جمہوریت پسند پی ٹی آئی کا پول 9 مئی کے گھناؤنے واقعات نے عیاں کردیا، مرتضیٰ وہاب
اشاعت کی تاریخ: 2nd, February 2025 GMT
مرتضیٰ وہاب— فائل فوٹو
پیپلز پارٹی کے چیئرمین بلاول بھٹو زرداری کے ترجمان مرتضیٰ وہاب نے پی ٹی آئی رہنما عمر ایوب کے بیان پر ردعمل دیا ہے۔
مرتضیٰ وہاب نے کہا ہے کہ پیپلز پارٹی کی جمہوریت کے لیے قربانیوں کو دنیا جانتی ہے،جمہوریت پسند پی ٹی آئی کا پول 9 مئی کے گھناؤنے واقعات نے عیاں کردیا۔
مشیرِ اطلاعات خیبر پختون خوا بیرسٹر محمد علی سیف کا کہنا ہے کہ پیپلز پارٹی پیکا ایکٹ ترامیم میں برابر کی شریک ہے۔
انہوں نے کہا کہ معصوم کارکنوں کو ریاست مخالف بیانیے پر لگانے والے کون ہیں؟ الزام تراشی پی ٹی آئی کا پرانا وتیرہ ہے۔
مرتضیٰ وہاب نے یہ بھی کہا کہ مشکل وقت میں کارکن کو اپنا ماننے سے انکار کردیا کیا یہ جمہوریت ہے؟
.ذریعہ: Jang News
کلیدی لفظ: پیپلز پارٹی پی ٹی آئی
پڑھیں:
وزیرِ اعظم سے کہتا ہوں کراچی کے لیے خزانے کھولیں: میئر کراچی مرتضیٰ وہاب
میئر کراچی مرتضیٰ وہاب---فائل فوٹومیئر کراچی مرتضیٰ وہاب نے ایم کیو ایم پاکستان کو مل کر کام کرنے کی پیشکش کرتے ہوئے کہا ہے کہ فاروق بھائی میرے ساتھ چلیں، جس طرح کہیں گے کام کریں گے۔
یوتھ کلب میں محکمۂ کھیل کی جانب سے پاکستان یوتھ پارلیمنٹ کی تقریب کا انعقاد کیا گیا جہاں میئر کراچی مرتضیٰ وہاب نے پینل ڈسکشن میں شرکت کی۔
کراچیایم کیو ایم پاکستان کے سینئر رہنما ڈاکٹر...
خطاب کے دوران میئر مرتضیٰ وہاب نے کہا کہ گراؤنڈ ریلیٹی دیکھ کر فاروق ستار، مصطفیٰ کمال اور خالد مقبول کام کرنا چاہتے ہیں تو تیار ہوں۔
انہوں نے کہا کہ ایم کیو ایم پاکستان والوں سے کہتا ہوں کہ آئیں مل کر کام کریں، لڑائی کرنے سے معاملات حل نہیں ہوں گے، باتیں اور پریس کانفرنس کرنے سے خدمت نہیں ہوتی۔
مرتضیٰ وہاب نے کہا کہ کراچی کا سب سے بڑا مسئلہ پینے کے پانی کا ہے، فاروق ستار پانی کہاں سے لے کر آئیں گے؟
انہوں نے کہا کہ لاہور میں زیرِ زمین میٹھا پانی موجود ہے، مگر یہاں نہیں ہے، پانی کے مسئلے پر لاہور کی مثال کراچی میں نہیں دے سکتے، بحثیت شہری ہم اپنا فرض نہیں ادا کرتے، جب سب اپنے فرائض نبھانے لگیں گے تو مسائل حال ہو جائیں گے۔
مرتضیٰ وہاب نے کہا کہ منعم ظفر کو شاید گھر والوں کو دکھانا ہوتا ہے کہ وہ کچھ نہ کچھ کر رہے ہیں، اس بات پر ایم کیو ایم سے معذرت کرتا ہوں کہ میں کام کر رہا ہوں۔
مرتضیٰ وہاب کا کہنا ہے کہ کے ایم سی کی 106 سڑکوں کے علاوہ اندرونی سڑکوں پر بھی کام ہو رہا ہے، سیاسی جماعتیں آتی اور چلی جاتی ہیں، وہی سیاسی جماعتیں رہتی ہیں جو عوام کے حقوق پر بات کرتی ہیں، ہم کام کرنا چاہتے ہیں۔
مرتضیٰ وہاب نے کہا ہے کہ ایم کیو ایم وزیرِ اعظم کو کہے کہ وفاق کراچی کی مدد کرے، ہر سیاسی جماعت کو کہتا ہوں کہ ہمارے دروازے کھلے ہیں، وزیرِ اعظم سے کہتا ہوں کراچی کے لیے خزانے کھولیں، کراچی کو 15 ارب نہیں 1500 ارب روپے ملنے چاہئیں، ڈیولپمنٹ کسی اور شہر کو زیادہ ملتی ہے کراچی کو نہیں ملتی۔
انہوں نے کہا کہ اسلام باد میں بیٹھے ہوئےحضرات کراچی کے لیے اپنا دل بڑا کریں، ملک بھر میں وفاقی حکومت موٹر وے بنا رہی ہے، وفاق، سکھر، حیدرآباد موٹر وے کیوں نہیں بنا رہی؟ پورے ملک کا موٹر وے وفاق بنا دیتی ہے، سکھر حیدرآباد موٹر وے نہیں بناتی۔
میئر مرتضیٰ وہاب نے یہ بھی کہا کہ کوئی بھی شخص جو اچھے فیصلےکر رہا ہو وہ لیڈر ہو سکتا ہے۔
کراچی امیر جماعت اسلامی کراچی منعم ظفر خان نے کہا...
ان کا کہنا ہے کہ ہماری پارٹی پیپلز پارٹی کے لیڈر بلاول بھٹو زرداری جوان ہیں، ہمارے معاشرے میں بہت ناامیدی پیدا ہو گئی ہے، پاکستان کے سارے لوگ ملک چھوڑ کر تو نہیں جا سکتے۔
مرتضیٰ وہاب کا یہ بھی کہنا ہے کہ لیڈر شپ اور نوجوان نسل میں تعلق بنانے کی ضرورت ہے، بلاول بھٹو پی ڈی ایم حکومت بنانے کے لیے کراچی سے اسلام آباد نکلے ہیں۔
مرتضیٰ وہاب نے کہا کہ سوئی گیس کمپنی گیس نہیں دیتی مگر سڑکیں کھود کر چلی جاتی ہے۔
قومی اسمبلی کی قائمہ کمیٹی برائے اطلاعات و نشریات کا اجلاس