شام کے صدر احمد الشرع کا پہلا غیرملکی دورہ، آج سعودی عرب روانگی
اشاعت کی تاریخ: 2nd, February 2025 GMT
شام کے نو منتخب صدر احمد الشرع آج (اتوار) سعودی عرب کے لیے روانہ ہو رہے ہیں، جہاں وہ 2 روز قیام کریں گے۔ یہ ان کا پہلا غیرملکی سرکاری دورہ ہوگا، جس کی اہمیت اس لیے بھی زیادہ ہے کہ حال ہی میں شام میں بڑی سیاسی تبدیلیاں ہوئی ہیں۔
اس دورے میں شام اور سعودی عرب کے تعلقات، خطے کی صورتحال اور دیگر اہم امور پر بات چیت متوقع ہے۔ بدھ کو شام کی نئی حکومت نے احمد الشرع کو عبوری صدر مقرر کیا تھا، ساتھ ہی پرانی سیکیورٹی ایجنسیاں، مسلح گروہ، پارلیمنٹ اور بعث پارٹی کو ختم کرنے جیسے بڑے فیصلے کیے گئے، جبکہ سابقہ آئین کو بھی منسوخ کر دیا گیا تھا۔
یہ بھی پڑھیں: شام کا آئین معطل، احمد الشرع عبوری صدر نامزد
صدر الشرع کے منصب سنبھالنے کے بعد سعودی فرمانروا شاہ سلمان بن عبدالعزیز اور ولی عہد شہزادہ محمد بن سلمان نے انہیں مبارکباد دی اور ان کی کامیابی کے لیے نیک خواہشات کا اظہار کیا۔
اس سے پہلے، رواں ماہ کے آغاز میں شام کے وزیر خارجہ اسعد الشیبانی نے بھی ریاض کا دورہ کیا تھا، جبکہ گزشتہ جمعہ سعودی وزیر خارجہ شہزادہ فیصل بن فرحان دمشق پہنچے، جہاں انہوں نے شام کی نئی حکومت کی حمایت کا اعلان کرتے ہوئے مغربی پابندیاں ختم کرانے میں مدد کی یقین دہانی کرائی تھی۔ یہ دورہ شام اور سعودی عرب کے تعلقات میں نئے باب کے آغاز کی علامت سمجھا جا رہا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
دورہ سعودی عرب سعودی فرمانروا شاہ سلمان بن عبدالعزیز سعودی وزیر خارجہ شہزادہ فیصل بن فرحان شام قیام ملاقاتیں نو منتخب صدر احمد الشرع وزیر خارجہ اسعد الشیبانی ولی عہد شہزادہ محمد بن سلمان.ذریعہ: WE News
کلیدی لفظ: سعودی فرمانروا شاہ سلمان بن عبدالعزیز سعودی وزیر خارجہ شہزادہ فیصل بن فرحان قیام ملاقاتیں نو منتخب صدر احمد الشرع وزیر خارجہ اسعد الشیبانی ولی عہد شہزادہ محمد بن سلمان احمد الشرع
پڑھیں:
سعودی ولی عہد محمد بن سلمان کے دورہ پاکستان کی تیاریوں کا آغاز
ریاض : پاکستان اور سعودی عرب کے حکام سعودی ولی عہد محمد بن سلمان کے متوقع دورے کی تیاریوں میں سرگرم ہیں، جو آئندہ ماہ ہونے کی توقع ہے۔ اس دورے کے دوران دونوں ممالک کے درمیان تعلقات کو مزید مستحکم کرنے پر بات چیت کی جائے گی۔
حالیہ دنوں میں سعودی عرب کے تین اعلیٰ سطحی وفود پاکستان کا دورہ کر چکے ہیں، جہاں انہوں نے مختلف شعبوں میں تعاون بڑھانے کے حوالے سے پاکستانی حکام سے تبادلہ خیال کیا۔ اس دورے کے دوران اقتصادی، تجارتی اور سیکیورٹی کے حوالے سے اہم معاملات پر بات چیت کی جائے گی۔
ایس یو سی جنوبی پنجاب کے صوبائی صدر علامہ عامر ہمدانی کی علامہ عارف حسین واحدی سے ملاقات