جدہ: پاکستان انوسٹرز فورم سعودی عرب کی آفیشل ویب سائٹ کی رسم افتتاح
اشاعت کی تاریخ: 3rd, February 2025 GMT
جدہ (سید مسرت خلیل) قونصل جنرل پاکستان خالد مجید کے دستِ مبارک سے پاکستان انوسمنٹرزفورم سعودی عرب کی آفیشل وہب سائٹ کی رسم افتتاح جمعرات کی شب الکرم ہوٹل البلاد جدہ میں منعقد ہوئی۔ جس میں ٹریڈ اینڈ انوسمنٹ قونصلر، قونصلیٹ جنرل پاکستان جدہ محترمہ سعدیہ خان سمیت سعودی و پاکستانی انوسٹرز، بزنس مین، کمیونٹی کی معززشخصیات اورمیڈیا نمائندگان کی بڑی تعداد نے شرکت کی۔ قونصل جنرل خالد مجید نے اپنےخطاب میں وہب سائٹ کے اجراء پر اپنی خوشی کا اظہار کرتے ہوئے انوسٹرز فورم کے صدر چودھری شفقت محمود اور تمام ممبران کو مبارک باد دی۔ انھوں نے تجویزپیش کی کہ جس طرح قونصلیٹ نے اپنی وہب سائٹ کو عربی، اردو اور انگریزی زبانوں میں دستیاب کیا ہے اسی طرح انوسٹرز فورم بھی ان تین زبانوں میں وہب سائٹ کودستیاب کرے تومقامی سطح پرکاروباری حضرات بہت مستفیض ہوسکیں گے۔ اسی طرح فورم ممبران کی تعداد میں اضافہ کرے تاکہ آپ کی آوازاچھی طرح سنی جاسکے۔ انھوں نے انوسٹرز فورم کو یقین دہانی دلائی کہ جس طرح قونصلیٹ کا تعاون ان کوحاصل تھا وہ جاری رہے گا۔ سعدیہ خان نے اپنے خطاب میں کہا کہ فروری 2025 کے پہلے ہفتہ ہم نے میڈان پاکستان نمائش کا جو قدم اٹھایا ہے وہ کامیابی سے ہمکنار ہواورجو کاروباری حضرات پاکستان سے سعودی عرب تشریف لا رہے ہیں انھیں کاروبار کے بہترین مواقع ملے اور جب وہ یہاں نے جائیں تو خوش جائیں۔ معروف بزنس مین ذوالقرنین علی خان نے بھی تقریب سے خطاب کیا اور اپنے علم و تجربہ سے پاکستانی انوسٹرز کی رہنمائی فرمائی۔ قبل ازیں تلاوت قرانِ پاک کے بعد پاکستان اور سعودی عرب کے ترانہ ہوئے۔ نائب صدرانوسٹرز فورم فضل میمن نے مہمانوں کو خوش آمدید کہا۔ انجینئر سید جعفر نے وہب سائٹ کا تعارف پیش کیا۔ صدر چودھری شفقت محمود نے کہا ہم مسلسل کامیابی کی طرف بڑھ رہے ہیں۔ انھوں نے کہا ہمارے ممبران محنتی اور قومی و ملی جذبہ سے سرشار ہیں جیسے انجینئر محمد نواز ہیں انھوں نے صرف 26 والنٹیئر کو لیکر حجاج کرام کی مدد کا بیڑا اٹھایا تھا 2014 میں اور آج ان کی تعداد تین ہزار سے زائد ہوگئی ہے۔ آخر میں انھوں اپنے تمام ممبران اور مہمانوں کا شکریہ ادا کیا ۔ تقریب کا اختتام پُرتکلف عشائیہ ہوا۔
.ذریعہ: Jasarat News
کلیدی لفظ: انوسٹرز فورم وہب سائٹ انھوں نے
پڑھیں:
وزیراعلی پنجاب خاتون ہیں، انھیں احتجاج کرنے والی خواتین کا کیوں خیال نہیں؟ حافظ نعیم الرحمن
