واشنگٹن طیارہ حادثے میں جاں بحق پاکستانی خاتون اسریٰ حسین کی لاش مل گئی
اشاعت کی تاریخ: 2nd, February 2025 GMT
واشنگٹن:
امریکی ریاست واشنگٹن میں ہونے والے ایک دل دہلا دینے والے طیارہ حادثے میں جاں بحق ہونے والی پاکستانی خاتون اسریٰ حسین کی میت اہلخانہ کے حوالے کر دی گئی ہے۔ اسریٰ حسین کی تدفین اتوار کو انڈیانا پولس میں کی جائے گی۔
26 سالہ اسریٰ حسین کا تعلق امریکی ریاست انڈیانا کے علاقے کارمل سے تھا۔ وہ امریکی پاکستانی حامد رضا کی اہلیہ تھیں۔ اسریٰ نے 2020 میں انڈیانا یونیورسٹی بلومینگٹن سے ہیلتھ کیئر مینجمنٹ میں گریجویشن کی تھی اور بعد ازاں کولمبیا یونیورسٹی سے اسی شعبے میں ماسٹرز کی ڈگری حاصل کی۔
اسریٰ اور حامد کی ملاقات انڈیانا یونیورسٹی میں ہوئی تھی، جہاں حامد نے 2017 سے 2021 کے دوران کیلی اسکول آف بزنس سے فنانس میں گریجویشن کیا۔
اسریٰ حسین اپنے کام کے سلسلے میں کنساس گئی ہوئی تھیں، اور واشنگٹن ائیرپورٹ کے قریب ہونے والے حادثے میں ان کی موت واقع ہوئی۔
اس حادثے میں مسافر طیارہ اور فوجی ہیلی کاپٹر کے آپس میں ٹکرانے کے نتیجے میں دونوں طیاروں میں سوار 67 افراد جاں بحق ہوگئے تھے۔
.ذریعہ: Express News
پڑھیں:
امریکی خاتون اونیجا اینڈریو نے سندھ پولیس کی خاتون افسر سے اظہارِ محبت کردیا
پاکستانی لڑکے کی محبت میں گرفتار ہو کر پاکستان پہنچنے والی 33 سالہ امریکی خاتون اونیجا اینڈریو رابنسن نے واپس امریکا پہنچنے کے بعد سندھ پولیس کی خاتون افسر شبانہ جیلانی کے لیے محبت کا اظہار کیا ہے۔
اونیجا اینڈریو نے برطانوی نشریاتی ادارے بی بی سی کے ایشین نیٹ ورک کو انٹرویو دیا ہے، جس میں انہوں نے سندھ پولیس کی خاتون پولیس افسر شبانہ جیلانی کی تعریف کرتے ہوئے کہا ہے کہ وہ بہت اچھی تھیں انہوں نے پاکستان میں میری دیکھ بھال کی۔
خاتون کا کہنا تھا کہ شبانہ بہت اچھی شخصیت کی مالک تھیں اور انہوں نے شبانہ کو اپنی ٹیم قرار دیا تھا لیکن شبانہ کے ساتھ دوسرے افسر بھی ان کی خدمت پر مامور تھے۔
View this post on Instagram
A post shared by BBC Asian Network (@bbcasiannetwork)
میزبان نے کہا کہ وہ انہیں اور شبانہ کو نیویارک میں اکھٹا دیکھنا چاہتے ہیں اور یہ ان کا خواب ہے جس پر اونیجا اینڈریو نے کہا کہ شبانہ کو نیویارک بہت پسند آئے گا۔
آخر میں میزبان نے اونیجا اینڈریو سے پوچھا کہ وہ شبانہ کو کیا پیغام دینا چاہیں گی جس پر انہوں نے محبت کا پیغام دیتے ہوئے کہا کہ وہ شبانہ سے پیار کرتی ہیں۔
یہ بھی پڑھیں: پاکستانی سے شادی کے لیے کراچی آنے والی امریکی خاتون کی نیو یارک میں موج مستی
واضح رہے کہ اونیجا اینڈریو رابنسن 11 اکتوبر 2024 کو کراچی کے 19 سالہ ندال احمد میمن کی محبت میں پاکستان پہنچی تھیں، دونوں کے درمیان آن لائن رابطہ تھا، تاہم بعد ازاں لڑکے اور اس کے اہل خانہ نے خاتون سے ملنے سے انکار کردیا تھا۔ انہیں فروری 2025 میں ڈیپورٹ کردیا گیا تھا۔
پاکستان سے واپس بھیجے جانے سے قبل انہیں کراچی کے جناح ہسپتال کے نفسیاتی وارڈ میں کچھ دن تک زیر علاج بھی رکھا گیا تھا، جہاں خاتون پولیس افسر شبانہ جلبانی ان کی دیکھ بھال پر تعینات تھیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اونیجا اینڈریو رابنسن
مسلمانوں پر وقف ایکٹ مسلط کیا جارہا ہے، چندر شیکھر آزاد