سردیوں میں جسم میں طاقت، ہڈیوں اور پٹھوں کے لیے فائدے مند پھل کونسا ہے
اشاعت کی تاریخ: 2nd, February 2025 GMT
اسلام آباد(نیوز ڈیسک)بیر ایک قدرتی غذائیت سے بھرپور پھل ہے جو سردیوں میں جسم کو طاقت، ہڈیوں اور پٹھوں کے لیے بے شمار فوائد فراہم کرتا ہے۔
کبھی کبھی ہم بہت بڑی مشکل کو بہت آسانی سے حل کر سکتے ہیں اگر ہمیں درست معلومات ہوں۔ ہم میں سے اکثر لوگ، نوجوان بچے، اور خواتین پٹھوں اورہڈیوں کی کمزوری کا شکار نظر آتے ہیں اور ان کمزوریوں کی وجہہ سے ایک صحتمند خوبصورت زندگی کی جگہہ بیزار کن زندگی گزار رہے ہوتے ہیں- جبکہ آجکل سردیوں کے موسم میں یہ چھوٹا سا پھل یعنی ’بیر‘ بہت عام ٹھیلوں اور دکانوں پر بکتا نظر آتا ہے ، یہ چھوٹا سا پھل اپنے اندر غزائیت اور طاقت کا خزانہ رکھتا ہے۔
جسمانی طاقت میں اضافہ
بیر میں وٹامن سی، اینٹی آکسیڈنٹس اور قدرتی شکر موجود ہوتی ہے جو جسم کو توانائی فراہم کرتی ہے۔
یہ خون کی گردش کو بہتر بناتا ہے، جس سے جسمانی کمزوری اور تھکن کم ہوتی ہے۔
ہڈیوں کی مضبوطی
بیر میں کیلشیم، فاسفورس اور میگنیشیم شامل ہوتا ہے، جو ہڈیوں کو مضبوط بنانے میں مددگار ہے۔
اس میں موجود اینٹی آکسیڈنٹس ہڈیوں کے ٹوٹنے یا کمزور ہونے کے خطرے کو کم کرتے ہیں۔
پٹھوں کی صحت
بیر میں پروٹین اور آئرن کی مقدار موجود ہوتی ہے، جو پٹھوں کی مضبوطی کے لیے ضروری ہیں۔
اس کے اندر موجود پوٹاشیم اور میگنیشیم پٹھوں میں کھچاؤ اور درد کو کم کرنے میں مدد دیتے ہیں۔
مدافعتی نظام کی بہتری
بیر میں وٹامن سی اور اینٹی آکسیڈنٹس کی وافر مقدار ہوتی ہے جو جسم کے مدافعتی نظام کو مضبوط بناتی ہے، خاص طور پر سردیوں میں وائرل بیماریوں سے بچاؤ میں مدد دیتی ہے۔
جلد اور بالوں کے لیے فائدے
بیر میں موجود وٹامن اے اور سی جلد کو چمکدار اور صحت مند رکھنے میں مدد کرتے ہیں۔
اس میں موجود آئرن بالوں کی جڑوں کو مضبوط بناتا ہے اور بالوں کی نشوونما میں مدد دیتا ہے۔
بیر جسم کے زہریلے مادوں کو خارج کر تا ہے اور جسم کو زہریلے اثرات سے محفوظ رکھتا ہے۔
بیر کھانے کا بہترین طریقہ
بیر کو صبح یا دوپہر کے وقت کھانا زیادہ فائدہ مند ہوتا ہے۔
اسے شہد کے ساتھ ملا کر کھانے سے توانائی میں اضافہ ہوتا ہے۔
بیر کا جوس یا اسموتھی بنا کر بھی استعمال کیا جا سکتا ہے۔
بیر جسم کو قدرتی طاقت فراہم کرنے والا ایک حیرت انگیز پھل ہے۔ اگر آپ صحت مند ہڈیاں، طاقتور پٹھے اور بہترین مدافعتی نظام چاہتے ہیں، تو اس مزیدار پھل کو اپنی غذا کا حصہ ضرور بنائیں۔ یہ بے خوابی کے علاج کے لئے استعمال کیا جاتا ہے، اعصابی نظام کو سکون پہنچا کر جلد سونے میں مدد دیتا ہے۔ پرانے قبض سے نجات دیتا ہے-
