اسلام آباد ہائیکورٹ میں 3ججز کے تبادلے سے طوفان آ گیا ہے۔ خط لکھنے والوں کو جواب کی توقع تھی مگر جواب اتنا دو ٹوک ہوگا، اس کے بارے میں کسی نے سوچا بھی نہیں تھا۔ اب ہزیمت اور شکست خط لکھنے والوں کے چہروں پر لکھی ہے۔ اب پشیمانی اور پریشانی ان کا مقدر ہے۔ بیس، بیس سال کی پلاننگ دھری رہ گئی ہے۔ خود کو ہی ترقی دینے کی تمنا دل میں ہی رہ گئی ہے۔ اب چائے کی ایک پیالی ہے اور اس میں بپا طوفان کے سوا کچھ بھی نہیں بچا، اب اٹل فیصلہ ہو چکا ہے۔
اس قوم کو گمراہ کرنے والے اتنے بے شمار ہیں کہ سچ کہیں اس ہجوم میں گم ہو جاتا ہے۔ لوگ اپنے اپنے سچ تراش رہے ہوتے ہیں۔ اس قبیح رسم کے پیچھے ذاتی مفاد بھی ہوتا ہے، ہوس بھی ہوتی ہے اور حرص بھی کارفرما ہوتی ہے۔
اسلام آباد ہائیکورٹ میں ججز کے تبادلے کے حوالے سے کہانیاں سنانے والے بے شمار سچ بولنے والے خال خال۔ اس ماحول میں درست خبر تک رسائی کسی کسی کو ہو گی اور حقیقت سے کوئی کوئی واقف ہو گا۔ باقی عوام یوٹیوبرز کے تھمبنیل کے رحم و کرم پر ہو گی۔ وہ جو چاہیں گے سچ بتائیں گے۔
اسلام آباد ہائیکورٹ میں 3ججز کے تبادلے کو تنازعہ بنانے والے کون ہیں؟ بظاہر یہ وہ لوگ جو عدالتوں میں اداروں کی مداخلت کے خلاف ہیں۔ یہ نعرہ بھی یہی لگائیں گے، نظریہ بھی یہی بتائیں گے لیکن یہ حقیقت نہیں ہے۔ ان میں بہت سے وہ ہیں جو جمہوریت پر شب خون کے درمیان خاموش رہنے کے ہنر سے واقف ہیں۔ یاد ہے نا! شوکت عزیز صدیقی نے جب جنرل فیض کے حوالے سے سچ بولا تو یہ سب خاموش رہے۔ ان میں سے کسی نے خط نہیں لکھا تھا، ان میں سے کسی نے احتجاج نہیں کیا تھا۔ اس زمانے میں چونکہ ذاتی مفادات آڑے آ چکے تھے اس لیے سب کو چپ سادھ گئی تھی۔
ان مٰں بڑے بڑے منصبوں پر بیٹھے وہ لوگ بھی ہیں جو مشرف پر ایمان لائے اور جمہوریت کو داغدار کرنے کا سبب بنے۔ ایک ڈکٹیٹر کے سامنے چپ رہنے والوں جمہوریت میں کیسے کاٹ کھانے کو دوڑتے ہیں یہ پہلی دفعہ دیکھا ہے۔
عدالتوں کا المیہ یہ ہے کہ اب انصاف کو تحریک انصاف سے الگ کیا جا رہا ہے۔ ’ہائے رافعہ!‘ والے ججز ہوں یا رقعے بازی کرنے والے منصفین ۔ ان کا مرشد ایک سیاسی جماعت ہی رہی ہے اور یہ سب اسی کے رنگ میں رنگے ہیں۔ یہ نہ آئین کو مانتے ہیں نہ قانون ان کے لیے اہم ہے نہ پارلیمان کی ان کی نظر میں کوئی عزت ہے نہ عوامی نمائندگان کی ان کے گمان میں کچھ حیثیت ہے۔
یہ انصاف کے ثاقب نثاری کردار ہیں۔ ان سب کا ہیرو اسی طرز کا انصاف ہے۔ جو ڈیم بھی بناتا تھا، مانیٹرنگ جج بھی لگاتا تھا۔ اسپتالوں میں سلطان راہی بن کر چھاپے بھی مارتا تھا مگر انصاف نہیں کرتا تھا۔
کوئی بات آئین سے ماورا ہو اور در انصاف سے احتجاج کی آواز بلند ہو تو اچھا لگتا ہے لیکن یہ کیا تماشا ہے کہ ایک کام آئین کے مطابق ہوا ہے۔ قانون پر عمل پیرا ہو کر کیا گیا ہے تو اس پر احتجاج کے کیا معنی؟
