کشمیری پنڈتوں کی حالت زار ایک انسانی مسئلہ ہے اسکو فوری طور پر حل کیا جانا چاہیئے، میرواعظ کشمیر
اشاعت کی تاریخ: 2nd, February 2025 GMT
میٹنگ کے دوران جموں و کشمیر کے پُرامن اور جامع مستقبل کی خاطر مل جل کر کام کرنے کیلئے آگے بڑھنے پر اتفاق کیا گیا۔ اسلام ٹائمز۔ مہاجر کشمیری پنڈتوں کی وادی واپسی کو یقینی بنانے کے لئے میرواعظ کشمیر مولوی عمر فاروق کی سربراہی میں ایک بین کمیونٹی کمیٹی (آئی سی سی) تشکیل دینے کی تجویز پیش کی گئی ہے۔ معلوم ہوا ہے کہ نئی دہلی میں میرواعظ عمر فاروق نے جے کے پیس فورم کی نمائندگی کرنے والے کشمیری پنڈتوں کے ایک وفد جس کی سربراہی ستیش محلدار کر رہے تھے کے ساتھ ملاقات کی، جس دوران ایک اہم پیش رفتہ ہوئی ہے۔ بین کمیونٹی کمیٹی تشکیل دینے کا مقصد اکثریتی کشمیری مسلمانوں اور اقلیتی پنڈتوں کے درمیان خلیج کو پاٹنا مقصود ہے۔ اطلاعات کے مطابق ہفتے کو جے کے پیس فورم کی طرف سے جاری کردہ بیان میں کہا گیا ہے کہ مہاجر کشمیری پنڈتوں کی وادی واپسی کو یقینی بنانے کی خاطر میرواعظ مولوی عمر فاروق کی سربراہی میں ایک بین کمیونٹی کمیٹی (انٹر کمیونٹی کمیٹی) تشکیل دینے کی تجویز پیش کی گئی ہے۔
انہوں نے کہا کہ بین کمیونٹی کمیٹی وادی کی تمام برادریو ں کی نمائندگی کرے گی تاکہ کشمیری پنڈتوں کی محفوظ وادی واپسی کو یقینی بنانے کی خاطر سہولیت فراہم کرنے پر توجہ مرکوز کی جائے۔ بیان میں کہا گیا ہے کہ کشمیری پنڈت وفد نے میرواعظ عمر فاروق کے اس اقدام کی بھرپور حوصلہ افزائی کی اور یہ کہ اس حوالے سے فعال قدم اٹھانے کا بھی عہد کیا گیا۔ میرواعظ عمر فاروق نے اس موقع پر اس بات کا اعادہ کیا کہ کشمیری پنڈتوں کی حالت زار ایک انسانی مسئلہ ہے اور اس کو فوری طور پر حل کیا جانا چاہیئے۔ انہوں نے یہ بھی کہا کہ کشمیری پنڈتوں کے بغیر کشمیر ادھورا ہے۔ میرواعظ عمر فاروق نے کشمیری پنڈتوں کو درپیش مسائل و مصائب کو سنجیدگی سے دور کرنے کی ضرورت پر زور دیتے ہوئے کہا کہ تاریخی جامع مسجد میں نماز جمعہ کے موقع پر کشمیری پنڈتوں کی گھر واپسی کے بارے میں بار بار اپنا موقف واضح کیا۔
میرواعظ عمر فاروق نے 1989ء میں کشمیری پنڈتوں کے دردناک اخراج کو تسلیم کیا اور کہا کہ یہ ایک ایسا باب ہے جو دونوں برادریوں کو متاثر کررہا ہے۔ انہوں نے کہا کہ نوجوان نسل کو کشمیر کی جامع ثقافت سے روشناس کرانا ہوگا۔ بیان میں کہا گیا کہ یہ ملاقات تقریباً ڈیڑھ گھنٹے تک جاری رہی جس دوران کشمیر کی دونوں برادریوں کے درمیان زیادہ سے زیادہ تعاون کو فروغ دینے کے لئے اہم گفت و شنید ہوئی۔ میٹنگ کے دوران جموں و کشمیر کے پُرامن اور جامع مستقبل کی خاطر مل جل کر کام کرنے کے لئے آگے بڑھنے پر اتفاق کیا گیا۔ بیان کے مطابق آئی سی سی دیگر اقلیتی برادریوں کے مسائل حل کرنے پر توجہ مرکوز کرئے گی اور کشمیر کی منفرد ثقافتی ورثے کے تحفظ کے علاوہ اقتصادی ترقی، تجارت اور روزگار کے مواقع کو فروغ دینے پر اپنی پوری توجہ مرکوز کرئے گی۔ بیان میں مزید کہا گیا کہ اس بات پر اتفاق کیا گیا کہ یہ مشترکہ کوشش جموں و کشمیر کے لئے اتحاد و اتفاق اور مزید خوشحال مستقبل کے راستے کے طور پر کام کرے گی۔
کشمیری پنڈتوں کے وفد نے اس موقع پر کہا کہ انہیں شدید مشکلات کا سامنا کرنے پر مجبور ہونا پڑا، اپنی تمام کمائی، جائیدادیں بچوں کی تعلیم کے حصول کی خاطر فروخت کیں۔ انہوں نے اس بات پر بھی روشنی ڈالی کہ اپنے وطن سے زبردستی نکالے جانے کے باوجود انہوں نے مصیبت کے وقت اپنے مسلمان بھائیوں اور بہنوں کی مدد کی ہے۔ پنڈت وفد نے اس بات پر زور دیا کہ مذہبی رہنما، خاص طور پر میر واعظ عمر فاروق پورے خطے میں اپنے اثر و رسوخ کے پیش نظر اس اقدام کی قیادت کرنے کا اخلاقی اختیار رکھتے ہیں۔ وفد نے میرواعظ عمر فاروق کو یاد دلایا کہ کشمیر کے روحانی پیشوا کی حیثیت سے وہ نہ صرف مسلمانوں بلکہ تمام اقلیتوں کی بھی نمائندگی کرتے ہیں اور یہ کہ ان کی قیادت خطے کے امن اور ہم آہنگی کی بحالی میں کلیدی کردار ادا کرئے گی۔
