8فروری کااحتجاج جنیداکبرکا کڑا امتحان
اشاعت کی تاریخ: 2nd, February 2025 GMT
اسلام آباد(طارق محمودسمیر) تحریک انصاف نے 8 فروری کو عام انتخابات کا ایک سال مکمل ہونے پر ملک گیر احتجاج اور صوابی میں بڑے احتجاجی جلسے اور خیبرپختونخوا
کو ملانے والے پنجاب ، گلگت بلتستان کے راستے بلاک کرنے کا باضابطہ اعلان کردیا ہے ، یہ اعلان خیبرپختونخوا تحریک انصاف کے صدر جنید اکبر نے کیا ہے اور یہ بھی کہا ہے کہ اب اسٹیبلشمنٹ سے کوئی بات نہیں ہوگی ، ماضی کی قیادت اسٹیبلشمنٹ سے ضرور رابطے کرتی رہی ہے ، ہم عوامی قوت کے بل بوتے پر اپنے مطالبات منوائیں گے جس پر وزیر داخلہ محسن نقوی نے تحریک انصاف کی قیادت سے یہ درخواست کردی ہے کہ 8فروری کے احتجاج کی کال پر نظرثانی کریں ، اگر ایسا نہ کیا گیا تو پھر ایسا ہی ہوگا جیسا پہلے ہوگا ، وزیر داخلہ محسن نقوی حکومت اور اسٹیبلشمنٹ دونوںکی نمائندگی کرتے ہیں اور حال ہی میں امریکہ کا دورہ کر کے آئے ہیں ۔ علی امین گنڈا پور، بیرسٹر گوہر اور بیرسٹر سیف ، محسن نقوی کے ذریعے ہی ہمیشہ اسٹیبلشمنٹ سے رابطے اور ملاقاتیںکرتے رہے ہیں ، 26نومبرکو احتجاج سے قبل بھی رابطے ہوئے تھے، تحریک انصاف کے رہنما بعدمیں یہ انکشاف کرتے رہے کہ اگر سنگجانی دھرنا دینے کی تجویز مان لی جاتی تو 26نومبرکے واقعات نہ ہوتے اور عمران خان کی رہائی کا راستہ بھی ہموار ہوجاتا یا انہیں بنی گالہ سب جیل منتقل کردیا جاتا، تحریک انصاف کے اندر اختلافات کی خبریں بھی آتی رہتی ہیں اور عمران خان نے حال ہی میںگنڈا پورکو پارٹی کی صوبائی صدارت سے ہٹا کر جنید اکبر کو نئی ذمہ داریاں سونپی ہیں اور جنید اکبر کیلئے یہ کڑا امتحان ہے کہ وہ 8فروری کا احتجاج کتنا کامیاب بناتے ہیں اور گنڈا پور ان کیساتھ کتنا تعاون کرتے ہیں ، بعض تجزیہ نگاروں کے مطابق اگر 8فروری کو احتجاج کیلئے گنڈا پور نے جنید اکبر سے تعاون نہ کیا گیا توگنڈا پورکی وزارت اعلیٰ خطرے میں پڑ سکتی ہے ، جہاں تک راستے بند کرنے کا تعلق ہے تو اس حوالے سے بھی سوچ سمجھ کر بات کرنی چاہیے ، راستے بند کرنے سے کیا حکومت پر دبائو پڑے گا یا صرف عوام کو ہی مشکلات کا سامنا کرنا ہوگا ، جی ایچ کیو حملہ کیس میں پراسیکیوٹر کی جانب سے عدالت میں 15تصاویر بطور ثبوت پیش کی گئیں اور اس دوران جی ایچ کیو حملے میں نقصانات کا تخمینہ لگانے والے ایس ڈی او بلڈنگ کا بیان بھی قلمبند کیا گیا جس میں بتایا گیا کہ مجموعی نقصانات 7لاکھ 80ہزار کا ہوا، عدالت میں استغاثہ کی جانب سے 13یو ایس بی بھی جمع کرائی گئیں ، جی ایچ کیو حملہ کیس کی سماعت تیزی سے آگے بڑھ رہی ہے اور عمران خان پوری سماعت میں موجود ہوتے ہیں اور اسی دوران ان کی وکلاء اور صحافیوں سے ملاقاتیں بھی ہوجاتی ہیں ۔
ذریعہ: Daily Mumtaz
کلیدی لفظ: تحریک انصاف جنید اکبر ہیں اور
پڑھیں:
اپوزیشن لیڈر کا سندھ کینال کی قرار داد اور جنید اکبر کی تقریر پارلیمنٹ ریکارڈ سے غائب ہونے کا الزام
اپوزیشن لیڈر کا سندھ کینال کی قرار داد اور جنید اکبر کی تقریر پارلیمنٹ ریکارڈ سے غائب ہونے کا الزام WhatsAppFacebookTwitter 0 15 April, 2025 سب نیوز
پشاور (سب نیوز)اپوزیشن لیڈرعمر ایوب نے قومی اسمبلی سیکرٹریٹ سے سندھ کینال سے متعلق قرار داد اور جنید اکبر کی تقریر ریکارڈ سے غائب ہونے کا الزام عائد کرتے ہوئے اسپیکر ایاز صادق سے معاملے کی انکوائری کر کے ملوث افراد کے خلاف ایف آئی آر درج کروانے کا مطالبہ کر دیا۔
پشاور ہائیکورٹ میں میڈیا سے گفتگو کرتے ہوئے اپوزیشن لیڈر عمر ایوب کا کہنا تھا کہ تحریک اںصاف کی سندھ کنال پرقرار داد اسمبلی سیکرٹریٹ سے غائب ہوئی، پچھلے سال اسلام آباد پارلیمنٹ سے ہمارے بندوں کو اٹھایا گیا جس پر اسپیکر قومی اسمبلی نے کمیٹی بنائی مگر کچھ نہ ہوا۔اپوزیشن لیڈر نے کہا کہ بانی پی ٹی آئی سے ملاقاتوں پر پابندی آئین اور قانون کی خلاف ورزی ہے۔
عمر ایوب نے کہا کہ جنید اکبر نے کاٹلنگ حملے کے حوالے سے اسمبلی میں تقریر کی تھی، ذرائع نے بتایا کہ جنید اکبر کی تقریر اسمبلی کے ریکارڈ سے ڈیلیٹ کر دی گئی، اسپیکر کسٹوڈین آف دی ہاس ہے، پارلمنٹ کے ایوان کا تحفظ آپ کا کام ہے۔ان کا کہنا تھا کہ قومی اسمبلی کا ریکارڈ کسی جماعت کی پراپرٹی نہیں ہے اور ایوان اور عوام کی ملکیت ہے۔انہوں نے مطالبہ کیا کہ اسپیکر ایاز صادق سندھ کنال اور جنید اکبر کی تقریر ایوان سے غائب ہونے کی انکوئری کریں اور جو بھی اس میں ملوث ہو اسکے خلاف ایف آئی آر درج کروائی جائے۔
پارٹی رہنماوں کے ایک دوسرے پر الزامات، عمران خان نے وارننگ دیدی