یاد رکھیں! اگر وکیل اور جج آئین پر عمل پیرا ہونے پر احتجاج کریں گے تو کچھ نہیں بدلے گا۔ صرف در انصاف کی چوکھٹ مزید داغدار ہو گی۔ انصاف بہم پہنچانے میں ہمارا نمبر اور گہرائیوں میں گرجائے گا۔ ابھی دنیا ہمارے ہاں انصاف کی پامالی پر پہلے صرف طنز کرتی ہے پھر ٹھٹھے اڑائے گی۔ جس کو یہ بات سمجھ نہیں آ رہی ہو آئین کا آرٹیکل 200 پڑھ لے۔ واضح ہو جائے گا کون کس کی زبان بول رہا ہے کہ آئین کیا کہتا ہے اور چند منصفین کی کیا خواہش ہے؟
ججز کا تبادلہ پہلی دفعہ نہیں ہوا۔ اس سے پہلے بھی کئی دفعہ ایسا ہو چکا ہے۔ 2ججز جسٹس سردار محمد اسلم اور جسٹس ایم بلال خان لاہور سے اسلام آباد ٹرانسفر ہوئے اور چیف جسٹس بنے تو کسی نے کوئی احتجاج نہیں کیا۔ جسٹس اقبال حمید خان کا نام بھی اس ضمن میں قابل ذکر ہے۔ اسلام آباد ہائیکورٹ ایکٹ 2010 کے سیکشن 3کے مطابق اسلام آباد ہائیکورٹ 12ججز پر مشتمل ہو گی اور اس میں تمام صوبوں کو شمولیت دی جائے گی۔ اس ایکٹ کو پڑھنے کے بعد کیا کسی اور دلیل کی گنجائش رہ جاتی ہے؟
دلچسپ بات یہ ہے کہ ان ججز کی ٹرانسفر اگر صرف صدر پاکستان نے کی ہوتی تو اس پر سیاسی عمل کا شبہ بھی ہو سکتا تھا۔ المیہ یہ ہے کہ احتجاجیوں کو اس بات کا بھی لحاظ نہیں کہ ان تبادلوں میں پاکستان کی تمام 5ہائیکورٹس کے چیف جسٹسز سے مشاورت کی گئی اور ان کی معاونت اور منشا سے یہ تبادلے ہوئے ہیں۔
سیاسی بات لوگوں کو سمجھ آتی ہے۔ بات دراصل یہ ہے کہ اب وہ وقت ہے جب عدالتوں میں ایمان دار جج کم ملتے ہیں اور عمران دار دار جج زیادہ نظر آتے ہیں۔
ثاقب نثار کے لگائے ہوئے پودے اب خود رو جڑی بوٹیوں کی صورت عدالت میں جگہ جگہ پھیلے ہوئے ہیں۔ ان خود رو جڑی بوٹیوں پر نہ تو آئین کی کتاب کا کچھ اثر ہوتا ہے نہ قانون کی بات انہیں سمجھ آتی ہے۔ یہ ثاقب نثار کے پیرو کار ہیں اور اسی طرح کا نظام انصاف چاہتے ہیں۔
یہ کہانی تو سب سن چکے ہیں کہ عمران خان کو کیسے حکومت میں لایا گیا، کس کس نے ذہن سازی کی، کس کس نے ہاتھ تھاما، کس کس نے گود میں اٹھایا لیکن یہ کہانی آپ نے کم ہی سنی ہو گی کہ عمران خان کے زہر سے اس ملک کو پاک کرنے کے لیے کیا کیا جتن کیے جا رہے ہیں۔ یہ کہانی آپ نے اس لیے نہیں سنی کہ یہ کہانی ابھی تحریر ہو رہی ہے۔
اس نئی کہانی میں طاقتور لوگ اپنی غلطی کا اعتراف کر رہے ہیں، اپنی صفوں کو درست کر رہے ہیں، اپنے گھر کی صفائی کر رہے ہیں۔ یہ مشکل کام ہے لیکن یہ اس لیے کیا گیا کہ جب عمرانی زہر کو دوسرے اداروں سے نکالنے کی کوشش کی جائے تو کوئی انگلی نہ اٹھا سکے ۔
عدلیہ میں تبادلے پارلیمان کا استحاق بن چکے ہیں، چھبیسویں آئینی ترمیم نے پارلیمان کا لوٹا ہوا حق واپس کر دیا ہے۔ اس کے خلاف جو بھی احتجاج کرے گا وہ آئین و قانون کی حکمرانی کے خلاف ہو گا۔
یاد رکھیے! صفائی کا عمل عدلیہ تک نہیں رکے گا، بلکہ فیک نیوز والے بھی اس کی زد میں آئیں گے۔ جلد یا بدیر فیض حمید سے فون کروا کر چینلوں پر نوکریاں پانے والوں پر بھی تلوار چلے گی۔ ایک جانب سے خط لکھنے والوں کو جواب آ چکا ہے۔ رقعہ دوسری جانب سے بھی روانہ کیا جا رہا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
