PTCLورکرز فیڈریشن وفد کی ملاقات
اشاعت کی تاریخ: 3rd, February 2025 GMT
پی ٹی سی ایل ورکرز اتحاد فیڈریشن پاکستان CBA کے نمائندہ وفد نے مرکزی سینئر وائس پریذیڈنٹ وحید حیدرشاہ کی قیادت میں وائس پریذیڈنٹ پی ٹی سی ایل سیلز ہیڈکوارٹر سلمان باجوہ اور ریجنل ڈائریکٹرز سوار خان، ندیم اعوان سے ملاقات کی۔ یونین رہنماؤں نے کمپنی کی ترقی اور ملازمین کی بہبود سے متعلق مختلف امور پر مینجمنٹ سے تبادلہ خیال کیا۔
.ذریعہ: Jasarat News
پڑھیں:
بانی پی ٹی آئی سے جیل میں بیرسٹر سیف کی ملاقات کی اندرونی کہانی سامنے آگئی
فائل فوٹو۔پاکستان تحریک انصاف (پی ٹی آئی) کے بانی عمران خان سے اڈیالہ جیل میں خیبر پختونخوا حکومت کے مشیر اطلاعات بیرسٹر محمد علی سیف کی ملاقات کی اندرونی کہانی سامنے آگئی۔
پشاور سے ذرائع کے مطابق ملاقات میں اسٹیبلشمنٹ سے بات چیت پر اب تک کی پیش رفت پر گفتگو ہوئی۔ بیرسٹر سیف نے بانی پی ٹی آئی کو اسٹیبلشمنٹ سے بات نہ بننے کی وجوہات بتائیں۔
ذرائع کے مطابق اسٹیبلشمنٹ کے ساتھ بات چیت کیلئے وفاقی حکومت کے ساتھ بیٹھک ضروری ہے۔ ملاقات میں بیرسٹر سیف پر سوشل میڈیا میں پارٹی رہنماوں کےاعتراضات بھی زیر بحث آئے۔
ذرائع کے مطابق بانی پی ٹی آئی نے بیرسٹر سیف پر اعتماد کا اظہار کیا اور انھیں کام جاری رکھنے کی ہدایت کی۔
بیرسٹر سیف اور بانی پی ٹی آئی کی ملاقات میں دہشتگردی اور افغانستان کے ساتھ بات چیت پر گفتگو ہوئی۔ بانی پی ٹی آئی نے امن و امان کے حوالے سے افغانستان سے مذاکرات کو ناگزیر قرار دیا۔
واضح رہے کہ مشیر اطلاعات کے پی بیرسٹر محمد علی سیف کی بانی پی ٹی آئی سے چند روز قبل بھی ملاقات ہوئی تھی۔
پارٹی رہنماوں کے ایک دوسرے پر الزامات، عمران خان نے وارننگ دیدی