ایران کے نئے بیلسٹک میزائل کی رونمائی
اشاعت کی تاریخ: 2nd, February 2025 GMT
اسلام آباد (اُردو پوائنٹ ۔ DW اردو۔ 02 فروری 2025ء) دو فروری بروز اتوار تہران سے موصولہ خبر رساں ایجنسی اے ایف پی کی رپورٹ کے مطابق ایران نے اپنی عسکری طاقت کا مظاہرہ کرتے ہوئے ایک نئے بیلسٹک میزائل کی رونمائی کی۔ اس موقع پر تہران میں منعقدہ تقریب نقاب کشائی میں ایرانی صدر مسعود پیزشکیان نے شرکت کی۔
سرکاری ٹیلی ویژن نے میزائل کی تصاویر نشر کیں، جسے ' اعتماد‘ کا نام دیا گیا ہے۔
کہا گیا ہے کہ اس کی زیادہ سے زیادہ رینج 1,700 کلومیٹر (1,056 میل) ہے اور یہ ایرانی وزارت دفاع کی طرف سے ''سب سے حالیہ دنوں میں تیار کیا جانے والا بیلسٹک میزائل‘‘ ہے۔ایرانی میزائلوں کی رینج کیا ہے اور یہ کتنے طاقتور ہیں؟
واضح رہے کہ مغربی ممالک ایران کے بیلسٹک میزائل پروگرام میں پیشرفت پر تشویش کا اظہار کرتے ہوئے اس پر مشرق وسطیٰ کو غیر مستحکم کرنے کا الزام لگاتے ہیں۔
(جاری ہے)
ایران کے میزائل، بشمول نئے بیلسٹک میزائل کے، تہران کے دیرینہ حریف اسرائیل تک پہنچنے کی صلاحیت رکھتے ہیں۔ ایران نے غزہ کی جنگ کے دوران گزشتہ سال دو بار اسرائیل کو نشانہ بنایا تھا۔
ایرانی صدر مسعود پیزشکیان نے سرکاری ٹیلی وژن چینل پر اپنے ایک خطاب میں کہا، ''دفاعی صلاحیتوں اور خلائی ٹیکنالوجیز کی ترقی کا مقصد یہ یقینی بنانا ہے کہ کوئی بھی ملک ایرانی سرزمین پر حملہ کرنے کی جرات نہ کرے۔
‘‘بائیڈن ایران کے جوہری تنصیبات پر اسرائیلی حملوں کے حق میں نہیں
تقریب رونمائی
ایران کے جدید ترین بیلسٹک میزائل کی تقریب رونمائی ایران کے قومی ایرو اسپیس ڈے کے موقع پر اور 10 فروری 1979ء کو اسلامی جمہوریہ کے قیام کی 46 ویں سالگرہ سے چند روز قبل منعقد ہوئی۔
امریکی صدر ڈونلڈ ٹرمپ کی واپسی کے بعد سے، جنہوں نے اپنی پہلی مدت میں ایران پر ''زیادہ سے زیادہ دباؤ‘‘ کی پالیسی اختیار کی تھی، تہران نے طاقت کے متعدد مظاہرے کیے ہیں، جن میں بڑے پیمانے پر فوجی مشقیں اور زیر زمین فوجی اڈوں کی پریزنٹیشن شامل ہے۔
ساتھ ہی، تہران نے اپنے جوہری پروگرام پر مذاکرات دوبارہ شروع کرنے پر آمادگی کا عندیہ دیا ہے۔ ایران کا نیوکلئیر پروگرام کئی دہائیوں سے مغربی ممالک کے ساتھ کشیدگی کا سبب بنا ہوا ہے۔ایران اسرائیل پر میزائل حملے کی تیاری کر رہا ہے، امریکہ
ایران کی ہتھیار سازی
ایران، جو کبھی اپنے فوجی ساز و سامان کے لیے اس وقت کے اتحادی امریکہ پر انحصار کرتا تھا، 1979ء کے اسلامی انقلاب کے بعد سے واشنگٹن کی جانب سے تعلقات منقطع کرنے اور پابندیوں کا شکار رہا ہے اور تب سے اپنے ہتھیار سازی پر خود انحصاری اختیار کرنے پر مجبور ہے۔