ذریعہ: Islam Times
کلیدی لفظ: میرواعظ عمر فاروق نے بین کمیونٹی کمیٹی کہ کشمیری کہ کشمیر کشمیر کے انہوں نے کی خاطر کہا گیا کیا گیا وفد نے اس بات کے لئے
پڑھیں:
ہندوتوا کے ماننے والے کبھی مذاکرات سے مسئلہ کشمیر حل نہیں کریں گے، حافظ نعیم الرحمان
امیر جماعت اسلامی پاکستان حافظ نعیم الرحمان نے کہا ہے کہ کشمیر پاکستان کی شہ رگ ہے اور ہم اس کے محافظ ہیں، ہندوتوا کے ماننے والے کبھی مذاکرات سے مسئلہ کشمیر حل نہیں کریں گے، غیرت مند قوم اور فوج کا کام ہے کہ وہ آگے بڑھ کر بزور شمشیر اپنی آزادی حاصل کریں۔
اتوار کو مظفرآباد کے آزادی چوک میں کشمیر یکجہتی مارچ سے خطاب کرتے ہوئے امیر جماعت اسلامی پاکستان انجینیئر حافظ نعیم الرحمان نے کہا کہ ہم قائداعظم محمد علی جناح کے پاکستان کے ساتھ ہیں کسی سیاستدان کے ساتھ نہیں، قائداعظم نے کشمیر کو پاکستان کی شہ رگ قرار دیا تھا اور ہم اس شہ رگ کے محافظ ہیں۔
انہوں نے کہا کہ ہم جہاد سے کسی صورت پیچھے نہیں ہٹیں گے یہ مت کہو کہ ہم پر دہشتگردی کا لیبل لگا دیا جائے گا، آزادی کے حصول کے لیے بزور شمشیر جدوجہد ضروری ہے، مقبوضہ کشمیر میں مزید فوج تعینات کرنے کی بات کی جا رہی ہے، کشمیریوں کی آزادی کے لیے متحدہ جدوجہد جاری رکھنا ہو گی ، ذمہ دار قوم ہیں کسی سے تصادم نہیں چاہتے، لیکن یاد رکھیں ہندوتوا کے ماننے والے کبھی مذاکرات سے مسئلہ کشمیرحل نہیں کریں گے۔
حافظ نعیم الرحمان نے ایک لاکھ کشمیری بچوں کو انفارمیشن ٹیکنالوجی کی مفت تربیت فراہم کرنے کا اعلان کیا۔
حافظ نعیم الرحمان نے کہا کہ اس برھان وانی آزادی چوک سے آزادی کی تحریک کو نیا رخ دے رہے ہیں ۔ انہوں نے کہا کہ اب بھارتی وزیراعظم نریندر مودی کا وقت ختم ہو گیا ہے اور کشمیری قوم کی آزادی کا سورج جلد طلوع ہونے والا ہے۔
حافظ نعیم الرحمان نے کہاکہ ہم ایک ذمہ دار قوم ہیں اور ہم امن چاہتے ہیں لیکن ہم ایک غیرت مند قوم بھی ہیں۔ غیرت مند قوم اور غیرت مند فوج کا کام ہے کہ وہ آگے بڑھ کر بزور شمشیر اپنی آزادی حاصل کریں۔
خطاب کے دوران حافظ نعیم الرحمان نے پاکستان کی سیاسی قیادت سے کہاکہ پاکستان میں تنخواہیں بڑھانے کے لیے تم ایک ہو سکتے ہو تو کشمیر کی آزادی کے لیے کیوں ایک نہیں ہو سکتے۔
ان کا کہنا تھا کہ کشمیریوں نے اپنا کام کر دیا ہے اور مقبوضہ کشمیر کے فراڈ الیکشن میں بی جے پی کو کشمیر سے مسترد کردیا ہے، اب ہمارا کام ہے ہم کشمیریوں کے ساتھ کھڑے ہوں۔ ہم کشمیریوں کی آزادی تک ان کے ساتھ کھڑے رہیں گے۔
قبل ازیں امیر جماعت اسلامی پاکستان حافظ نعیم الرحمان نے وزیر اعظم آزاد کشمیر چودھری انوار الحق سے ملاقات کی۔ ملاقات کے دوران تحریک آزادی کشمیر کو تیز تر کرنے اور بیس کیمپ کی بحالی کے لیے مربوط حکمت عملی پر اتفاق کیا گیا، اس موقع پر امیر جماعت اسلامی آزاد کشمیر ڈاکٹر مشتاق احمد، سابق امیر جماعت اسلامی آزاد کشمیر عبدالرشید ترابی، حریت قیادت اور سیاسی رہنماؤں اور اہم شخصیات نے بھی شرکت کی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آزاد کشمیر آزادی مارچ امیر جماعت اسلامی انوار الحق بجی جے پی پاکستان تحریک آزادی کشمیر جہاد حافظ نعیم الرحمان شہ رگ فراڈ الیکشن قائداعظم محمد علی جناح مظفرآباد مقبوضہ کشمیر وزیر اعظم آزاد کشمیر وی نیوز
لانگ اور شارٹ حج پیکج کی حتمی قیمتیں کیا ؟ باقاعدہ اعلان کردیا گیا