بھارت نے مسلسل دوسری مرتبہ ویمنز انڈر 19 ورلڈ کپ ٹائٹل جیت لیا
اشاعت کی تاریخ: 2nd, February 2025 GMT
بھارت نے فائنل میں جنوبی افریقہ کو شکست دے کر مسلسل دوسری مرتبہ انٹرنیشنل کرکٹ کونسل (آئی سی سی) ویمنز انڈر 19 ٹی20 ورلڈ کپ 2025 کا ٹائٹل بھی اپنے نام کرلیا ہے۔
بھارت نے آئی سی سی ویمنز انڈر 19 ٹی 20 ورلڈ کپ کا اختتام بھی اسی انداز میں کیا جس کا آغاز انہوں نے اعتماد اور شاندار کارکردگی کے ساتھ کیا تھا اور فائنل میں جنوبی افریقہ کو 9 وکٹوں سے شکست دے کر ٹائٹل اپنے نام کر لیا۔
بھارت بمقابلہ جنوبی افریقہآئی سی سی ویمنز انڈر19 ورلڈ کپ کے فائنل میں جنوبی افریقہ نے ٹاس جیت کر پہلے بیٹنگ کرنے کا فیصلہ کیا لیکن پوری اننگز میں جنوبی افریقہ کی بلے باز بھارتی بولرز کے سامنے بے بس نظر آئیں۔
پرونیکا سسودیا نے اوپنر سیمون لورینز کو صفر پر آؤٹ کر کے دباؤ ڈال دیا جبکہ شبنم نے جنوبی افریقہ کی خطرناک بلے باز جیما بوتھا کی اہم وکٹ حاصل کی اور چوتھے اوور کے اختتام تک جنوبی افریقہ کی 2 اہم بلے باز محض 20 رنز کا اضافہ کر کے پویلین لوٹ گئی تھیں۔
بھارتی بولر آیوش شرما نے دباؤ میں اضافہ کرتے ہوئے دیارا رام لکن کو آؤٹ کیا اور پاور پلے کے اختتام تک جنوبی افریقہ کی 29 رنز پر 3 وکٹیں گر چکی تھیں۔ کپتان کیلا رینیکے اور کارابو میسو کے درمیان مختصر پارٹنرشپ نے اننگز کو کچھ آگے بڑھایا لیکن دونوں ہی لگاتار اوورز میں آؤٹ ہو گئیں۔
میکے وان ورسٹ اور فی کاؤلنگ نے 30 رنز کی شراکت قائم کی جو میچ کی سب سے بڑی پارٹنرشپ تھی۔ بھارتی ویمنز بولرز کا دباؤ برقرار رہا اور جنوبی افریقہ کو صرف 82 رنز پر آؤٹ کر دیا۔
گونگاڈی ترشا نے 3 وکٹیں حاصل کیں جبکہ آیوش شکلا نے 9 رنز دے کر 2 وکٹیں حاصل کیں۔ پرونیکا سسودیا، ویشنوی شرما اور شبنم نے بالترتیب 2 اور ایک ایک وکٹ حاصل کی۔
بھارت نے 82 رنز کے ہدف کے تعاقب میں شاندار آغاز کرتے ہوئے پہلے 2 اوورز میں بغیر کسی نقصان کے 18 رنز بنائے اور 4 اوورز کے اختتام تک 36 رنز بنا لیے۔
جنوبی افریقہ کو اس کے بعد ہی واحد کامیابی ملی جب کپتان کیلا رینیکے نے کمالینی جی کو تیز شاٹ کھیلنے پر مجبور کیا، سیمون لورینس نے ان کا شاندار کیچ پکڑا۔
تاہم جنوبی افریقہ کے بولنگ اٹیک کو یہ ایک واحد وکٹ ہاتھ آئی، تریشا گونگڈی نے اپنی شاندار فارم کو جاری رکھتے ہوئے 33 گیندوں پر ناقابل شکست 44 رنز بنائے جس میں 8 چوکے بھی شامل تھے۔
سنیکا چاکے نے ان کا بھرپور ساتھ دیا، سنیکا چاکے نے 22 گیندوں پر 26 رنز بنائے۔ ان دونوں کھلاڑیوں نے جنوبی افریقہ کو 9 وکٹوں سے شکست دے کر آئی سی سی ویمنز انڈر 19 ٹی 20 ورلڈ کپ 2025 کا ٹائٹل اپنے نام کرلیا۔ اس سے قبل دونوں ٹیمیں فائنل میں پہنچنے تک ناقابل شکست رہی تھیں۔
جنوبی افریقہ نے گروپ سی میں نیوزی لینڈ، ساموا اور نائجیریا کو شکست دے کر سپر سکس مرحلے میں 4 اہم پوائنٹس حاصل کیے۔ انہوں نے آئرلینڈ کو شکست دے کر اپنی مضبوط کارکردگی جاری رکھی اور بارش کے باعث ختم ہونے والے میچ کی وجہ سے امریکا کے ساتھ پوائنٹس شیئر کیے۔ سیمی فائنل میں کیلا رینکے کی ٹیم نے آسٹریلیا کو 5 وکٹوں سے شکست دے کر فائنل میں جگہ بنائی تھی۔