ایران 1980ء سے 1988ء تک عراق کے ساتھ جنگ کے سبب ہتھیاروں کی پابندی کا شکار رہا۔ اب ایران کے پاس اپنے بنائے گئے ہتھیاروں کا کافی ذخیرہ ہے، جس میں میزائل، فضائی دفاعی نظام اور ڈرونز شامل ہیں۔ک م/ا ب ا (اے ایف پی)
.ذریعہ: UrduPoint
کلیدی لفظ: تلاش کیجئے بیلسٹک میزائل میزائل کی ایران کے
پڑھیں:
جویریہ عباسی نے اپنے شوہر کو اداکاری کی اجازت کیوں نہ دی؟
پاکستانی ڈراما انڈسٹری کی سینئر اداکارہ جویریہ عباسی نے اپنے دوسرے شوہر عدیل حیدر کو شوبز میں متعارف کرانے کے ارادے پر لب کشائی کردی۔
ڈراما ‘ ببن خالہ کی بیٹیاں’ ، ‘دہلیز’ ، ‘کاش میں تیری بیٹی نہ ہوتی’ ، ‘چاہتیں’ اور ‘دیا’ جیسے ڈراموں میں بہترین اداکاری کے جوہر دکھانے والی اداکارہ جویریہ عباسی گزشتہ سال دوسری بار رشتہ ازدواج میں منسلک ہوئی ہیں۔
اس سے قبل انہوں نے شمعون عباسی سے شادی کی تھی جبکہ 2009 میں ان دونوں کی طلاق ہو گئی تھی۔تاہم ازدواجی زندگی کے ان سالوں میں اس جوڑے نے ایک بیٹی عنزیلہ عباسی کا خیرمقدم کیا۔
شوہر سے علیحدگی کے بعد جویریہ عباسی نے تنہا اپنی بیٹی کی پرورش کی اور سال 2023 میں تاشفین انصاری نامی شخص کیساتھ انہیں رخصت کردیا۔
بیٹی کا فرض ادا کرنے کے بعد جویریہ عباسی نے بھی تنہائی کو دور کرنے کیلئے دوسری شادی کا فیصلہ کیا اور پھر سال2024 میں پہلے منگنی کا اعلان کرنے کے بعد چند ماہ بعد نکاح کا بھی اعلان کرکے فینز کو دنگ کردیا۔
اب جویریہ عباسی اپنے نئے ہمسفر کیساتھ خوشگوار ازدواجی زندگی گزار رہی ہیں اور انکے ساتھ خوبصورت لمحات سے بھی اپنے فینز کو محظوظ کرتی نظر آرہی ہیں۔
حال ہی میں اداکارہ اپنے شوہر کے ہمراہ اداکار شہود علویٰ کی صاحبزادی اریجہ کی شادی میں شریک ہوئیں جہاں انہوں نے عرفانستان کو ایک مختصر انٹرویو دیا۔
صحافی کی جانب سے جوڑے سے سلام دعا کے بعد انکی پہلی ملاقات کا سوال کیا گیا بعد ازاں صحافی نے اداکارہ سے سوال پوچھا کہ کیا ہم جیجو ’عدیل حیدر’ کو شوبز میں دیکھ سکیں گے؟
View this post on InstagramA post shared by Irfanistan ???? (@irfanistan)
جسکے جواب میں جویریہ نے فوراً مسکراتے ہوئے کہا نہیں ایسا کبھی نہیں ہوگا۔ان کا ڈراموں میں کام کرنے کا کوئی ارادہ نہیں ہے’۔
اداکار کا کہنا ہے کہ،’ عدیل ایساکبھی نہیں کریں گے کیونکہ وہ صرف میرے ہیرو ہیں۔’
جویریہ عباسی کے اس جواب کے بعد سوشل میڈیا صارفین اداکارہ کیلئے انکی جوڑی کی سلامتی کی دعائیں کرتے نظر آرہے ہیں اور ساتھ ہی انکی محبت کی تعریف کررہے ہیں۔
سڑکوں کی سیاست بھی کرنا جانتے ہیں، تصادم نہیں مفاہمت کی ضرورت ہے، عالیہ حمزہ