دوست نما دشمن کچھ بھی کریں ان کو قوم اور مسلح افواج کی مربوط طاقت سے شکست ہوگی, جنرل عاصم منیر
اشاعت کی تاریخ: 2nd, February 2025 GMT
سٹی42: چیف آف آرمی سٹاف جنرل عاصم منیر نے کہا ہے کہ نام نہاد دوست نما دشمن کچھ بھی کریں ان کو قوم اور مسلح افواج کی مربوط طاقت سے شکست ہوگی۔
آئی ایس پی آر کے مطابق آرمی چیف جنرل سید عاصم منیر نے یہ باتیں بلوچستان کے دورہ کے دوران دہشتگردوں اور شر پسند سازشیوں سکے ساتھ پیچیدہ لڑائی لڑنے میں مصروف سکیورٹی آفیسرز کے ساتھ گفتگو کرتے ہوئے کہیں۔
آرمی چیف جنرل عاصم منیر نے کل بلوچستان کا دورہ کیا تو انہیں بلوچستان کی موجودہ سیکیورٹی صورتحال پربریفنگ دی گئی جس میں سینیئر سکیورٹی اور انٹیلی جنس حکام نے بھی شرکت کی۔
پنجاب کے اساتذہ کیلئے برُی خبر
بلوچستان کے دورہ کے دوران جنرل سید عاصم منیر نے قلات میں دہشتگردوں کے ساتھ جھڑپ میں شہید ہونے والے اہلکاروں کی نمازِ جنازہ میں بھی شرکت کی۔ گورنر اور وزیراعلیٰ بلوچستان کبھی ان کے ساتھ شہدا کی نماز جنازہ میں شامل ہوئے۔
آرمی چیف نے سی ایم ایچ کوئٹہ میں قلات کی جھڑپ میں زخمی جوانوں کی عیادت کی اورملک کے دفاع کیلئے جوانوں کے غیر متزلزل عزم کو سراہا۔
لاہور میں سکیورٹی خدشات کے پیش نظر ہائی الرٹ جاری
بلوچستان میں فورسز کی کارروائیوں میں 23 دہشتگرد ہلاک ہوئے، اس مقابلے میں ایف سی کے 18 جوان شہید ہوئے۔
آرمی چیف نے کہا کہ نام نہاد دوست نما دشمن کچھ بھی کریں ان کو شکست ضرور ملے گی، دشمنوں کو قوم اور مسلح افواج کی مربوط قوت سے شکست ہوگی۔
عام تعطیل کا اعلان
جنرل عاصم منیر نے کہا کہ اپنے غیر ملکی آقاؤں کے ایجنٹ بن کر دُہری پالیسیوں کی پیروی کرنے والوں سے آگاہ ہیں، وطن کے دفاع کیلئے جب بھی ضرورت پڑی ہم جوابی کارروائی کریں گے اور دفاع وطن کیلئے جب بھی ضرورت پڑی، یہ لوگ جہاں کہیں بھی ہوں گے، ان کا پیچھا کیا جائے گا، یہ دشمن ہماری قوم اور مسلح افواج کی ثابت قدمی سے ضرور شکست کھائیں گے۔
آرمی چیف نے قانون نافذ کرنے والے اداروں کے بہادر افسروں اور جوانوں کی دہشتگردی کے خلاف کاوشوں کو سراہا اور بلوچستان کے عوام کی سلامتی اور فلاح و بہبود کو یقینی بنانے کے عزم کا اعادہ کیا۔
غالب مارکیٹ پولیس کا شیشہ پارٹی پر چھاپہ، 5 خواتین سمیت 24 ملزمان گرفتار
چیف نے امن اورترقی کو فروغ دینے کی کوششوں میں صوبائی حکومت کی حمایت جاری رکھنےکے عزم کا بھی اعادہ کیا۔
بلوچستان کے علاقے قلات اور ہرنائی میں سکیورٹی فورسز نے کارروائیاں کرتے ہوئے 23 دہشتگردوں کو جہنم واصل کر دیا جبکہ مقابلے میں ایف سی کے 18 بہادر جوانوں نے جام شہادت بھی نوش کیا۔ 31 جنوری اور یکم فروری کی رات دہشتگردوں نے روڈ بلاک کرنے کی کوشش کی تھی، سکیورٹی فورسز اور قانون نافذ کرنے والے ادارے فوری متحرک ہوئے اور سکیورٹی فورسز نے دہشتگردوں کے مذموم عزائم کو کامیابی سے ناکام بنایا۔
چیئرمین پی سی بی محسن نقوی علی الصبح قذافی اسٹیڈیم پہنچ گئے
Waseem Azmet.ذریعہ: City 42
پڑھیں:
نام نہاد دوست نما دشمن کچھ بھی کرلیں انہیں قوم کے تعاون سے شکست ضرور ملے گی، آرمی چیف
