کراچی کے لاپتہ تاجر کی پتھر بندھی سمندر میں ڈوبی ہوئی لاش برآمد
اشاعت کی تاریخ: 2nd, February 2025 GMT
بھائی نے قتل کا شبہ ظاہر کیا، جبکہ مقتول کا موبائل فون اور موٹرسائیکل غائب ہے۔ اسلام ٹائمز۔ شہر قائد میں سی ویو دو دریا میں قائم ہوٹل کے قریب سے 29 جنوری کو لانڈھی سے لاپتہ ہونے والے دکاندار کی کئی روز پرانی پانی میں ڈوبی ہوئی پتھر بندھی لاش برآمد ہوئی ہے۔ تفصیلات کے مطابق جاں بحق شخص تین بچوں کا باپ اور اس کی صدر موبائل مارکیٹ میں دکان تھی، بھائی نے قتل کا شبہ ظاہر کیا، جبکہ مقتول کا موبائل فون اور موٹرسائیکل غائب ہے۔ پولیس حکام کا کہنا ہے کہ حتمی وجہ موت کا تعین پوسٹ مارٹم رپورٹ میں ہوگا۔ ۔تفصیلات کے مطابق اتوار کی صبح ساحل تھانے کے علاقے سی ویو دو دریا کنارہ ہوٹل کے قریب سے ایک شخص کی مبینہ طور پر ڈوبی ہوئی کئی روز پرانی لاش ملی، اطلاع ملنے پر پولیس موقع پر پہنچ گئی اور لاش کو تحویل میں لینے کے بعد قانونی کارروائی کیلئے جناح اسپتال منتقل کیا، جہاں مقتل کے پاس سے ملنے والے شناختی کارڈ کی مدد سے اُس کی شناخت 50 سالہ آصف کمال کے نام سے کی گئی۔
جاں بحق ہونے والا شخص مکان نمبر 9 بلاک 80 محلہ ایریا فورسی لانڈھی نمبر 6 کا رہائشی اور تین بچوں کا باپ تھا، جاں بحق شخص کی صدر موبائل مارکیٹ میں موبائل ایسرسیریز کی دکان تھی۔ پولیس کے مطابق آصف 29 جنوری سے لاپتہ تھا، جس کی گمشدگی کا مقدمہ بھائی طارق کی مدعیت میں درج کیا گیا تھا۔ مقتول تاجر کے بھائی نے بتایا کہ ان کے بھائی 29 جنوری کی صبح 10 بجے اپنی موٹر سائیکل کے کے ایس 6278 پر دکان پر جانے کیلئے نکلے تھے، لیکن وہ دکان پر نہیں پہنچے، وہ رات 10 بجے جب کام پر سے گھر پہنچے تو بھائی آصف کمال کی اہلیہ نے بتایا کہ آصف کمال صبح دکان پر جانے کیلئے نکلے تھے لیکن وہ دکان نہیں پہنچے۔
لانڈھی تھانے کے شعبہ انویسٹی گیشن میں تعینات سب انسپکٹر محمد نفیس خان نے بتایا کہ آصف کمال کی لاش دو سے تین روز پرانی معلوم ہوتی ہے اور لاش سمندر کنارے پتھروں سے ملی ہے، لاش پر پتھروں کے رگڑ کے نشانات بھی ہیں۔ انہوں نے بتایا کہ پولیس نے جاں بحق شخص کے موبائل فون کا سی ڈی آر نکلوانے کیلئے متعلقہ حکام کو خط لکھ دیا ہے، لاش کا پوسٹ مارٹم کرایا جا رہا ہے اور پوسٹ مارٹم کے بعد ہی حتمی وجہ موت کا تعین ہو سکے گا، تاہم پولیس واقعے کی مختلف پہلوؤں پر تفتیش کر رہی ہے۔
ذریعہ: Islam Times
کلیدی لفظ: نے بتایا کہ ا صف کمال
پڑھیں:
’ڈھائی لاکھ روپے چرا رہا ہوں جلد واپس کردوں گا‘ چور معافی نامہ چھوڑ گیا
نئی دہلی(نیوز ڈیسک)بھارت میں چور دکان سے ڈھائی لاکھ روپے چرانے کے بعد معافی نامہ چھوڑ کر چلا گیا۔
بھارتی میڈیا رپورٹ کے مطابق مدھیہ پردیش میں چور مبینہ طور پر دکان سے 2.46 لاکھ روپے چرانے کے بعد معافی نامہ بھی چھوڑ کر چلا گیا۔
کھرگون کے جمیندر محلہ جوجر بوہرا کے دکان کے مالک نے اگلے دن اپنی دکان کھولنے کے بعد خط دیکھا۔
جب اس نے خط تلاش کرنے کے ساتھ رقم دیکھی تو غائب تھی، بوہرہ کی دکان پر اس سے قبل عید پر بھی ڈکیتی ہوئی جہاں چور مبینہ طور پر 85 ہزار روپے چرا کر لے گئے تاہم جس چیز نے اس ڈکیتی کو منفرد بنادیا وہ معافی نامہ تھا۔
چور نے معافی نامہ میں لکھا کہ ’مالی مشکلات‘ کی وجہ سے وہ چوری کرنے پر مجبور تھا، اس نے یقین دہائی کروائی کہ وہ چھ ماہ کے اندر اندر چوری کی رقم واپس کردے گا۔
اس نے مزید لکھا کہ قرض دہندگان کی جانب سے واجب الادا رقم ادا کرنے کے لیے دباؤ ڈالا جارہا تھا اسی لیے چوری کا سہارا لیا۔
خط میں مزید لکھا تھا کہ وہ دکاندار کو اچھی طرح جانتا ہے بعد میں جو بھی سزا ہوگی قبول کرے گا جبکہ 37 ہزار روپے چھوڑ دیے ہیں جو تھیلے میں رکھے ہوئے تھے۔
اس نے یہ بھی لکھا کہ رات کو آپ کی دکان کی پچھلی شٹل سے آکر پیسے لے رہا ہوں میں صرف اتنے پیسے لے رہا ہوں جتنا قرض ادا کرنا ہے باقی سامان کے ساتھ کچھ نہیں کروں گا اور آپ کے پیسے چھ ماہ میں واپس کردوں گا۔
چور نے یہ بھی کہا کہ جب تک کے لیے میں آپ سے اور بیٹے سے ہاتھ جوڑ کر معافی مانگتا ہوں۔
پولیس کا کہنا ہے کہ چوری کے واقعے کا مقدمہ درج کرلیا گیا ہے اور تحقیقات جاری ہیں۔
مزیدپڑھیں:لاہور میں شدید گرمی ، ویسٹ انڈیز کی کپتان کو اسٹریچر پر میدان سے باہر لے جانا پڑا
دہشتگردی کا خاتمہ… ترقی وخوشحالی کا ضامن