حادثات و واقعات میں بچے سمیت 10 افراد جاں بحق
اشاعت کی تاریخ: 2nd, February 2025 GMT
کراچی ( اسٹاف رپورٹر ) شہر کے مختلف علاقوںمیں حادثات واقعات میں بچے سمیت 10 افراد جاںبحق اور خاتون سمیت 5 افراد زخمی ہوگئے۔ تفصیلات کے مطابق سکھن تھانے کی حدود لانڈھی بھینس کالونی میں تیز رفتار ٹریلر نے معصوم بچے اور ماں کو کچل دیا، بچہ موقع پر جاں بحق ہوگیا والدہ کو شدید زخمی حالت میں جناح اسپتال منتقل کیا گیا، بچے کی شناخت 15ماہ سوہان علی شاہ اور والدہ کی شناخت 28 سالہ شبانہ زوجہ نور محمد شاہ کے ناموں سے ہوئی۔ ڈرائیور موقع سے فرار ہوگیا۔ ڈرگ روڈ بائیکو پمپ کے قریب ڈکیتی کے دوران فائرنگ سے 29 سالہ وقار ولد محمد یونس نامی شخص زخمی ہوگیا۔ منظور کالونی سیکٹر آئی گلی نمبر 09 کشمیر پلازہ کے قریب گھر سے 34 سالہ اشرف علی ولد روزی علی کی پھند ا لگی لاش ملی۔ پولیس کے مطابق واقعہ خودکشی کا ہے۔ سائٹ اے تھانے کی حدود سائٹ ایریا نزد پاک ارم کمپنی کے قریب تیز رفتار واٹر ٹینکر کی ٹکر سے فیکٹری ملازم 40 سالہ محمد راحیل جاں بحق ہوگیا، ڈرائیور موقع سے فرار ہونے میں کامیاب ہوگیا۔ لانڈھی رزاق آباد سے پورٹ قاسم جاتے ہوئے مین روڈ پر ٹریفک حادثے میں 35سالہ شخص جاں بحق ہوگیا ۔ متوفی کی لاش کو جناح اسپتال منتقل کردیا گیا، شناخت نہ ہوسکی۔ بلدیہ اتحاد ٹاؤن A25 بس اسٹاپ کے قریب ٹریفک حادثے میں 12سالہ منصور ولد عبدالمجید جاں بحق ہوگیا۔ گلستان جوہر رابعہ سٹی کے قریب ٹریفک حادثہ میں زخمی 52 سالہ نامعلوم شخص دم توڑ گیا۔ مواچھ گوٹھ گبول چوک کے قریب 42 سالہ شخص کی لاش ملی، شناخت نہ ہوسکی۔ کورنگی میں ٹریفک حادثے کے دوران زخمی شخص دم توڑ گیا شناخت نہ ہوسکی۔ حب چوکی جام کالونی کے قریب نامعلوم افرادکی فائرنگ سے35 سالہ عاشق ولد نور محمد جاں بحق ہوگیا۔ بن قاسم کے علاقے پیپری نصیرآباد نیو اللہ بخش گوٹھ میں گھر کے اندر فائرنگ سے 30 سالہ کوثر نامی خاتون شدید زخمی ہوگئی، واقعہ جھگڑے کے دوران پیش آیا ہے۔ مری گوٹھ روٹ ڈی ون بس اسٹاپ کے قریب نامعلوم ملزمان کی فائرنگ سے 22 سالہ محمد عمر زخمی ہوگیا۔ سرجانی ٹاؤن کے علاقے سیکٹر 36 جمعرات بازار کے قریب ڈکیتی مزاحمت پر فائرنگ کے واقعہ میں 25 سالہ یاسین نامی نوجوان شدید زخمی ہوگیا۔ دریں اثناء محمود آباد کے علاقے اختر کالونی ٹی سی ایف اسکول کے قریب فائرنگ سے 25 سالہ ڈینئل ولد دانیال زخمی ہوگیا۔ محمود آباد پولیس کا کہنا ہے کہ واقعہ ذاتی جھگڑے کے دوران پیش آیا ہے۔
.ذریعہ: Jasarat News
کلیدی لفظ: جاں بحق ہوگیا زخمی ہوگیا فائرنگ سے کے دوران کے قریب
پڑھیں:
13 سالہ لڑکی کا مہینوں تک ریپ کرنے والے 4 نوجوان لڑکوں سمیت 8 افراد گرفتار
بھارت میں 13 سالہ لڑکی کے ساتھ مہینوں تک ریپ کرنے کے الزام میں 4 نابالغ نوجوان لڑکوں سمیت 8 افراد کو گرفتار کرلیا گیا۔
بھارتی میڈیا کی رپورٹ کے مطابق پولیس نے بتایا کہ سکم کے ضلع گیالشنگ میں 13 سالہ لڑکی کے ساتھ مہینوں تک ریپ کرنے کے الزام میں 4 نوجوان لڑکوں سمیت 8 افراد کو گرفتار کرلیا گیا۔
پولیس نے یہ کارروائی جمعہ کے روز چائلڈ ویلفیئر کمیٹی کی طرف سے دائر شکایت کی بنیاد پر کی جب کہ لڑکی کے اسکول نے این جی او لڑکی کی حالت کے بارے میں آگاہ کیا۔
کلاس میں ہمیشہ بیمار اور مضمحل حالت میں رہنے والی لڑکی نے کونسلنگ کے دوران اپنے علاقے کی ایک خاتون کا نام لیا جو اسے گھریلو کاموں میں مدد کے لیے باقاعدگی سے بلاتی تھی، پولیس نے بتایا کہ خاتون نے بچی کو مبینہ طور پر اپنے کے شوہر جنسی فعل کرنے پر مجبور کیا۔
حکام نے بتایا کہ اس دوران یہ بھی انکشاف ہوا کہ 2 مزید مردوں کو بھی لایا گیا اور لڑکی کو مبینہ طور پر پیسوں کے عوض جنسی تعلقات قائم کرنے پر مجبور کیا گیا۔
انہوں نے مزید کہا کہ متاثرہ لڑکی نے 4 لڑکوں کے نام بتائے جو گزشتہ ایک سال کے دوران مبینہ طور پر اس کے ساتھ جنسی زیادتی میں ملوث رہے۔
لڑکی کے بیان کی بنیاد پر پولیس نے خاتون، اس کے شوہر اور 2 مردوں کو گرفتار کر لیااور اس کے علاوہ 4 نابالغ لڑکوں کو بھی اپنی تحویل میں لے لیا۔
لڑکی اس وقت چائلڈ ویلفیئر کمیٹی کے پاس ہے اور اس کی کونسلنگ جاری ہے اور طبی علاج ہو رہا ہے۔
پولیس نے بتایا کہ مختلف دفعات کے تحت معاملہ کا مقدمہ درج کیا گیا ہے۔
گھر سے بے دخل خاتون ٹک ٹاکر نے نہر میں چھلانگ لگا دی