راولپنڈی(نیوز ڈیسک)آرمی چیف جنرل سید عاصم منیر نے کہا ہے کہ غیر ملکی آقاؤں کے آلہ کار جو دہشت گردی میں ملوث ہیں ان سے آگاہ ہیں اور نام نہاد دوست نما دشمن کچھ بھی کرلیں انہیں قوم کے تعاون سے پاک آرمی کے سامنے شکست ہوگی۔
پاک فوج کے شعبہ تعلقات عامہ (آئی ایس پی آر) کے مطابق چیف آف آرمی اسٹاف جنرل سید عاصم منیر نے بلوچستان کا دورہ کیا، جہاں انہیں سیکیورٹی صورتحال پر جامع بریفنگ دی گئی، بریفنگ میں سینیئر عسکری اور انٹیلیجنس حکام بھی شریک ہوئے۔
ترجمان پاک فوج کے مطابق آرمی چیف، گورنر اور وزیراعلیٰ بلوچستان نے شہید سیکیورٹی اہلکاروں کی نماز جنازہ میں شرکت کی اور زخمیوں کی عیادت کے لیے سی ایم ایچ کا دورہ کیا، جہاں جنرل عاصم منیر نے زخمی ہونے والے فوجی جوانوں کی عیادت کی۔
یاد رہے کہ بلوچستان کے ضلع قلات کے علاقے منگوچر میں سیکیورٹی فورسز نے کارروائیوں کے دوران 23 دہشت گردوں کو ہلاک کیا جب کہ جوابی کارروائی میں فورسز کے 18 اہلکار بھی شہید ہوگئے۔
آئی ایس پی آر کا کہنا تھا کہ پاک فوج کے سربراہ نے دہشت گردی کے خلاف فورسز اور سیکیورٹی اداروں کے کردار اور ملکی دفاع کے لیے سیکیورٹی اہلکاروں کے غیرمتزلزل عزم کو سراہا۔
پاک فوج کے سربراہ جنرل عاصم منیر نے کہا کہ دہشت گردوں اور ان کے سہولت کاروں کو قوم کے ساتھ ملکر شکست دیں گے، جب بھی جہاں بھی ضرورت پڑی دشمنوں کا قلع قمع کرنے کیلئے لازمی کارروائی کریں گے۔
آرمی چیف کا کہنا تھا کہ غیر ملکی آقاؤں کے آلہ کار جو دہشت گردی میں ملوث ہیں ان سے آگاہ ہیں، یہ عناصر منافقت کا دہرا معیار اپنا کر درپردہ دوسر ی طرف سے کھیل رہے ہیں تاہم مادر وطن اور عوام کے دفاع کے لیے ہم یقیناً دہشت گردوں کا سراغ لگا کر انہیں انجام تک پہنچائیں گے۔
جنرل عاصم منیر نے مزید کہا کہ دوست نما دشمن کچھ بھی کرلیں انہیں قوم کے تعاون سے پاک آرمی کے سامنے شکست ہوگی۔
صدر مملکت آصف علی زرداری اور وزیراعظم شہباز شریف نے دہشت گرد حملے کی مذمت کی اور خوارج کے خلاف بروقت کارروائی کرتے ہوئے جامِ شہادت نوش کرنے پر شہدا کو خراج عقیدت پیش کیا۔
واضح رہے کہ گزشتہ 24 گھنٹوں کے دوران بلوچستان کے ضلع قلات کے علاقے منگوچر میں سیکیورٹی فورسز نے یکم فروری کی رات کو کارروائی کرتے ہوئے 23 دہشت گردوں کو ہلاک کردیا، آپریشن کے دوران سیکیورٹی فورسز کے 18 اہلکار بھی شہید ہوگئے۔
آئی ایس پی آر کے مطابق قلات کے علاقے منگوچر میں دہشت گردوں نے سڑک بلاک کرنے کی کوشش کی جس پر سیکیورٹی فورسز نے فوری آپریشن شروع کیا۔
واقعے کی اطلاع ملنے پر سیکیورٹی فورسز اور قانون نافذ کرنے والے اداروں کو فوری طور پر متحرک کیا گیا، جنہوں نے دہشت گردوں کے مذموم عزائم کو کامیابی کے ساتھ ناکام بنا دیا اور مقامی آبادی کے تحفظ کو یقینی بناتے ہوئے 12 دہشت گردوں کو ہلاک کیا۔
آئی ایس پی آر کے مطابق آپریشن کے دوران مٹی کے 18 بہادر بیٹوں نے بہادری سے لڑتے ہوئے لازوال قربانی دی اور شہادت کو گلے لگا لیا۔
ترجمان پاک فوج نے بتایا کہ قلات کے علاقے منگوچر میں ہونے والی کارروائی کے تناظر میں ہرنائی میں کلیئرنس آپریشن کیا گیا جس میں مزید 11 دہشت گردوں کو ہلاک کیا گیا۔
مزیدپڑھیں:محسن نقوی نے پاسپورٹ بنوانے والوں کو بڑی خوشخبری سنادی
حیدرآباد ،پرائس کنٹرول کمیٹیا ں غیر فعال ،چینی مافیا سرگرم