کاسٹ کیا۔
یہ دلچسپ بات ہے کہ اگر مادھوری ڈکشٹ ”ہم ساتھ ساتھ ہیں“ کا حصہ بن جاتیں تو اس فلم کا منظرنامہ اور کہانی کا رخ شاید کچھ اور ہوتا، اور مداحوں کے لیے یہ ایک نیا تجربہ ہوتا۔
.ذریعہ: Daily Mumtaz
کلیدی لفظ: کے ساتھ
پڑھیں:
سعودی ولی عہد محمد بن سلمان سے شامی صدر کی ملاقات، دونوں ملکوں میں کیا طے پایا؟
سعودی ولی عہد شہزادہ محمد بن سلمان سے شام کے عبوری صدر احمد الشرع نے ملاقات کی ہے۔
سعودی خبر رساں ادارے کے مطابق، احمد الشرع کا صدر بننے کے بعد یہ پہلا غیرملکی دورہ ہے۔ وہ گزشتہ روز سعودی عرب پہنچے تھے جہاں ان کا استقبال ریاض کے ڈپٹی گورنر شہزادہ محمد بن عبدالرحمان بن عبدالعزیز نے کیا۔ شام کے وزیر خارجہ اسد الشیبانی بھی صدر احمد الشرع کے ہمراہ تھے۔
یہ بھی پڑھیں: شام کا آئین معطل، احمد الشرع عبوری صدر نامزد
قبل ازیں شام کی سرکاری خبر رساں ایجنسی سانا کے مطابق منصب سنبھالنے کے بعد صدر نے اپنے پہلے غیرملکی دورے کے لیے سعودی عرب کا انتخاب کیا۔
ولی عہد محمد بن سلمان سے ملاقات کے بعد صدر احمد الشرع نے کہا کہ سعودی ولی عہد سے ملاقات ظاہر کرتی ہے کہ سعودی عرب شام کا مستقبل تعمیر کرنے کی حقیقی خواہش رکھتا ہے۔ انہوں نے بتایا کہ ملاقات میں سعودی عرب کی جانب سے شام میں توانائی، ٹیکنالوجی، تعلیم اور صحت کے شعبوں میں تعاون سے متعلق منصوبوں پر بات چیت کی گئی۔
یہ بھی پڑھیں: شام میں ابتک کی اہم گرفتاری، بشارالاسد کا بھروسہ مند کزن اور فوجی افسر پکڑا گیا
قطری نشریاتی ادارے ’الجزیرہ‘ کے مطابق، شام کے صدر احمد الشرع نے اپنے پہلے غیرملکی دورے کے لیے سعودی عرب کا اس لیے انتخاب کیا تاکہ سعودی عرب کو باور کرایا جاسکے کہ شام اسے کس قدر اہمیت دیتا ہے۔
واضح رہے کہ گزشتہ ہفتے سعودی عرب کے وزیر خارجہ شہزادہ فیصل بن فرحان نے شام کا دورہ کیا تھا اور کہا تھا کہ شام پر سے پابندیاں ہٹانے کے لیے سعودی عرب امریکا اور یورپی ممالک سے مسلسل بات چیت کررہا ہے۔
احمد الشرع کو بدھ کے روز شام کا عبوری صدر نامزد کیا گیا تھا، ان کی جماعت ہئیت تحریر الشام دسمبر میں بشار الاسد کا تختہ الٹنے والی اپوزیشن فورسز کی قیادت کرہی تھی۔ سعودی عرب کے شاہ سلمان اور ولی عہد شہزادہ محمد بن سلمان نے سب سے پہلے الشرع کو ان کی سرکاری تقرری پر مبارکباد دی تھی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews احمد الشرع تعاون دورہ سعودی ولی عہد محمد بن سلمان شام صدر ملاقات وزیر خارجہ
جماعت اسلامی ضلع شرقی کے ذمےداران کا تقرر