فیکٹری میں آگ لگنے سے 6 افراد جھلس گئے، ایک جاں بحق
اشاعت کی تاریخ: 2nd, February 2025 GMT
کراچی ( اسٹاف رپورٹر )شاہ لطیف ٹاون میں قائم مقامی کمپنی میں ویلڈنگ کے دوران آگ سے جھلس کر 6 افراد زخمی ہوگئے۔شاہ لطیف ٹاون میں مقامی کمپنی میں ویلڈنگ کے دوران لگنے والی آگ سے 6 افراد جھلس کر زخمی ہوگئے جنہیں فوری طبی امداد کیلیے سول اسپتال برنس وارڈ لایا گیا۔ ایس ایچ او شاہ لطیف ارشد اعوان کا کہنا ہے کہ واقعہ سے متعلق فیکٹری انتظامیہ نے پولیس کو لاعلم رکھا۔ اسپتال سے اطلاع ملنے کے بعد پولیس واقعہ کی تحقیقات کر رہی ہے، تاہم، جھلسنے والوں میں ایک شخص کی ہلاکت کی بھی اطلاع ہے جس کی تصدیق کی جا رہی ہے جبکہ زخمیوں کی شناخت کا عمل جاری ہے۔
.ذریعہ: Jasarat News
پڑھیں:
پورٹ قاسم ‘نجی کمپنی میں گیس پائپ پھٹنے سے 2افرادجاں بحق‘2زخمی
کراچی (اسٹاف رپورٹر ) شہر کے مختلف علاقوں میں نومولود اور خاتون سمیت 5 افراد جاںبحق ہوگئے دیگر واقعات میں دو افراد زخمی بھی ہوئے ۔ تفصیلات کے مطابق منگھو پیر تھانے کی حدود منگھو پیر ہمدرد یونیورسٹی روڈ نورانی ہوٹل کے قریب نہر میں ڈوب کر25سالہ وقاص ولد فضل فیض نامی شخص جاں بحق ہوگیا ،متوفی کی لاش نکال کر عباسی شہید اسپتال سے قانونی کاروائی کے بعد ورثاٗ کے سپرد کر دی گئی ۔سکھن تھانے کی حدود پورٹ قاسم کے قریب ایک نجی کمپنی میں گیس پائپ لائن پھٹنے سے دو افراد اپنی جانوں سے ہاتھ دھو بیٹھے تھے جبکہ چار افراد زخمی ہوئے2 زخمیوں کی حالت تشویش ناک بتائی جا رہی تھی جمعہ کے روز سول اسپتال برنس وارڈ میں دوران علاج 30سالہ احسن بھی زخموں کی تاب نہ لاتے ہوئے دم توڑ گیا اس طرح آئل ریفائنری پورٹ قاسم امونیا گیس بلاسٹ میں جاں بحق ہونے والوں کی تعداد 3ہوگئی ۔ متوفی کی لاش کو قانونی کاروائی کے بعد ورثاء کے سپر د کر دیا گیا۔ لیاقت آباد میں آگ سے جھلس کر 22 سالہ کلثوم زوجہ عابد زخمی ہوگئی تھی جمعہ کے روز سول اسپتال برنس وارڈ میں دوران علاج دم توڑ گئی۔ متوفی کی لاش قانونی کاروائی کے بعد ورثاء کے سپر د کر دی گئی ۔ مبینہ ٹاون تھانے کی حدود گلشن اقبال بلاک 4A بلال مسجد قبرستان کے قریب کچرا کنڈی سے نومولود بچے کی لاش ملی۔ گلستان جوہر بلاک 16A مدینہ بلیسنگ آپارٹمنٹ کے قریب نالے سے ایک اور نومولود بچی کی نعش ملی۔ دوسری جانب کورنگی سنگر چورنگی بلال بریانی شاپ کے قریب فائرنگ سے 42سالہ سخاوت ولد شبیر شاہ نامی شخص زخمی ہوگیا ۔
سکھر: واردات کے دوران مزاحمت پر 17 سالہ نوجوان قتل