عمار مسعود کالم نگار، سیاسی تجزیہ کار، افسانہ نگار اور صحافی۔ کبھی کبھی ملنے پر اچھے آدمی ہیں۔ جمہوریت ان کا محبوب موضوع ہے۔ عوامی مسائل پر گہری نظر اور لہجے میں جدت اور ندرت ہے۔ مزاج میں مزاح اتنا ہے کہ خود کو سنجیدہ نہیں لیتے۔ تحریر اور لہجے میں بلا کی کاٹ ہے مگر دوست اچھے ہیں۔
اردو کالم عمار مسعود.ذریعہ: WE News
کلیدی لفظ: اردو کالم اسلام آباد ہائیکورٹ یہ کہانی یہ ہے کہ رہے ہیں لیکن یہ ہے اور
پڑھیں:
بانی پی ٹی آئی کیلئے ابھی تک امریکی کال نہیں آئی، 8 فروری کو احتجاج نہ کریں ورنہ پہلے جیسا ہو گا: وزیر داخلہ
لاہور (آئی این پی) وفاقی وزیر داخلہ محسن نقوی نے کہا ہے کہ ابھی تک بانی پی ٹی آئی کیلئے امریکا سے فون کال نہیں آئی، اگر کوئی فون کال موصول ہوئی تو تب دیکھیں گے۔ مذاکرات سے متعلق پی ٹی آئی سے پوچھیں کہ کیا چاہتے ہیں، پی ٹی آئی سے درخواست کریں گے کہ 8کو جلسہ نہ کریں، اگر انہوں نے ہماری درخواست کو قبول نہ کی توپھر وہی ہو گا جیسا پہلے ہوا تھا۔ قانون حرکت میں آئے گا، غیرقانونی اور جعلی دستاویزات پر بیرون ملک جانے والوں کے خلاف کارروائی کر رہے ہیں۔ ان خیالات کا اظہار انہوں نے ہفتہ کو لاہور میں میڈیا کے نمائندوں سے گفتگو میں کیا۔ وزیر داخلہ کا کہنا تھا کہ بیرون ملک ڈنکی لگا کر جانے والوں کی سب سے زیادہ تعداد پنجاب کے دو ڈویژن فیصل آباد اور گجرات سے تعلق رکھنے والوں کی ہے۔ محسن نقوی نے کہا اصلاحات لا رہے ہیں۔ بہت جلد ایف آئی اے میں تبدیلی نظر آئے گی۔ انہوں نے کہا کہ دعوی تو نہیں کرتے کہ غیرقانونی طور پر بیرون ملک جانے کا سلسلہ مکمل طور پر ختم کر دیں گے مگر اس کو حتی الامکان کم کر دیں گے۔ وزیر داخلہ کا کہنا تھا کہ ملک کے 14 شہروں میں پاسپورٹ کائونٹرز بنا رہے ہیں۔ نادرا اور پاسپورٹ حکام مل کر عوام کو سہولت بہم پہنچا رہے ہیں۔ پاسپورٹ اتھارٹی بنے گی تو مسائل حل ہونا شروع ہو جائیں گے۔ محسن نقوی نے کہا کہ سوشل میڈیا پر چلنے والی خبروں میں حقیقت نہیں ہوتی۔ وزیر داخلہ نے کہا کہ پہلے بھی پی ٹی آئی نے ایسی ہی تاریخیں طے کی تھیں۔ پاکستان کا امریکی حکومت سے اچھا تعلق ہے، دورہ کامیاب رہا، جس کے اثرات جلد سامنے آئیں گے ۔ چیمپئنز ٹرافی کے لیے تیار سٹیڈیمز پر خرچہ ہوا ہے ، بہت سارے اور لوگوں کے خواب بھی ٹوٹے ہیں، ان کا خیال تھا سٹیڈیمز کے لیے کام مکمل نہیں ہو گا اور ایونٹ کہیں اور منتقل ہو گا۔ لوگوں کی جانب سے کشتی کے ذریعے یورپ جانے کے لیے ویزے کا غلط استعمال کرنا انتہائی غلط اور باعث تشویش ہے۔ پاسپورٹ کی بروقت ترسیل کا نظام بہتر کرنے کا واحد حل پاسپورٹ اتھارٹی کا قیام ہی ہے۔ محسن نقوی نے کہا انسانی سمگلنگ میں ملوث ایجنٹ مافیا کے خلاف حکمت عملی تیار کر لی ہے اور بہت جلد ان کے خلاف سخت کریک ڈائون ہونے والا ہے۔ حکومت نے غیر قانونی طور پر باہر جانے والوں اور بدنامی کا سبب بننے والوں کے خلاف سخت کارروائی کا فیصلہ کیا ہے۔
مریم نواز کا فروری میں صوبہ بھر میں 20 ہزار گھروں کی تعمیر کا ہدف