مال روڈ پر گرینڈ ہیلتھ الائنس پنجاب کے زیراہتمام احتجاجی دھرنے سے خطاب کرتے ہوئے جماعت اسلامی کے امیر کا کہنا تھا کہ اس بادشاہانہ طرز عمل سے مریم نواز حکومت چلا رہی ہے، صوبہ میں یہی وطیرہ ان سے قبل ان کے والد اور چچا نے اپنایا ہوا تھا، انھیں صرف اداروں کو اپنا نام دینے اور ان پر تختیاں لگانے کا شوق ہے۔ اسلام ٹائمز۔ امیر جماعت اسلامی حافظ نعیم الرحمن نے کہا ہے کہ بنیادی اور دیہی مراکز صحت کو آوٹ سورس نہیں کرنے دیں گے۔ ڈاکٹرز، نرسز اور پیرامیڈیکل سٹاف میں سے ایک کو بھی نوکری سے نکالا گیا تو پنجاب حکومت کا تعاقب کیا جائے گا، گرینڈ ہیلتھ الائنس پنجاب کے ساتھ ہیں۔ وزیراعلی پنجاب خاتون ہیں، انھیں احتجاج کرنے والی خواتین کا کیوں خیال نہیں؟ سب کو معلوم ہے موجودہ حکومت کیسے معرضِ وجود میں آئی، خود ٹھیکے پر چلنے والی حکومت تمام بنیادی عوامی ضروریات کو بھی ٹھیکے پر دینا چاہتی ہے، اہل اقتدار پنجاب سمیت پورے پاکستان میں مسترد شدہ لوگ ہیں، عوام نے انھیں ٹھکرا دیا، یہ اسٹیبلشمنٹ اور فارم 47کے سہارے اقتدار میں آئے۔ اداروں کی لوٹ سیل کرنے والوں کا راستہ روکیں گے، عوام دشمن اقدامات بند کیے جائیں۔ ان خیالات کا اظہار انھوں نے مال روڈ پر گرینڈ ہیلتھ الائنس پنجاب کے زیراہتمام ڈاکٹرز، نرسز اور پیرامیڈیکس کے احتجاجی دھرنے میں شرکت کے موقع خطاب کرتے ہوئے کیا۔ سیکرٹری اطلاعات قیصر شریف، امیر پنجاب وسطی جاوید قصوری اور امیر لاہور ضیا الدین انصاری ایڈووکیٹ بھی اس موقع پر موجود تھے۔
امیر جماعت نے کہا کہ جس بادشاہانہ طرز عمل سے مریم نواز حکومت چلا رہی ہے، صوبہ میں یہی وطیرہ ان سے قبل ان کے والد اور چچا نے اپنایا ہوا تھا، انھیں صرف اداروں کو اپنا نام دینے اور ان پر تختیاں لگانے کا شوق ہے، پنجاب پر مسلط شریف خاندان بتائے کہ کیا حکومتیں صحت اور تعلیم کو آوٹ سورس کرتی ہیں؟ حکومت اور ریاست کی ذمہ داری ہے کہ عوام کو سستی معیاری تعلیم اور صحت کی سہولیات یقینی بنائے۔ شہریوں کی عزت، جان و مال اور آبرو کی حفاظت اور امن کا قیام بھی حکومت اور ریاست کی بنیادی ذمہ داری ہے، حکمرانوں نے عوام سے سب کچھ چھین لیا۔ انھوں نے کہا کہ وہ کل کراچی میں غزہ ملین مارچ میں شرکت کے لیے جا رہے تھے، تاہم انھوں نے یہ ضروری سمجھا کہ اپنے حق کے لیے آواز بلند کرنے والوں کے ساتھ بھی اظہار یکجہتی کریں۔ انھوں نے مظاہرین کو یقین دلایا کہ جماعت اسلامی ان کے ساتھ کھڑی ہے، حکومت کو ادارے آٹ سورس نہیں کرنے دیں گے۔
100 سے زائد فلموں میں کام کرنیوالے سینیئر بھارتی اداکار انتقال کر گئے