عمرے کی آڑ میں گداگری میں ملوث 10 ملزمان کراچی ایئرپورٹ سے گرفتار
اشاعت کی تاریخ: 2nd, February 2025 GMT
ایف آئی اے امیگریشن نے کراچی ایئر پورٹ پر بڑی کارروائیاں کرتے ہوئے عمرے کی آڑ میں گداگری میں ملوث 10 ملزمان کو گرفتار کرلیا۔
ترجمان ایف آئی اے کی جانب سے جاری بیان کے مطابق گرفتار ملزمان کی شناخت شاہنواز ، افسر علی، مجتہد حسین ، محمد عادل، راحب علی، ضمیر حسین کے نام سے ہوئی، گرفتار ملزمان میں وصید، شیراز خان، مبین علی سولنگی اور خدا بخش بھی شامل ہیں۔
بیان کے مطابق گرفتار ملزمان فلائٹ نمبر SV-704 کے ذریعے سعودی عرب سے پاکستان پہنچے، ملزمان کو گداگری میں ملوث ہونے پر سعودی عرب سے ڈیپورٹ کیا گیا۔
بیان میں کہا گیا کہ گرفتار ملزمان کا تعلق راجن پور ، کشمور، نوشیرو فیروز، لاہور پشاور، مہمند اور لاڑکانہ کے مختلف علاقوں سے ہے، گرفتار ملزمان عمرے کی آڑ میں گداگری میں ملوث پائے گئے۔
ایف آئی اے کے مطابق ابتدائی تفتیش کے ملزمان نے عمرہ ویزہ پر سعودی عرب گئے تھے، ملزمان سعودی عرب میں گزشتہ کئی ماہ سے گداگری میں ملوث رہے، گرفتار ملزمان کو مزید قانونی کاروائی کے لیے انسدادِ انسانی سمگلنگ سرکل کراچی منتقل کر دیا گیا ہے۔
اس میں کہا گیا کہ ایف آئی اے امیگریشن کی جانب سے تمام ائیر پورٹس پر سخت اسکریننگ کا عمل جاری ہے ، بیرون ملک جانے والے مسافروں کی تمام پہلووں سے جانچ پڑتال کی جارہی ہے، گداگری میں ملوث ملزمان کے خلاف سخت کاروائیاں جاری ہیں۔
.ذریعہ: Express News
کلیدی لفظ: گداگری میں ملوث گرفتار ملزمان
پڑھیں:
کراچی: لوٹ مار کی وارداتوں میں ملوث ڈاکوؤں کا 5 رکنی گینگ گرفتار
سرجانی ٹاؤن پولیس نے لوٹ مار کی وارداتوں میں ملوث ڈاکوؤں کے 5 رکنی ڈکیت گینگ کو گرفتار کرلیا۔
ڈسٹرکٹ ویسٹ پولیس نے 2 مختلف کاروائیوں میں 5 رکنی ڈکیت گینگ اور کلینک میں ڈکیتی کرنے والے لنگڑے ڈاکو کو بھی گرفتار کرلیا ۔
تفصیلات کے مطابق ڈسٹرکٹ ویسٹ کے تھانے سرجانی ٹاؤن پولیس نے تیسر ٹاؤن سیکٹر 51 میں چھاپہ مار کارروائی کے دوران ڈکیتی کی وارداتوں میں ملوث ڈاکوؤں کے 5 رکنی گروہ کو گرفتار کرلیا۔
ایس ایچ او سرجانی غلام حسین پیرزادہ نے بتایا کہ گرفتار ڈاکوؤں کی شناخت کامران ولد محمد عالم، محمد اسد ولد بیت اللہ، عبدالرحمٰن ولد محمد لائق، سفیان ولد محمد ندیم اور محمد جابر ولد محمد طارق کے نام سے کی گئی جبکہ ڈاکوؤں کے قبضے سے 2 پستول ، گولیاں ، چھینے گئے موبائل فونز ، نقدی اور 2 موٹر سائیکلیں برآمد ہوئی ہیں۔
گرفتار ڈاکوؤں کی ایک سی سی ٹی وی فوٹیج بھی سامنے آئی ہے جس میں انہوں نے نیو کراچی گیس سلنڈر کی دکان پر واردات کی تھی ۔
انہوں نے مزید بتایا کہ ڈاکوؤں کے قبضے سے ملنے والی دونوں موٹر سائیکلیں عوامی کالونی اور سائٹ بی تھانے کی حدود سے چوری کی گئی تھیں اور ان کے مقدمات بھی درج ہیں ۔
گرفتار ڈاکوؤں کے 5 رکنی گروہ نے ابتدائی تفتیش کے دوران شہر کے مختلف علاقوں میں اسٹریٹ کرائمز کی وارداتوں کا انکشاف کیا ہے اور اس حوالے سے پولیس مزید تحقیقات کر رہی ہے۔
دریں اثناء ڈسٹرکٹ ویسٹ کے تھانے پاکستان بازار پولیس نے کلینک میں لوٹ مار کی واردات میں ملوث لنگڑے ڈاکو کو گرفتار کرلیا۔
ایس ایچ او عنایت اللہ مروت نے بتایا کہ گرفتار ڈکیت نے گزشتہ ماہ 28 جنوری کو ساتھی کے ہمراہ اورنگی ٹاؤن سیکٹر ساڑھے گیارہ میں قائم امین کلینک میں گھس کر لوٹ مار کی واردات کی تھی جس کی سی سی ٹی وی فوٹیج بھی منظر عام پر آئی تھی جس میں پینٹ شرٹ پہنے اسلحہ تھامے ہوئے ایک ڈکیت لنگڑا کر چلتے ہوئے دکھائی دیا تھا۔
اس فوٹیج کی مدد سے پولیس نے خفیہ ذرائع سے ملنے والی اطلاع پر چھاپہ مار کارروائی کے دوران واردات میں ملوث ڈکیت محمد حسان ولد محمد الیاس کو گرفتار کرلیا جس کے قبضے سے اسلحہ ، گولیاں ، موبائل فون ، نقدی اور موٹرسائیکل برآمد کی ہے جو کہ اقبال مارکیٹ تھانے سے چوری کی گئی تھی۔
عنایت مروت نے بتایا کہ گرفتار ڈکیت پولیو کا شکار ہے جبکہ وہ نشہ پورا کرنے کے لیے موٹر سائیکلیں بھی چوری کر کے پاک کالونی میں لیجا کر فروکت کرتا ہے جبک گرفتار ڈاکو نے شہر کے مختلف علاقوں سے موٹر سائیکلیں چوری کر کے فروخت کرنے کا بھی انکشاف کیا ہے ، پولیس کلینک کی واردات میں شامل دوسرے ڈاکو کی تلاش میں چھاپے مار رہی ہے ۔
بھارت: تفریح کے دوران کزن نے کمپریسر سے ہوا بھردی، شہری جان کی بازی ہار گیا