فلاڈیلفیا میں طیارہ حادثہ، ہلاکتیں 7 ہوگئیں، 19زخمی
اشاعت کی تاریخ: 2nd, February 2025 GMT
امریکی ریاست پینسلوینیا کے شہر فلاڈیلفیا میں طیارہ حادثے میں ہلاکتوں کی تعداد 7 ہوگئی ہے، حادثے میں 19 افراد زخمی بھی ہوئے۔
فلاڈیلفیا کے شمال مشرقی علاقے میں چھوٹا طیارہ گرکر تباہ ہوگیا تھا، حادثے میں پہلے 6 افراد کے ہلاک ہونے کی اطلاع تھی۔
امریکی میڈیا کے مطابق حادثے کے بعد طیارے میں آگ لگ گئی، طیارہ گرنے کی تحقیقات شروع کردی گئی ہیں۔
خبر رساں اداروں کے مطابق حادثے کی جگہ پر امدادی کارروائیاں جاری ہیں۔
.ذریعہ: Daily Mumtaz
پڑھیں:
سشمیتا سین کی سابقہ بھابھی مالی مشکلات کے باعث کپڑے بیچنے پر مجبور ہوگئیں
ممبئی(نیوز ڈیسک) بالی وڈ کی معروف فلم اسٹار سشمیتا سین کی سابقہ بھابھی چارو اسوپا مالی مشکلات کے باعث آن لائن شلوار قمیض اور ساڑھیاں فروخت کرنے پر مجبور ہوگئیں۔
انڈین میڈیا کی رپورٹس کے مطابق چارو اسوپا ٹیلی ویژن کی اداکارہ اور سشمیا سین کی سابقہ بھابھی ہیں جو حال ہی میں بیٹی زیانا کے ہمراہ ریاست راجستھان میں اپنے آبائی شہر بیکانیر منتقل ہوئیں۔
سوشل میڈیا پلیٹ فارمز پر چارو اسوپا کی ایک ویڈیو سامنے آئی جس میں وہ آن لائن شلوار قمیض اور ساڑھیاں فروخت کر رہی ہیں، ایسے میں صارفین نے ان کے مالی حالات پر سوال اٹھایا۔
چارو اسوپا نے میڈیا سے گفتگو میں تصدیق کی کہ انہوں نے آن لائن کپڑے فروخت کرنے کا کام شروع کیا ہے۔
ٹیلی ویژن کی اداکارہ نے کہا کہ میں اپنے آبائی شہر بیکانیر شفٹ ہوگئی ہوں اور فی الحال والدین کے ساتھ رہائش پذیرا ہوں، زیانہ اور مجھے یہاں منتقل ہوئے ایک ماہ سے زیادہ کا عرصہ ہوگیا ہے۔
انہوں نے بتایا کہ ممبئی میں رہنا اب آسان نہیں کیونکہ وہاں رہائش مہنگی ہے، میرا ماہانہ 1 سے 1.5 لاکھ روپے خرچہ ہے جس میں گھر کا کرایہ اور دیگر چیزیں شامل ہیں۔
مالی حالات کے بارے میں ان کا کہنا تھا کہ جب آپ کچھ نیا شروع کرتے ہیں تو ہر کوئی جدوجہد کرتا ہے تو پھر میرے معاملے میں کیا فرق ہے؟ میں آرڈر لینے سے لے کر پیکج بھیجنے تک اسٹاک حاصل کرنے تک سب کچھ خود کر رہی ہوں۔
اداکارہ نے بتایا کہ جب میں اداکاری کیلیے ممبئی آئی تھی تو یہ بھی آسان نہیں تھا، میں نے نام بنانے کیلیے بہت جدوجہد کی، اب میں سوچتی ہوں کہ میں اپنے بچے پر توجہ مرکوز کروں اور نئے کاروبار پر توجہ دوں۔
چارو اسوپا معروف بالی وڈ اداکارہ سشمیتا سین کے بھائی راجیو سین کی سابقہ اہلیہ ہیں جن کی طلاق کا معاملہ سرخیوں میں رہا تھا، سابق جوڑے کی ایک بیٹی زیانا ہے جو والدہ کے ساتھ رہتی ہیں۔
سابق شوہر سے متعلق چارو اسوپا نے کہا کہ وہ ہمیشہ بیٹی سے ملنے آتے ہیں، ممبئی چھوڑنے سے پہلے میں نے انہیں اپنے منصوبوں کے بارے میں اطلاع دی تھی۔
آن لائن کپڑے بیچنے کی وجہ بتاتے ہوئے ان کا کہنا تھا کہ یہ ایسا نہیں ہے کہ میں کسی بڑے پروجیکٹ کی شوٹنگ کر رہی ہوں بلکہ زیانا پر توجہ مرکوز کرنا چاہتی ہوں اور میں یہاں سے ڈیجیٹل مواد کی شوٹنگ بھی کر سکتی ہوں، اگر مجھے شوٹ کیلیے سفر کرنا پڑے تو گھر واپس آنے کا سب سے اچھا حصہ یہ ہے کہ میں زیانا کو ہمیشہ نانی کے ساتھ چھوڑ جاؤں۔
مزیدپڑھیں:پی ٹی آئی سوشل میڈیا ایکٹوسٹ کوجسمانی ریمانڈ پر پولیس کے حوالے کر دیا گیا
غیر قانونی افغان تارکین وطن کےانخلا کی مہم جاری رہے گی، شرجیل میمن