بھارتی فلموں کی پیشکش کے باوجود کام کیوں نہ کیا، اداکارہ نادیہ افگن نے بتا دیا
اشاعت کی تاریخ: 3rd, February 2025 GMT
پاکستانی شوبز انڈسٹری کی سینئر اداکارہ نادیہ افگن کا کہنا ہے کہ بھارت میں کسی بھی کردار کی آفر ہوئی تو وہ ضرور کریں گی۔
حال ہی میں اداکارہ نادیہ افگن نے نجی ٹی وی کے شو میں شرکت کی جس میں انہوں نے مختلف موضوعات پر کھل کر بات کی۔ میزبان نے ان سے سوال کیا کہ اگر انہیں بھارت سے کسی ڈرامے یا فلم کی آفر آتی ہے تو وہ کریں گی جس کے جواب میں اداکارہ کہتی ہیں کہ ضرور کریں گی کیونکہ وہ ایک آرٹسٹ ہیں اور فن کی کوئی سرحد نہیں ہوتی۔
انہوں نے کہا کہ انڈیا کے پاس کچھ بہترین اداکار بھی ہیں جن میں شاہ رخ خان، کونکنا و دیگر شامل ہیں اور وہ کام بھی ورسٹائل قسم کا کرتے ہیں۔ساتھ ہی ان کا کہنا تھا کہ وہ شاہ رخ خان کے ساتھ کام کرنا پسند کریں گی۔
نادیہ افگن نے مزید کہا کہ انہیں بھارتی پنجابی فلموں کی پیشکش ہوئی تھی لیکن کبھی فلم کرنے کے حوالے سے بات نہیں بن پائی، کیونکہ کچھ مسائل تھے۔ ان کے والد بھی بیمار تھے اس لیے وہ بھارت نہیں جا سکیں۔
یہ بھی پڑھیں: نادیہ افگن کی یمنٰی زیدی پر تنقید، نادیہ جمیل کا کرارا جواب
اداکارہ کا کہنا تھا کہ سونم باجوہ ان کی پسندیدہ اداکارہ ہیں، وہ ان کی دوست بھی ہیں، اور ان کی دوستی سوشل میڈیا کے ذریعے ہوئی۔ نادیہ افگن نے بتایا کہ ایک بار سونم نے ’سنو چندا‘ پر ویڈیو بنائی تھی جس پر اداکارہ نے ان کا شکریہ ادا کیا تھا جس کے بعد وہ دوست بن گئے۔
نادیہ افگن کا کہنا تھا خلیل الرحمان قمر کے ساتھ کسی صورت کام کرنا پسند نہیں کریں گی اور یہ بات وہ پہلے بھی کر چکی ہیں۔
یہ بھی پڑھیں: خلیل الرحمان قمر کے ساتھ ڈرامہ کرنے سے متعلق سوال پر نادیہ خان نے کیا جواب دیا؟
نادیہ افگن ایک زبردست پاکستانی ٹیلی ویژن اداکارہ ہیں جنہوں نے متعدد ہٹ ڈراموں میں پرفارم کیا۔ ان کے کئی قابل ذکر پراجیکٹس ہیں جن میں افسر بیکار خاص، رد، سنو چندا، کابلی پلاؤ، کالا ڈوریا،جفا اور دیگر شامل ہیں۔ اس وقت وہ تن من نیل او نیل میں کام کر رہی ہیں اور سحر خان کی والدہ کا کردار نبھا رہی ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بالی ووڈ پاکستانی ڈرامے شاہ رخ خان نادیہ افگن.ذریعہ: WE News
کلیدی لفظ: بالی ووڈ پاکستانی ڈرامے شاہ رخ خان کا کہنا کریں گی
پڑھیں:
پاکستانی اداکار کا راکھی کو شادی کی پیشکش، پھر اچانک انکار! اصل وجہ کیا؟
پاکستانی اداکار اور بزنس مین دودی خان نے بھارتی اداکارہ راکھی ساونت سے شادی کرنے سے انکار کر دیا۔
یہ فیصلہ اس وقت سامنے آیا جب راکھی نے دعویٰ کیا تھا کہ انہیں پاکستان سے شادی کی پیشکش ہوئی ہے، اور انہوں نے دودی خان کا نام لیا تھا۔
چند روز قبل راکھی ساونت نے بھارتی میڈیا کو دیے گئے انٹرویو میں کہا تھا کہ انہیں پاکستان سے بہت سے رشتے آئے ہیں، لیکن انہوں نے دودی خان کو چنا ہے کیونکہ وہ اداکار ہونے کے ساتھ ساتھ پولیس افسر بھی ہیں۔
تاہم، اب دودی خان نے ایک بیان میں واضح کیا کہ وہ راکھی سے شادی نہیں کریں گے۔ ان کا کہنا تھا، "میں نے راکھی کو اس لیے پروپوز کیا تھا کیونکہ وہ خدا سے محبت کرتی ہیں اور اپنی زندگی میں کئی مشکلات کا سامنا کر چکی ہیں۔"
انہوں نے مزید کہا، "مجھے لگتا ہے کہ میرا یہ پروپوزل لوگوں کو قبول نہیں، بہت سی مخالفت ہوئی جسے میں برداشت نہیں کر سکتا۔ اس لیے میں شادی نہیں کر سکتا، مگر راکھی پاکستان کی بہو ضرور بنیں گی۔ میں ان کی شادی اپنے بھائیوں میں سے کسی ایک سے کروا دوں گا۔"
دودی خان کے اس بیان کے بعد سوشل میڈیا پر ملا جلا ردعمل دیکھنے میں آ رہا ہے۔ کچھ صارفین نے ان کے فیصلے کو عقلمندی قرار دیا، جبکہ کچھ نے انہیں مذاق بنانے پر تنقید کا نشانہ بنایا۔
بُک شیلف