دفاعی چیمپیئن بھارت نے بھی ناقابل شکست رہنے کا سلسلہ جاری رکھا اور ویسٹ انڈیز، ملائیشیا اور سری لنکا کے خلاف گروپ مرحلے کے تمام میچ جیتے۔ انہوں نے بنگلہ دیش اور اسکاٹ لینڈ کو شکست دے کر سپر سکس میں اپنی جگہ بنا لی۔
فائنل میں جگہ داؤ پر لگنے کے باوجود بھارت نے انگلینڈ کے خلاف شاندار کارکردگی کا مظاہرہ کرتے ہوئے اپنی جیت کا سلسلہ 6 میچوں تک بڑھا دیا تھا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آئی سی سی انٹرنیشنل کرکٹ کونسل انڈر 19 ورلڈ کپ اننگز بنگلور بھارت پارٹنر شپ ٹائٹل جنوبی افریقہ جیت دوسری کرکٹ کھیل مرتبہ ورلڈ کپ وی نیوز ویمنز ویمنز کرکٹ.ذریعہ: WE News
کلیدی لفظ: انٹرنیشنل کرکٹ کونسل انڈر 19 ورلڈ کپ بنگلور بھارت پارٹنر شپ ٹائٹل جنوبی افریقہ جیت کرکٹ کھیل ورلڈ کپ وی نیوز ویمنز ویمنز کرکٹ میں جنوبی افریقہ جنوبی افریقہ کو جنوبی افریقہ کی کو شکست دے کر ویمنز انڈر 19 فائنل میں بھارت نے ورلڈ کپ حاصل کی
پڑھیں:
حکومت نے پی آئی اے سمیت 10ادارے نجکاری کیلئے فائنل کر لئے
حکومت نے پی آئی اے سمیت 10ادارے نجکاری کیلئے فائنل کر لئے WhatsAppFacebookTwitter 0 11 April, 2025 سب نیوز
اسلام آباد (آئی پی ایس )نجکاری کمیشن نے قومی ایئرلائن اور اسٹیٹ لائف انشورنس سمیت 10 اداروں کو نجکاری کیلئے فائنل کرلیا۔ سینیٹ کی قائمہ کمیٹی برائے نجکاری کا سینیٹر افنان اللہ کی زیر صدارت اجلاس ہوا، جس کے شرکا کو نجکاری ڈویژن نے بریفنگ دی۔نجکاری کمیشن نے اجلاس میں نجکاری کیلیے فہرست میں موجود اداروں کے نام پیش کیے۔حکام نجکاری کمیشن نے اجلاس کے شرکا کو بتایا کہ نجکاری والے اداروں کی فہرست کے فیز 1 میں 10 ادارے شامل ہیں، جن کی نجکاری 1 سال میں مکمل کرنی ہے۔
سینیٹ کمیٹی برائے نجکاری کا سینیٹرافنان اللہ خان کی صدارت میں نجکاری کمیٹی کا اجلاس ہوا، وزیراعظم کے مشیربرائے نجکاری و چیئرمین نجکاری کمیشن محمد علی شریک ہوئے۔نجکاری ڈویژن کی جانب سے قائمہ کمیٹی کو نجکاری ڈویژن بارے اراکین کو بریفنگ دی گئی۔سیکرٹری نجکاری کمیشن کی پرائیوٹائزیشن کمیشن بارے بریفنگ اجلاس میں بتایا گیا کہ نجکاری ڈویژن کے ماتحت نجکاری کمیشن کام کرتا ہے، ڈویژن کے ذمہ نجکاری کے حوالے سے تجاویز سفارشات ہیں۔انہوں نے کہا کہ نجکاری ڈویژن کو نجکاری پالیسی اگست 2024 میں سونپی گئیں، عالمی اداروں سے نجکاری سے متعلق بات چیت زمہ داریوں میں شامل ہیں۔سیکرٹری نجکاری کمیشن نے بتایا کہ نجکاری کمیشن کی زمہ داریوں میں نجکاری مراحل کی تکمیل ہے، نجکاری کمیشن سال 2000 سے پہلے فنانس ڈویژن میں شامل تھا۔ حکام نے بریفنگ میں بتایا گیا کہ کمیشن کی سربراہی چئیرمین اور ممبران اس میں شامل ہوتے ہیں، بورڈ ممبران کی تعیناتی وزیراعظم کی جانب سے دی جاتی ہے۔حکام کے مطابق بورڈ ممبران کی تعنیاتی تین سال کیلئے ہوتی ہے، بورڈ ممبران پرائیوٹ سیکٹر سے لئے جاتے ہیں، قانون کے تحت قومی اسمبلی سینیٹ سے ممبران نہیں لئے جاتے ہیں۔
