ملک کے بیشتر علاقوں میں کل موسم سرد اور خشک رہنے کا امکان
اشاعت کی تاریخ: 2nd, February 2025 GMT
اسلام آباد: ملک کے بیشتر علاقوں میں پیر کو موسم سرد اور خشک رہے گا۔
محکمہ موسمیات کے مطابق شمال مغر بی بلوچستان میں چند مقامات پر تیز ہواؤں کے ساتھ ہلکی بارش اور پہاڑوں پر ہلکی برفباری کا امکان ہے ، تاہم شام اور رات میں گلگت بلتستان اور بالائی خیبر پختونحوا میں چند مقامات پر ہلکی بارش اور پہاڑوں پر برفباری کا امکان ہے۔
علاوہ ازیں شمال مشرقی پنجاب میں صبح کے اوقات میں ہلکی سے درمیانی دھند پڑ سکتی ہے۔
موسم کا حال بتانے والوں کا کہنا تھا کہ آج ملک کے بیشتر علاقوں میں موسم سرد اور خشک رہا جبکہ پہاڑی علاقوں میں شدید سرد رہا، تاہم کاکول میں 1ملی میٹر بارش ریکارڈ کی گئی۔
دوسری جانب شمال مشرقی پنجاب میں ہلکی سے درمیانی دھند چھائی رہی، آج ریکارڈ کیے گئے درجہ حرارت کے مطابق لیپہ منفی11، قلات منفی 7، گوپس، زیارت،کالام منفی 6، بگروٹ منفی 5، ہنزہ ،کوئٹہ منفی 4 ، پاراچناراور استور میں منفی 3 ڈگری سینٹی گریڈ رہا۔
ذریعہ: Daily Mumtaz
پڑھیں:
اسلام آباد، مری اور کشمیر میں آج سے بارش کی پیش گوئی
فائل فوٹواسلام آباد، پنجاب، مری، گلیات، خیبر پختونخوا، گلگت بلتستان اور کشمیر میں آج سے 20 اپریل کے دوران بارش کی پیش گوئی کی گئی ہے جبکہ چند مقامات پر ژالہ باری بھی متوقع ہے۔
محکمہ موسمیات کے مطابق سندھ، جنوبی پنجاب اور بلوچستان کے چند علاقوں میں 18 اپریل تک گرمی کی لہر برقرار رہنے کا امکان ہے۔
18اور19 اپریل کے دوران ڈیرہ غازی خان، راجن پور، لیہ، کوٹ ادو، مظفر گڑھ، بہاولپور، ملتان، ساہیوال، خانیوال، پاکپتن ، وہاڑی اور اوکاڑہ میں آندھی/جھکڑ چلنے کا بھی امکان ہے۔
حکومت لچک دکھا رہی ہے، اختر مینگل سے مذاکرات کر رہے ہیں، ظہور بلیدی