وزیراعلیٰ پنجاب کی 16ممالک کے ڈیفنس اتاشیز سے ملاقات، شاہی قلعہ کی سیر بھی کرائی گئی
اشاعت کی تاریخ: 2nd, February 2025 GMT
وزیراعلیٰ پنجاب مریم نواز نے کہا کہ لاہور صرف پنجاب کا دل ہی نہیں، بلکہ پاکستان کی ثقافتی اور تاریخی روح ہے۔ لاہور کی تاریخ، ثقافت اور فن تعمیر ہماری عظیم تہذیبی وراثت کا مظہر ہے۔ بادشاہی مسجد، لاہور فورٹ اور شالامار باغ صرف عمارتیں نہیں، بلکہ ایک شاندار ماضی کی عکاس ہیں۔ لاہور کا شہر روایت اور جدت کا حسین امتزاج ہے، جو مسلسل ثقافتی ترقی کی راہ پر گامزن ہے۔لاہوری کے طعام اور مہمان نوازی دنیا بھر میں اپنی مثال آپ ہیں۔ اسلام ٹائمز۔ وزیراعلیٰ پنجاب مریم نواز نے شاہی قلعہ میں ظہرانہ پر 16 ممالک کے ڈیفنس اتاشیز سے ملاقات کی۔ مہمانوں میں امریکہ، روس، جرمنی، جاپان، تھائی لینڈ، انڈونیشیا، لیبیا، ملائیشیا، مالدیپ، میانمار، نائیجیریا، بلغاریہ، روانڈا، تاجکستان اور فلپائن کے ڈیفنس اتاشی شامل ہیں۔ وزیراعلیٰ مریم نواز نے لاہور قلعہ کی تاریخی شاہی عرض گاہ کے احاطے میں تمام مہمانوں کا خود خیر مقدم کیا۔ وزیراعلیٰ نے ڈیفنس اتاشی اور ان کے اہلخانہ کو خوش آمدید کہا، بچوں سے اظہار شفقت کیا۔ وزیراعلیٰ کی دعوت پر ڈیفنس اتاشی اور مہمانوں کو شاہی قلعہ کے تاریخی مقامات کی سیاحت کرائی گئی۔ غیر ملکی مہمانوں اور بچوں نے وزیر اعلیٰ کیساتھ سیلفیاں بنائیں۔ غیرملکی سفراء نے شاہی قلعہ کی تاریخی اور دنیا کی سب سے بڑی پکچر وال کا مشاہدہ کیا اور سراہا۔مہمانوں کی لاہور کے روایتی دیسی کھانوں سے تواضع کی گئی۔
وزیراعلیٰ پنجاب مریم نواز نے کہا کہ لاہور صرف پنجاب کا دل ہی نہیں، بلکہ پاکستان کی ثقافتی اور تاریخی روح ہے۔ لاہور کی تاریخ، ثقافت اور فن تعمیر ہماری عظیم تہذیبی وراثت کا مظہر ہے۔ بادشاہی مسجد، لاہور فورٹ اور شالامار باغ صرف عمارتیں نہیں، بلکہ ایک شاندار ماضی کی عکاس ہیں۔ لاہور کا شہر روایت اور جدت کا حسین امتزاج ہے، جو مسلسل ثقافتی ترقی کی راہ پر گامزن ہے۔لاہوری کے طعام اور مہمان نوازی دنیا بھر میں اپنی مثال آپ ہیں۔ لاہور دانشوروں، شاعروں اور فنکاروں کا ہمیشہ مرکز رہا ہے، شاعر مشرق کا مسکن اور مدفن ہونے کا اعزاز بھی حاصل ہے۔ بیرون ملک سے آنیوالے تمام مہمانوں کو اہل لاہور کی طرف سے خوش آمدید کہتی ہوں۔ لاہور کا دورہ پاکستان سے وابستگی اور تعلقات کو مزید مضبوط کرے گا۔ مجھے یقین ہے کہ ہمارے مہمان اپنے وطن واپس جاکر پاکستان کے سفیر بنیں گے۔ اُمید ہے کہ دوست ممالک کے ڈیفنس اتاشی کا دورہ باہمی تعلقات اور تعاون کے ایک نئے باب کا آغاز ثابت ہوگا۔
