نہریں نکال کر دریائے سندھ کو تباہ کیا جارہا ہے، ایاز لطیف پلیجو
اشاعت کی تاریخ: 2nd, February 2025 GMT
قومی عوامی تحریک کے سربراہ ایاز لطیف پلیجو نے کہا ہے کہ نہریں نکال کر دریائے سندھ کو تباہ کیا جارہا ہے۔
دریائے سندھ پر نہریں نکالنے کے منصوبے کے خلاف سندھ کے مختلف شہروں میں مختلف سیاسی جماعتوں کے احتجاجی مظاہرے جاری ہیں۔
قومی عوامی تحریک نے کراچی میں ریلی نکالی، اس دوران پارٹی سربراہ ایاز لطیف پلیجو نے کہا کہ نہریں نکال کر دریائے سندھ کو تباہ کیا جارہا ہے، دریائے سندھ پر نہریں کسی صورت قبول نہیں۔
سندھ ہاری کمیٹی نے حیدرآباد میں احتجاجی مظاہرہ کیا اور منصوبے کو سندھ دشمنی قرار دیا جبکہ شکارپور میں پیپلز پارٹی ہاری کمیٹی نے احتجاجی ریلی نکالی۔
جسقم کے تحت سکھر سے کراچی کےلیے نکلنے والا پیدل مارچ رواں دواں ہے جو کنڈیارو پہنچ گیا ہے۔
کینال منصوبے کے خلاف سندھ ترقی پسند پارٹی نے میہڑ میں جلسہ کیا، جس سے ڈاکٹر قادر مگسی نے خطاب میں کہا کہ کینال نکالنے نہیں دیں گے۔
.ذریعہ: Jang News
کلیدی لفظ: دریائے سندھ
پڑھیں:
آصف زرداری اور بلاول بھٹو کہہ چکے کہ کینالز نہیں بننے دیں گے، فریال تالپور
ٹندوجام میں جلسے سے خطاب کرتے ہوئے پی پی رہنما نے کہا کہ کینالز ہمیں منظور نہیں، آپ ایک صحرا کو آباد کرنے کے لیے سندھ کو اجاڑنا چاہ رہے ہیں، یہ کہاں کی سوچ ہے، یہ کون سیاست ہے، 18 اپریل کو سب نے نکلنا ہے، یہ جلسہ متناع کینال منصوبے کے خلاف ریفرنڈم ہوگا۔ اسلام ٹائمز۔ پیپلز پارٹی کی رہنما اور شعبہ خواتین کی صدر فریال تالپور نے کہا ہے کہ ہم نئی نہریں نہیں بننے دیں گے، ہمیں دریائے سندھ پر 6 کینالز منظور نہیں۔ ٹندوجام میں منعقدہ جلسے سے خطاب کرتے ہوئے انہوں نے کہا کہ آصف علی زرداری اور بلاول بھٹو کہہ چکے ہیں کہ کینالز نہیں بننے دیں گے، کینالز ہمیں منظور نہیں، آپ ایک صحرا کو آباد کرنے کے لیے سندھ کو اجاڑنا چاہ رہے ہیں، یہ کہاں کی سوچ ہے، یہ کون سیاست ہے۔ فریال تالپور نے کہا کہ 18 اپریل کو سب نے نکلنا ہے، یہ جلسہ متناع کینال منصوبے کے خلاف ریفرنڈم ہوگا۔
منرلز انویسٹمنٹ فورم 2025: معدنی وسائل میں سرمایہ کاری کے لیے پاکستان نیا تجارتی و معاشی مرکز قرار