میدانی علاقے دھند کی لپیٹ میں،موٹرویزبند،پروازیں تاخیر کا شکار
اشاعت کی تاریخ: 3rd, February 2025 GMT
لاہور (صباح نیوز)لاہور سمیت پنجاب کے میدانی علاقے ایک بار پھر شدید دھند کی لپیٹ میں آ گئے،موٹرویزبندکردی گئیں ۔ترجمان موٹر وے پولیس کے مطابق دھند کے باعث موٹر وے ایم 2 لاہور سے کوٹ مومن تک بند ہے جبکہ موٹر وے ایم 3 پر فیض پور سے سمندری تک داخلہ ممنوع ہے۔اس کے علاوہ لاہور سیالکوٹ موٹر وے ایم 11 پر بھی ٹریفک کی انٹری بند ہے۔حکام کے مطابق حد نگاہ کم ہونے کے باعث کئی دیگر بڑی شاہراہیں بھی بند کر دی گئیں جس کے
باعث ٹریفک کی روانی متاثر ہوئی ہے۔ترجمان موٹر وے پولیس نے کہا کہ شہری موسم کی صورتحال کے پیش نظر غیر ضروری سفر سے گریز کریں، دوران سفر گاڑی آہستہ چلائیں اور فوگ لائٹس کا استعمال کریں۔دوسری جانب لاہور میں جاتی ہوئی سردی کو باریک لگ گئی، دھند کے باعث ٹھنڈ واپس لوٹ گئی۔محکمہ موسمیات کے مطابق صوبائی دارالحکومت کا کم سے کم درجہ حرارت 9 جبکہ زیادہ سے زیادہ 21 ڈگری سینٹی گریڈ تک جانے کا امکان ہے۔ علامہ اقبال انٹرنیشنل ایئرپورٹ اور اس کے اطراف میں شدید دھند کے باعث حد نگاہ انتہائی کم ہو گئی ہے جس کے نتیجے میں متعدد پروازیں تاخیر کا شکار ہو گئیں۔ ایوی ایشن ذرائع کے مطابق، ابو ظہبی سے لاہور آنے والی نجی ایئرلائن کی پرواز 431 اور دبئی سے لاہور آنے والی نجی ایئرلائن کی پرواز 417 بھی دھند کی وجہ سے تاخیر کا شکار ہو گئیں۔پی آئی اے کی دوحہ سے لاہور آنے والی پرواز 280 اور جدہ سے لاہور آنے والی غیر ملکی ایئرلائن کی پرواز 734، جدہ سے لاہور آنے والی نجی ایئرلائن کی پرواز 471 بھی بروقت نہ پہنچ سکیں۔ اسی طرح، کراچی سے لاہور آنے والی نجی ایئرلائن کی پرواز 524 اور 406 بھی تاخیر کا شکار ہوئیں۔ اہور سے جدہ جانے والی غیر ملکی ایئرلائن کی پرواز 739 منسوخ کر دی گئی، جبکہ لاہور سے ابو ظہبی جانے والی غیر ملکی ایئرلائن کی پرواز 285، لاہور سے دبئی جانے والی پی آئی اے کی پرواز 203 اور لاہور سے دبئی جانے والی نجی ایئرلائن کی پرواز 410 بھی بروقت اڑان نہ بھر سکیں۔
ذریعہ: Jasarat News
کلیدی لفظ: تاخیر کا شکار جانے والی لاہور سے کے مطابق موٹر وے کے باعث
پڑھیں:
عازمین حج کا روانگی شیڈول؛ بلیو ائیر لائن 68 پروازیں آپریٹ کرے گی
سعید احمد :بلیوایئرلائن نےعازمین کی حجازمقدس روانگی بارےشیڈول مرتب کرلیا
ایئربلیولاہور سمیت دیگر ایئرپورٹس سے کل 68پروازیں آپریٹ کرے گیم68پروازوں کے ذریعے کل 10ہزار 140عازمین کو سفری سہولیات فراہم کی جائیگی،38پروازیں جدہ اور 30پروازیں مدینہ کے لیے آپریٹ ہوں گی
ایئربلیوحج آپریشن 2025 میں لاہور ایئرپورٹ سے کل 41 پروازیں آپریٹ کریگی،ایئربلیو41پروازوں کے ذریعے 6ہزار سے زائد عازمین کو سفری سہولیات فراہم کریگی،ایئربلیوقبل از حج 20پروازیں آپریٹ کرے گا
16پروازوں کے ذریعے سرکاری ،4پروازوں سے پرائیویٹ کوٹے کے عازمین کو حجاز مقدس پہنچائےگی،20پروازوں کے ذریعے 2ہزار 940 عازمین کو حجاز مقدس پہنچائے گی،ایئربلیوپہلی پرواز 2مئی کو لاہور سے آپریٹ کرےگی،ایئربلیوکا بعداز حج فلائٹ آپریشن 10جون سے شروع ہو گا،ایئربلیوبعداز حج آپریشن میں کل 21پروازویں آپریٹ کرے گی
21پروازوں کے ذریعے 3ہزار 90عازمین کو وطن واپس لائے گی
لاہور؛ 277 ٹریفک حادثات میں 2 افراد جاں بحق344 افراد زخمی
عمران خان کی بہنوں اور دیگر خواتین کیساتھ جو ہوا اس کا حساب ضرور لیں گے، گنڈاپور