نجکاری پلان کو بنانا اور پھر اسے کابینہ میں پیش کرنا زمہ داریوں میں شامل ہیں۔نجکاری کمیشن کی جانب سے نجکاری اداروں کی فہرست کمیٹی میں پیش کردی گئی، سیکرٹری نجکاری کمیشن نے کمیٹی کو بتایا کہ مجموعی طور وفاقی حکومت کے 84 ایس او ایز ہیں۔ 84 ایس او ایز میں سے 24 اداروں کی فہرست مرتب ہے۔حکام نے کمیٹی کو بریفنگ دیتے ہوئے کہا کہ نجکاری والے اداروں کی فہرست کے فیز ون میں 10 ادارے شامل ہیں، فیز ون کی فہرست والے اداروں کی نجکاری ایک سال میں مکمل کرنی ہے۔نجکاری کمیشن کے جانب سے کہا گیا کہ پاکستان انٹرنیشنل ائیرلائن، اسٹیٹ لائف انشورنس شامل، یوٹیلیٹی اسٹورزکارپوریشن بھی نجکاری کی فہرست میں شامل ہے۔حکام کے مطابق کے مطابق فرسٹ ویمن بینک لمیٹڈ نجکاری فہرست میں شامل ہے، ہاس بلڈنگ فنانس کمپنی نجکاری، آئیسکو،فیسکو،گیپکو نجکاری کی فہرست میں شامل ہے، پی ایم ڈی سی نجکاری فہرست میں شامل نہیں ہے۔ پی ایم ڈی سی کی نجکاری سے متعلق پیٹرولیم ڈویژن کی سفارش ہے۔مشیر برائے نجکاری محمد علی نے کہا کہ ایس او ایز کیبنٹ کمیٹی اداروں کی فہرست مرتب کرتی ہے، کابینہ کمیٹی برائے حکومتی ملکیتی ادارے 44 اداروں کو دیکھ رہی ہے۔ پی آئی اے پہلے منافع میں تھا پھر عرصہ سے نقصان میں چلا گیا۔مشیر نجکاری نے بریفنگ دیتے ہوئے بتایا کہ اداروں کی نجکاری میں موجودہ اور مستقبل کو مدنظر رکھا جاتا ہے۔انہوں نے کہا کہ کابینہ کمیٹی برائے نجکاری نے پی ایم ڈی سی کو پرائیویٹ کرنے کی منظوری دی ہے، ہیوی الیکٹریکل کمپلیکس کا نجکاری پراس مکمل کیا گیا ہے۔ سروسز انٹرنیشنل ہوٹل کی نجکاری کا مرحلہ مکمل کیا گیا ہے۔
انہوں نے کمیٹی کو بتایا کہ روز ویلٹ ہوٹل کی نجکاری کا مرحلہ ابھی نامکمل ہے، ہاس بلڈنگ فنانس کمپنی اس وقت نجکاری فیز میں ہے، زرعی ترقیاتی بینک نجکاری فیزمیں ہے، فنانشل ایڈوائز پروسس کا آغاز کر دیا گیا ہے۔انہوں مزید کہا کہ زیڈ ٹی بی ایل کیلئے فنانشنل ایڈوائزر کی سفارشات پر فیصلہ ہوگا، زیڈ ٹی بی ایل کو حکومت کمرشل آئیڈنٹٹی دینا چاہتی ہے، وفاقی کابینہ زیڈ ٹی بی ایل کے کام سے متعلق فیصلہ کرے گی۔اراکین کمیٹی نے کہا کہ زیڈ ٹی بی ایل کسانوں کیلئے ماں کی حیثیت رکھتا ہے، زیڈ ٹی بی ایل کسانوں کو قرض فراہم کرتا ہے۔ زرعی ترقیاتی بینک کی نجکاری کسانوں سے ظلم ہوگا۔مشیر برائے نجکاری کمیشن محمد علی نے کہا کہ زیڈ ٹی بی ایل کے نقصانات اربوں میں ہیں، زرعی ترقیاتی بینک کی بیلنس شیٹ نقصانات میں ہے، نجکاری کے بعد بینک کا پورٹ فیلو دیکھنا ہوگا۔مشیر برائے نجکاری کمیشن نے کمیٹی کو یقین دہانی کرائی کہ زیڈ ٹی بی ایل نجکاری ابتدائی مرحلے پر ہے، ہم اس کا پورا تجزیہ کریں گے دیکھیں گے۔مشیر برائے نجکاری کمیشن نے کہا کہ بینک نے قرض دئیے واپسی نہیں لے سکا بہت سے امور کو دیکھنا ہوگا، کمرشل اور اسلامک بینکنگ سیکٹر تمام امور پر سروسز دیتے ہیں۔ چیرمین کمیٹی رانا محمود الحسن نے کہا کہ زیڈ ٹی بی ایل سے متعلق وزیراعظم کو خط لکھ دیتے ہیں، کسانوں سے متعلق امور پر نمائندہ تنظیموں کو بلایا جائے۔
آئی پی یو اسمبلی، چیئرمین سینٹ کا سماجی انصاف کیلئے عالمی پارلیمانی اتحاد کا مطالبہ