190 ملین پاؤنڈ پاکستان کی تاریخ کا سب سے بڑا ڈاکا ہے، عطا اللہ تارڑ
اشاعت کی تاریخ: 2nd, February 2025 GMT
فائل فوٹو۔
وفاقی وزیرِ اطلاعات عطا اللّٰہ تارڑ نے کہا ہے کہ 190 ملین پاؤنڈ پاکستان کی تاریخ کا سب سے بڑا ڈاکا ہے، ہم نے کہا تھا کہ بانی پی ٹی آئی کے ہاتھ کرپشن سے رنگے ہوئے ہیں۔
لاہور میں پریس کانفرنس سے خطاب کرتے ہوئے انہوں نے کہا کہ ان لوگوں نے توشہ خانہ سے گھڑیاں چوری کیں، جب بھی ملک میں ترقی ہوئی وہ ن لیگ کے دور میں ہوئی ہے۔
عطاء اللّٰہ تارڑ کا کہنا تھا کہ پی ٹی آئی کا عوامی مسائل سے کوئی سروکار نہیں تھا، پی ٹی آئی اپنے دور میں صرف پیسہ کمانے میں لگی ہوئی تھی۔
وفاقی وزیرِ اطلاعات عطاء اللّٰہ تارڑ کا کہنا ہے کہ ہوم گرون اکنامک ایجنڈا ’میڈ اِن پاکستان‘معاشی اصلاحات کا ایجنڈا ہے۔
وزیر اطلاعات کا مزید کہنا تھا کہ ہم آپ لوگوں کے نمائندے ہیں آپ کے مسائل حل کرنا ہمارا فرض ہے۔ سڑکوں کی تعمیر، صاف، پانی اور گیس کے مسائل حل ہوں گے۔
انہوں نے کہا کہ مہنگائی کم ہوگی پاکستان کی معیشت کا دنیا کی بہترین معیشت میں شمار ہوگا۔
عطاء اللّٰہ تارڑ کا کہنا تھا کہ اسٹاک مارکیٹ روز نئے ریکارڈ بنا رہی ہے، ملک میں کاروبار بحال ہو رہا ہے، ہمارا عوام سے وعدہ تھا کہ عوام کے درمیان رہیں گے۔
.ذریعہ: Jang News
کلیدی لفظ: ہ تارڑ نے کہا تھا کہ
پڑھیں:
اسلامی معارف میں سب سے اہم عقیدہ توحید ہے، مولانا ضیاءالحسن نجفی
جامع مسجد علی حوزہ علمیہ جامعتہ المنتظر میں جمعہ کے اجتماع سے خطاب میں ممتاز عالم دین کا کہنا تھا کہ چاہے نبی ہوں یا امام کسی کی محبت اور نفرت میں حد سے تجاوز نہ کریں، حضرت آدم ؑ سے لے کر خاتم النبیین(ص) تک سب اپنے وجود کی تخلیق میں اللہ کے محتاج ہیں، عقیدہ توحید جتنا خالص ہو گا، اعمال میں اتنا ہی اخلاص پیدا ہو گا۔ اسلام ٹائمز۔ مولانا سید ضیاءالحسن نجفی نے جامع مسجد علی حوزہ علمیہ جامعتہ المنتظر ماڈل ٹاون لاہور میں خطبہ جمعہ دیتے ہوئے کہا ہے کہ اسلامی معارف میں سب سے اہم رکن عقیدہ توحید ہے، یعنی اللہ تعالیٰ کو وحدہ لا شریک ماننا۔ انہوں نے کہا تمام انبیاء علیہم السلام کی بعثت کی غرض و غایت اللہ کی وحدانیت کا پیغام لوگوں تک پہنچانا ہے۔ ان کا کہنا تھا چاہے نبی ہوں یا امام کسی کی محبت اور نفرت میں حد سے تجاوز نہ کریں۔ یہودی اور مسیحی اپنے انبیاءکے بارے میں تجاوز کرتے تھے، لیکن افسوس مسلمانوں میں بھی کچھ لوگ آئمہ اور پیروں بارے غلو کرتے ہیں، اس کی اجازت نہیں، یہ گناہ ہے۔
انہوں نے کہا کہ اللہ کسی کا محتاج نہیں، کہا جاتا ہے کہ فلاں نہ ہوتے تو اللہ کا فلاں کام نہ ہو سکتا تھا۔ دین میں غلو ہے۔ اللہ سارے گناہ بخش سکتا ہے مگر شرک کو معاف نہیں کیا جائے گا۔ اللہ کیساتھ کہنا کہ فلاں نے مشورہ دیا فلاں کو اولاد دے دیں یا یہ کہنا کہ اللہ تعالیٰ نے کہا اولاد نہیں مگر فلاں شخصیت نے کہا اس کی اولاد ہو گی، تو یہ شرک ہے۔ جس کی کوئی معافی نہیں۔ اللہ کو کسی کے مشورے یا مدد کی ضرورت نہیں۔
مولانا ضیاء الحسن نجفی نے کہا ہم ابن تیمیہ کے نظریات کو ماننے والے نہیں، عقیدہ توحید لینا ہے تو نہج البلاغہ میں کلام امام علی علیہ السلام سے لیں۔ اللہ تعالیٰ یکتا ہے، اس کا وجود واجبہ ہے، وہ کسی کی تخلیق کا محتاج نہیں، حضرت آدم علیہ السلام سے لے کر خاتم النبیین حضرت محمد مصطفی صلی اللہ علیہ وآلہ وسلم تک سب اپنے وجود کی تخلیق میں اللہ کے محتاج ہیں۔ انہوں نے کہا کائنات کا مدبر اللہ ہے، دریاوں کی روانی انسانوں کی پیدائش اللہ کا اختیار ہے، کسی امام کے بارے کہنا کہ نظام اپنی انگلی سے چلاتے ہیں درست نہیں۔ عقیدہ توحید جتنا خالص ہو گا، اعمال میں اتنا ہی اخلاص پیدا ہو گا۔
دولت مشترکہ ایشیا یوتھ الائنس سمٹ کی میزبانی پر خوشی ہے:شہباز شریف