عراق کے ڈیفنس اتاشی کرنل احمد نے وزیراعلیٰ مریم نواز کو دورۂ عراق کی دعوت بھی دی۔ لاہور والڈ سٹی اتھارٹی کے ڈائریکٹر جنرل کامران لاشاری نے شاہی قلعہ کی تاریخی اہمیت بیان کی۔ غیر ملکی مہمانوں نے لاہور کے شاہی قلعہ کے تاریخی آثار قدیمہ میں دلچسپی کا اظہار کیا۔ وزیراعلیٰ مریم نواز کو مہمانوں کی جانب سے سووینئر پیش کیا گیا۔
ذریعہ: Islam Times
کلیدی لفظ: مریم نواز نے شاہی قلعہ قلعہ کی
پڑھیں:
لاہور اور راولپنڈی کے درمیان پہلی بلٹ ٹرین منصوبے کا مستقبل کیا ہوگا؟
پنجاب حکومت نے لاہور سے راولپنڈی تک پاکستان کی پہلی بلٹ ٹرین چلانے کا فیصلہ کیا ہے، بلٹ ٹرین کے ذریعے مسافر لاہور سے راولپنڈی کا سفر 2 گھنٹے 20 منٹ میں مکمل کریں گے، بلٹ ٹرین کے مختلف روٹس اور اسٹاپ بھی ہوں گے۔
ذرائع کے مطابق پاکستان ریلوے اور پنجاب حکومت کے اشتراک سے لاہور اور راولپنڈی کے درمیان بلٹ ٹرین کے منصوبے کو مکمل کیا جائے گا، اس منصوبے کے لیے وزیر اعلیٰ پنجاب مریم نواز نے سینئر صوبائی وزیر مریم اورنگزیب کو ٹاسک دیا ہے کہ وہ پاکستان ریلویز کے ساتھ مل کر اس منصوبے کی فیزیبلیٹی جلد مکمل کریں۔
یہ بھی پڑھیں:میٹرو بس اور اورنج ٹرین کے بعد نئی سفری سہولت، لاہور میں پہلی ٹرام کب چلے گی؟
پاکستان کی پہلی بلٹ ٹرین کے منصوبے کے لیے پنجاب حکومت نے ورکنگ گروپ تشکیل دیا گیا ہے، سینئر صوبائی وزیر مریم اورنگزیب اور وفاقی وزیر ریلوے حنیف عباسی کی زیر صدارت اس ورکنگ گروپ کے پہلے اجلاس میں منصوبے کی فیزیبلیٹی کا جائزہ لے کر مختلف اداروں سے رائے طلب کی گئی ہے۔
منصوبے کی فیزیبلٹی اسٹڈی، ٹائم لائن کی تیاری کے لیے صوبائی وزیر ٹرانسپورٹ پنجاب بلال اکبر خان، مشیر وزیراعلیٰ پنجاب شاہد تارڑ، چیئرمین ریلوے اور سی ای او ریلوے پر مشتمل ورکنگ گروپ کی جانب سے پیش کردہ تجاویز آئندہ ہفتے وزیراعلیٰ مریم نواز کو پیش کی جائیں گی۔
مزید پڑھیں: پنجاب پہلی صوبائی ایئر لائن ‘ایئر پنجاب’ اور پہلی بلٹ ٹرین چلانے کے لیے تیار
ذرائع کے مطابق چونکہ اس منصوبے پر ہزاروں ارب روپے اخراجات متوقع ہیں، اس لیے منصوبے کو پبلک پرائیویٹ پارٹنرشپ ماڈل کے تحت چلانے کی بات بھی کی جا رہی ہے، بلٹ ٹرین منصوبے کی تکمیل سے لاہور سے راولپنڈی تک کا سفر کرنے والوں کا پیسہ اور وقت دونوں بچیں گے، تاہم یہ منصوبہ خزانہ پر بڑا بوجھ ہو گا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بلٹ ٹرین پاکستان ریلویز پبلک پرائیویٹ پارٹنرشپ راولپنڈی لاہور مریم نواز وزیراعلٰی پنجاب
لسبیلہ : ٹرک اور کار میں ٹکر سے 4 افراد جاں بحق