ملک کے چند مقامات پر تیز ہواؤں کے ساتھ بارش ،پہاڑوں پر برفباری کا امکان ہے، محکمہ موسمیات
اشاعت کی تاریخ: 3rd, February 2025 GMT
لاہور(نیوزڈیسک)ملک کے بیشتر علاقوں میں تیز ہواؤں کے ساتھ بارش اور برفباری کا امکان ہے ،محکمہ موسمیات کے مطابق آج ملک کے بیشتر علاقوں میں موسم سرد اور خشک رہے گا،
شمال مغر بی بلوچستان میں چند مقامات پر ہلکی بارش اور پہاڑوں پر برفباری،خیبر پختونحوا اور گلگت بلتستان میں بھی چند مقامات پر ہلکی بارش اور برفباری کی پیشگوئی کی گئی ہے، اسلام آباد اور گرد و نواح میں موسم سرد اور خشک رہنے کی توقع ہے۔
بلوچستان کے بیشتر اضلاع میں موسم سرد اور خشک جبکہ شمالی اضلاع میں شدید سرد رہے گا۔ تاہم شمال مغربی اضلاع میں مطلع جزوی ابرآلود رہنے کے علاوہ کوئٹہ، زیارت، پشین، ژوب، مستونگ، چاغی اور قلات میں چند مقامات پر تیز ہواؤں کے ساتھ ہلکی بارش اور ہلکی برفباری کا امکان ہے۔
پنجاب کے بیشتر اضلاع میں موسم سرد اور خشک جبکہ مری، گلیات اور گرد و نواح میں موسم شدید سرد رہنے کی توقع ہے۔ سندھ کے بیشتر اضلاع میں موسم خشک اور سرد رہے گا۔
خیبرپختونخوا کے بیشتر اضلاع میں موسم سرد اور خشک رہنے کا امکان ہے تاہم رات کے اوقات میں چترال، دیر، سوات، کو ہستان، بٹگرام، خیبر اور باجوڑ میں مطلع جزوی ابرآلود رہنے کے علاوہ چند مقامات پر ہلکی بارش اور پہاڑوں پر ہلکی برفباری کا امکان ہے۔ کشمیر اور گلگت بلتستان میں موسم شدید سرد اور مطلع جزوی ابرآلود رہنے کی توقع ہے۔
بھارت : یاتریوں کی بس 200 فٹ گہری کھائی میں گر گئی، 7 افراد ہلاک
ذریعہ: Daily Ausaf
کلیدی لفظ: کے بیشتر اضلاع میں موسم میں موسم سرد اور خشک برفباری کا امکان ہے چند مقامات پر ہلکی بارش اور پر ہلکی
پڑھیں:
طویل خشک سالی کے بعد ملکہ کوہسار میں برفباری، سیاحوں کی بڑی تعداد امڈ آئی
طویل خشک سالی کے بعد ملکہ کوہسار میں برفباری شروع ہوگئی ہے۔
مری میں ہلکی برفباری کا سلسلہ جاری ہے، جس کے باعث ملکہ کوہسار میں سردی کی شدت میں اضافہ ہوگیا ہے، دوسری جانب سیاحوں کی بڑی تعداد نے بھی برفباری سے لطف اندوز ہونے کے لیے مری کا رخ کیا ہے۔
یہ بھی پڑھیں: دھند، بارش اور برفباری، سردی نے ملک میں ڈیرے جما لیے
مری کے مقامی شہری بھی برفباری کو دیکھ کر سڑکوں پر نکل آئے ہیں اور برفباری کے مناظر کو اپنے کیمروں میں محفوظ کررہے ہیں، محکمہ موسمیات نے مری میں برفباری کا سلسلہ آئندہ 24 گھنٹے جاری رہنے کا امکان کیا ہے۔
ملکہ کوہسار مری میں طویل انتظار کے بعد ہلکی برفباری شروع ہوگئی ،یہ منظر اس سال کچھ خاص ہےکیونکہ دنیا بھر میں موسمی تبدیلیوں کے باعث موسم اپنے معمولات سے ہٹ چکا ہے۔ قدرت کا یہ حسین نظارہ ہمیں یہ یاد دلاتا ہے کہ ماحول کی حفاظت ہماری اولین ترجیح ہونی چاہیے۔ #موسمیاتی_تبدیلی pic.twitter.com/TtBVp7jLxm
— WAQAR SATTI ???????? (@waqarsatti) January 31, 2025
محکمہ موسمیات کا کہنا ہے آئندہ 24 گھنٹوں میں ملک کے بیشتر میدانی علاقوں میں موسم سرد اور خشک رہنے کا امکان ہے، جبکہ مری، بالائی خیبر پختو نخوا، گلگت بلتستان، کشمیر اور ملحقہ پہاڑی علاقوں میں ہلکی بارش اور پہاڑوں پر ہلکی برفباری کا امکان ہے۔
یہ بھی پڑھیں: سوات: برفباری میں سیاحوں کا اولین ترجیحی مقام
محکمہ موسمیات کے مطابق اسلام آباد میں ہفتے کے روز مطلع جزوی ابرآلود جبکہ شام یا رات کو ہلکی بارش یا بوندا باندی کا امکان ہے۔
اس دوران دیر، چترال، کوہستان، مانسہرہ، ایبٹ آباد، بٹگرام، شانگلہ، بونیر اور سوات میں چند مقامات پر بارش اور پہا ڑو ں پر بھی ہلکی برفباری کی پیشگوئی کی گئی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news بارش برفباری پاکستان سیاح محکمہ موسمیات مری ملکہ کوہسار
امریکی صدر نے فوج میں تنوع، مساوات اور شمولیت سے متعلق ایگزیکٹو آرڈرز پر دستخط کر دیے