مزیدپڑھیں:حکومت نے متنازع پیکا قانون میں ترمیم کا اشارہ دے دیا
ذریعہ: Daily Ausaf
کلیدی لفظ: ہوتی ہے کے لیے جسم کو
پڑھیں:
دل تھام لیں، سوزوکی نے الیکٹرک اسکوٹر متعارف کرادیا
اسلام آباد(نیوز ڈیسک)ویب ڈیسک : سوزوکی موٹر کارپوریشن نے انڈیا میں ہونے والے ’موبیلٹی گلوبل ایکسپو 2025‘ میں اپنا الیکٹرک اسکوٹر ای-ایکسس (e-ACCESS) متعارف کر دیا ہے۔
سوزوکی گلوبل جاپان کے مطابق ’ای-ایکسس‘ سوزوکی کا پہلا عالمی سٹریٹجک BEV اسکوٹر ہے، جو روزانہ آسان استعمال کے لیے بنایا گیا ہے۔ اسے بنانے میں سواری کی آرام دہ گنجائش اور بہتر ڈیزائن، دونوں چیزیں مدنظر رکھی گئی ہیں۔ یہ سوزوکی کی دیگر روایتی موٹرسائیکلوں کی طرح آرام دہ، پائیدار اور ہر لحاظ سے بااعتماد ہے۔
پرائس ٹیگ
اسکوٹر کی قیمت اس کی خصوصیات کے پیش نظر کچھ بھی نہیں ۔ 2لاکھ 36 ہزار روپے کا ای اسکوٹر پائیدار اور بعد از فروخت سروس اور پارٹس کی گارنٹی کے ساتھ دست یاب ہوگا۔
بیٹری اور رینج
اس سکوٹر میں 3.07 کلو واٹ لیتھیم آئرن فاسفیٹ (LFP) بیٹری موجود ہے، جو مکمل چارج ہونے پر 95 کلومیٹر تک سفر کر سکتی ہے۔
رفتار اور طاقت
4.1 کلوواٹ کی الیکٹرک موٹر کے ساتھ 71 کلومیٹر فی گھنٹہ کی رفتار اس اسکوٹر کی سواری کے دوران ممکن ہے۔
چارجنگ
عام چارجر سے چھ گھنٹے 42 منٹ جبکہ فاسٹ چارجر سے دو گھنٹے 12 منٹ میں اسے مکمل چارج کیا جا سکتا ہے۔
اضافی سہولتیں
ریورس موڈ، بیٹری سے دوبارہ توانائی حاصل کرنے والا بریکنگ سسٹم، اور تین رائیڈنگ موڈز اس اسکوٹر میں موجود ہیں۔ چابی کے بغیر اسٹارٹ ہونے کی صلاحیت یعنی پش اسٹارٹ بٹن، جبکہ ایل ای ڈی لائٹنگ سسٹم اسکوٹر میں لگایا گیا ہے۔
دیگر خصوصیات
اس اسکوٹر میں سیٹ کے نیچے 17 لٹر سٹوریج کی جگہ اور سمارٹ فون کنیکٹیویٹی کے ساتھ رنگین TFT LCD میٹر موجود ہے۔ اس کے علاوہ خودکار اوور چارجنگ کو روکنے کے لیے بھی فنکشن موجود ہے۔
سوزوکی کے مطابق مارچ 2025 میں اس کی پروڈکشن شروع ہوگی اور اپریل 2025 میں یہ اسکوٹر انڈیا میں فروخت کے لیے دستیاب ہو گا۔ بعد میں اسے دیگر ممالک میں بھی برآمد کیا جائے گا۔
سوزوکی گلوبل کے صدر توشی ہیرو سوزوکی کے مطابق ’ سوزوکی کاربن نیوٹرل سوسائٹی کے فروغ کے لیے مختلف BEV ماڈل متعارف کرائے گا۔ BEVs کے علاوہ، ہم مصنوعی ایندھن، ہائیڈروجن انجن، اور بائیو فیول سمیت متعدد دیگر آپشنز بھی پیش کرتے ہیں اور اس کا مقصد معاشرے کی جدت اور صارفین کی توقعات پر پورا اترنا ہے۔‘
مزیدپڑھیں:’’صابن دانی‘‘سے اربوں ڈالر کی ’’سوزوکی‘‘ کمپنی بنانے والا چل بسا
وزیرِ اعظم نے کہا ہے ایف بی آر اپنے بجٹ سے گاڑیاں خریدے: اعظم نذیر تارڑ