جنید اکبر خفگی مٹانے کیلئے فاشسٹ زبان کا استعمال کررہے ہیں،رانا تنویر حسین
اشاعت کی تاریخ: 2nd, February 2025 GMT
جنید اکبر خفگی مٹانے کیلئے فاشسٹ زبان کا استعمال کررہے ہیں،رانا تنویر حسین WhatsAppFacebookTwitter 0 2 February, 2025 سب نیوز
نارنگ منڈی(آئی پی ایس )وفاقی وزیرصنعت وپیداوار رانا تنویر حسین نے کہا ہے کہ جنید اکبر خفگی مٹانے کے لیے فاشسٹ زبان کا استعمال کررہے ہیں۔پنجاب کے علاقے نارنگ منڈی میں کارکنوں سے گفتگو کرتے ہوئے رانا تنویر حسین کا کہنا تھا کہ بانی پی ٹی آئی کی تمام تر تخریب کاری کے باوجود دوست ممالک پاکستان کے قریب آگئے، پاکستان بہتری کی طرف گامزن، پی ٹی آئی مثبت سیاست کرے۔
انہوں نے کہا کہ جنید اکبر خان وزیراعظم کے ذریعے چئیرمین پی اے سی بننے کی خفگی مٹانے کے لیے فاشسٹ زبان کا استعمال کررہے ہیں، سائفر سمیت کئی مقدمات اوپن کرنے کی ضرورت ہے۔وفاقی وزیر کا کہنا تھا کہ عوام کو جلد انصاف کی فراہمی کے لئے اعلی عدلیہ میں ججز لگائے جا رہے ہیں، خوارج بیرونی فنڈنگ سے ملک کو کمزور کرنے کے لیے کوشاں ہیں۔رانا تنویر حسین کا کہنا تھا کہ امریکہ کے ساتھ ہمارے اچھے تعلقات، دیگر ممالک کے ساتھ اقتصادی تنازع کے پاکستان پر کوئی منفی اثرات نہیں ہیں۔انہوں نے کہا کہ وزیر اعلی پنجاب مریم نواز صوبے میں بہترین کام کررہی ہیں، پنجاب مزید ترقی کرے گا۔وفاقی وزیر کا مزید کہنا تھا کہ حقائق سامنے آنے پر پی ٹی آئی کا چہرا عیاں ہے، احسن اقبال نے آکسفورڈ یونیورسٹی میں سخت پروپیگنڈا کا سدباب کیا، پی ٹی آئی کے زہریلے پروپیگنڈا نے نوجوانوں کو ورغلایا۔
.ذریعہ: Daily Sub News
کلیدی لفظ: فاشسٹ زبان کا استعمال کررہے ہیں رانا تنویر حسین کہنا تھا کہ جنید اکبر پی ٹی آئی
پڑھیں:
کوئی کسی غلط فہمی میں نہ رہے، اس بار تیاری کیساتھ اسلام آباد جائیں گے: جنید اکبر
کوئی کسی غلط فہمی میں نہ رہے، اس بار تیاری کیساتھ اسلام آباد جائیں گے: جنید اکبر WhatsAppFacebookTwitter 0 2 February, 2025 سب نیوز
پشاور: پاکستان تحریک انصاف خیبرپختونخوا کے صد ر و رکن قومی اسمبلی جنید اکبر خان نے کہا ہے کہ کوئی کسی غلط فہمی میں نہ رہے ، اس بار ہم پوری تیاری کے ساتھ اسلام آباد جائیں گے۔
میڈیا سے گفتگو کرتے ہوئے صوبائی صدر پی ٹی آئی جنید اکبر کا کہنا تھا کہ ہمیں امید نہیں تھی ہم پر اسلام آباد میں گولیاں چلائی جائیں گی، کوئی اس غلط فہمی میں نہ رہے کہ ہم ڈر جائیں گے، اس بار پوری تیاری کے ساتھ اسلام آباد جائیں گے، عمران خان نے حکم دیا تو انہیں اور عوام کو مایوس نہیں کریں گے۔
انہوں نے کہا کہ جس تھانے کی حدود میں پی ٹی آئی کا ورکر قید ہوگا تو ورکرز اس تھانے کی حدود میں پہنچیں گے، تمام ورکر اس تھانے کے باہر دھرنا دیں گے،میں وہی بات کرتا ہو جو کر سکوں،میں اس طرح کے ڈرامے مزید برداشت نہیں کروں گا۔
جنید اکبر کا کہنا تھا کہ ہم نہیں چاہتے پارٹی ، اداروں یا حکومت کے ساتھ تصادم ہو، پارٹی ہدایات کے مطابق رابطے ہورہے تھے، ہم درمیانہ راستہ نکالنا چاہتے ہیں تاکہ ایک پرامن حل کی طرف جائیں، 8 فروری کو صوابی میں جلسے کے حوالے سے تیاریاں کی جارہی ہیں، صوابی کا جلسہ تاریخ کا سب سے بڑا جلسہ ہوگا۔
صدر پی ٹی آئی خیبر پختونخوا نے مزید کہا کہ وزیر اعلیٰ علی امین گنڈا پور حکومت پر اور میں پارٹی سیاست پر فوکس کروں گا،پارٹی میں اب جزاء اور سزا کا نظام لاؤں گا،میں کسی وزارت کی دوڑ میں نہیں ہوں، جو گراؤنڈ میں کام کرے گا وہ آگےآئے گا، حکومت میں تبدیلیاں وزیراعلی کا منڈیٹ ہے میرا کوئی عمل دخل نہیں۔
چیف سیکریٹری کے پی کی نئے چینی سال کی مبارکباد